“ମୁଁ ଅନ୍ଧ ବୋଲି କଣ ସରକାର ବି ଅନ୍ଧ ?” ନିଜ ପ୍ରଶ୍ନରେ ସରକାରୀ ବାବୁଙ୍କୁ ଘାଇଲା କଲା ଏହି ଦିବ୍ୟାଙ୍ଗ ବାଳକ, ସେ ଯାହା କହୁଛି ଶୁଣି ଆପଣ ବି ହେବେ ଆଶ୍ଚର୍ଯ୍ୟ… ଦେଖନ୍ତୁ video

ମୁଁ ସିନା ଜନ୍ମରୁ ଅନ୍ଧ ହେଲେ ସରକାର ବି କଣ ଅନ୍ଧ ? ବିଡିଓ, ତହସିଲଦାର, ସବକଲେକ୍ଟର ସମସ୍ତେ କଣ ଅନ୍ଧ ? ମୁଁ ଅନ୍ଧ ବୋଲି ସରକାରୀ ବ୍ୟବସ୍ଥା ବି କଣ ଅନ୍ଧ ? ୩୦ ଜଣ ପିଲାନୁ ଗୋଟିଏ ମାଷ୍ଟର ଦରକାର । ପ୍ରଶାସନକୁ ଆନ୍ଦୋଳିତ କରିଦେବା ଭଳି ଏଭଳି ପ୍ରଶ୍ନ ସବୁ ପଚାରିଛି ଜଣେ ଷଷ୍ଠ ଶ୍ରେଣୀର ଦୃଷ୍ଟିବାଧକ ଛାତ୍ର । ତାହା ପୁଣି ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଏଭଳି ପ୍ରଶ୍ନ କରିଛି ଛାତ୍ରଟି । ମୁଁ ଜନ୍ମରୁ ଅନ୍ଧ ହେଲି ବୋଲି କଣ ସରକାର ବି ଅନ୍ଧ କି ?

ବିଡିଓ, ତହସିଲଦାର, ସବକଲେକ୍ଟର ସମସ୍ତେ କଣ ଅନ୍ଧ ହୋଇଗଲେ କି ପ୍ରଶାସନିକ ଅଧିକାରୀଙ୍କୁ ପ୍ରଶ୍ନ କରିଛି ଏହି ଦିବ୍ୟାଙ୍ଗ ବାଳକ । ଆମ ସମସ୍ଯା କଣ କାହାକୁ ଦେଖା ଯାଉନାହିଁ ? ୩୦ ଜଣ ପିଲାଙ୍କ ପାଇଁ ଜଣେ ମାଷ୍ଟର ଦରକାର ବୋଲି ଦାବି କରିଛି ଏହି ଦିବ୍ୟାଙ୍ଗ ବାଳକ । କଳାହାଣ୍ଡି ଜିଲ୍ଲାର ଧର୍ମଗଡ ବେହେରାଗୁଡା ଉଚ୍ଚ ପ୍ରାଥମିକ ବିଦ୍ୟାଳୟର ଷଷ୍ଠ ଶ୍ରେଣୀର ଛାତ୍ର ହେଉଛନ୍ତି ଯଶବନ୍ତ ଛତ୍ରିଆ ।

ସେ ବ୍ଲକ ଶିକ୍ଷାଧିକାରୀ ଓ ସ୍ଥାନୀୟ ପୋଲିସ ଅଧିକାରୀଙ୍କୁ ନିଜ ସ୍କୁଲ ସମସ୍ଯା ବିଷୟରେ ଜଣାଉଛନ୍ତି । ଖରାଛୁଟି ପରେ ତାଙ୍କ ସ୍କୁଲ ଖୋଲିଥିଲା । କିନ୍ତୁ ସ୍କୁଲରେ ଶିକ୍ଷକଙ୍କ ଅଭାବ ଯୋଗୁଁ ସ୍କୁଲ ପାଠପଢାରେ ବ୍ୟାପକ ଅବ୍ୟବସ୍ଥା ଦେଖା ଦେଇଥିଲା । ସେହି ସ୍କୁଲରେ ୪୨୫ ଜଣ ପିଲା ପାଠ ପଢୁଥିବା ବେଳେ ସ୍କୁଲରେ ମାତ୍ର ସାତ ଜଣ ଶିକ୍ଷକ ନିୟୋଜିତ ଅଛନ୍ତି ।

ଯେଉଁଥି ପାଇଁ ସ୍କୁଲର ଏହି ଅବ୍ୟବସ୍ଥା ବିରୋଧରେ ଛାତ୍ର ଛାତ୍ରୀମାନେଆନ୍ଦୋଳନରେ ବସିଥିଲେ । ଦୀର୍ଘ ଦଶ ଦିନ ଧରି ବିଦ୍ୟାର୍ଥୀମାନେ ଏହି ଆନ୍ଦୋଳନରେ ବସିଛନ୍ତି । କିନ୍ତୁ ଏତେ ଦିନ ବିତି ଯାଇଥିଲେ ମଧ୍ୟ ତାଙ୍କ ସମସ୍ଯା ଉପରେ କେହି ବି ଦୃଷ୍ଟିପାତ କରି ନଥିଲେ । ତେବେ କୌଣସି ସମାଧାନ ନ ହେବାରୁ ଗତକାଲି ବ୍ଲକ ଶିକ୍ଷାଧିକାରୀଙ୍କ ସହ ପୋଲିସ ଅଧିକାରୀ ମଧ୍ୟ ସେହି ସ୍ଥାନରେ ପହଞ୍ଚିଥିଲେ ।

ଯାହାପରେ ଦିବ୍ୟାଙ୍ଗ ବାଳକ ଯଶବନ୍ତ ସେମାନଙ୍କ ସାମ୍ନାରେ ନିଜ ଦାବି ରଖିଥିଲେ ଓ ପ୍ରଶ୍ନବାଣରେ ସେମାନଙ୍କୁ ଘାଇଲା କରି ଦେଇଥିଲେ । ଯଶବନ୍ତଙ୍କ ଏଭଳି ଦାବି ପରେ ତୁରନ୍ତ ଦୁଇଜଣ ଶିକ୍ଷକଙ୍କୁ ତାଙ୍କ ସ୍କୁଲରେ ନିୟୋଜିତ କରାଯାଇଛି ।