[ad_1]
ବିକାଶ ବିରୋଧୀଙ୍କ ହୀନ ଚକ୍ରାନ୍ତ
ବିକାଶ ବିରୋଧୀଙ୍କୁ ପାଣ୍ଡିଆନଙ୍କ କଡା ଜବାବ
ଗୁଳି ମାରିଲେ ବି ଲୋକଙ୍କ ପାଖକୁ ଯିବି
ଅସହିଷ୍ଣୁ ହୋଇପଡୁଛନ୍ତି ବିରୋଧୀ
ଗଞ୍ଜାମର ବିଭିନ୍ନ ସଭାରେ ବିଶାଳ ସମାବେଶ
‘ଲୋକଙ୍କୁ ସମ୍ମାନ ଦେଇ ହାତ ମିଶାଇଲେ ଲାଗୁଛି ଖୁସୀ’
ନବୀନ ପଟ୍ଟନାୟକଙ୍କ ଜୟ ଧ୍ୱନିରେ କମ୍ପିଲା ସଭାସ୍ଥଳ
ପାଣ୍ଡିଆନଙ୍କ ସ୍ୱାଗତରେ ମୁଖରିତ ହେଲା ସଭାସ୍ଥଳ
ଭୁବନେଶ୍ୱର : ମତେ ଅଣ୍ଡା, ଚପଲ, କାଳି, ଟମାଟୋ ମାଡ କର କି ଗୁଳିମାଡ କର, କିଛି ଫରକ ପଡିବନି। ମୁଁ ଲୋକଙ୍କ ପାଖକୁ ଆସିବି ଓ ଲୋକଙ୍କ କାମ କରିବି । ଖରାରେ ୧୦ ହଜାର ଲୋକ ଅପେକ୍ଷା କରିଛନ୍ତି । ସେମାନଙ୍କୁ ସମ୍ମାନ ଦେଇ ସେମାନଙ୍କ ସହ ହାତ ମିଶାଇଲେ ଖୁସୀ ଲାଗୁଛି । ସେଥିପାଇଁ କିଏ ଟମାଟୋ ଫିଙ୍ଗିବ ବୋଲି ଅଟକିବାର ନାହିଁ । ବହୁତ ଲୋକ ଆସିବେ, ମଞ୍ଚ ଉପରେ ବିଭିନ୍ନ ପ୍ରତିଶ୍ରୁତି ଦେଇ ଚାଲିଯିବେ । କେହି କିଛି କାମ କରିବେ ନାହିଁ । ମୁଁ କିନ୍ତୁ ସେମିତି ଲୋକ ନୁହଁ । ମୁଁ ଲୋକଙ୍କ କାମ କରିବା ପାଇଁ ଆସିଛି ଓ ଆସୁଥିବି । ଚପଲ, ଅଣ୍ଡା ଓ କାଳି ମାଡ ଅଟକାଇପାରିବ ନାହିଁ । ଏପରିକି ଗୁଳିମାଡ ମଧ୍ୟ ଅଟକାଇପାରିବ ନାହିଁ । ଖରାତରାରେ ୧୦ ହଜାର ଲୋକ ଯେତେବେଳେ ମୋ ପାଇଁ ଆସିଛନ୍ତି, ମୁଁ ସେମାନଙ୍କୁ ଭେଟି ସେମାନଙ୍କ ସହ ହାତ ମିଳାଇଲେ ମତେ ଭଲ ଲାଗୁଛି । ଗଂଜାମ ଜିଲ୍ଲା ବେଲଗୁଣ୍ଠାଠାରେ ଆୟୋଜିତ ସାଧାରଣ ସଭାରେ ବିରୋଧୀମାନଙ୍କୁ ଏଭଳି ତୀର୍ୟକ କଟାକ୍ଷ କରିଛନ୍ତି ଫାଇଭ-ଟି ଓ ନବୀନ ଓଡିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ।
ଆଜି କାର୍ତ୍ତିକ ପାଣ୍ଡିଆନ ଗଂଜାମ ଜିଲ୍ଲା ଗସ୍ତରେ ଯାଇଥିବା ବେଳେ ତାଙ୍କର ପ୍ରଥମ ସଭା ଥିଲା ବେଲଗୁଣ୍ଠାଠାରେ । ବେଲଗୁଣ୍ଠାରେ ପ୍ରାୟ ୧୦ ହଜାରରୁ ଅଧିକ ଲୋକଙ୍କ ସମାଗମ ହୋଇଥିଲା । ଫାଇଭ-ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ସଭାସ୍ଥଳକୁ ପ୍ରବେଶ କରୁଥିବା ବେଳେ ଜଣେ ଦୁବୃତ୍ତ ଅଚାନକ ଧସେଇଆସି ଏକ ଟମାଟୋ ତାଙ୍କ ଉପରକୁ ଫୋପାଡିଥିଲା । ଦୁବୃତ୍ତକୁ ତୁରନ୍ତ ସଭାରେ ଥିବା ଲୋକେ ଓ ପୋଲିସ କାବୁ କରିନେଇଥିଲା । ଟମାଟୋ ଫୋପାଡିବା ବେଳେ ସମ୍ପୃକ୍ତ ଯୁବକ ହାତରେ କଂଗ୍ରେସର ଏକ ଛୋଟିଆ ପତାକା ଧରିଥିବା ଦେଖିବାକୁ ମିଳିଥିଲା ।
ସମ୍ପୃକ୍ତ ଦୁବୃତ୍ତଙ୍କ ଟମାଟୋ ମାଡ ସତ୍ତ୍ବେ ପାଣ୍ଡିଆନ ସାମାନ୍ୟ ବିଚଳିତ ମଧ୍ୟ ହୋଇନଥିଲେ । ଚିରାଚରିତ ଭାବେ ସେ ହସହସ ମୁହଁରେ ଲୋକଙ୍କୁ ହାତ ମିଶାଇଥିଲେ ଓ ସେମାନଙ୍କ ଠାରୁ ଦରଖାସ୍ତ ଗ୍ରହଣ କରିଥିଲେ । ମଞ୍ଚ ଉପରକୁ ଆସି ଜୟ ଜଗନ୍ନାଥ ଓ ଜୟ ମା ତାରାତାରିଣୀ କହି ବେଲଗୁଣ୍ଠା ଏବଂ ସୋରଡା ଅଞ୍ଚଳର ବିକାଶ ସମ୍ପର୍କିତ ଚିଠା ଉପସ୍ଥାପନ କରିଥିଲେ ।
ପାଣ୍ଡିଆନଙ୍କ ସଭାରେ ଅଭୂତପୂର୍ବ ଜନସମାବେଶ । ତାସହିତ ଲୋକଙ୍କ ସମସ୍ୟାର ତୁରନ୍ତ ସମାଧାନ ଓ ବିକାଶର ଲମ୍ବାଚିଠା ବିରୋଧୀଙ୍କୁ ଅସହିଷ୍ଣୁ କରିଦେଇଛି ବୋଲି ସାଧାରଣରେ ମତ ପ୍ରକାଶ ପାଇଛି । ଆଜିର ଏହି ଘଟଣାକୁ ବିଭିନ୍ନ ମହଳରେ ତୀବ୍ର ନିନ୍ଦା କରାଯାଇଛି । ଅତୀତରେ ମଧ୍ୟ ବିଭିନ୍ନ ସ୍ଥାନରେ ଏଭଳି ଘଟଣା ଘଟିଛି । କିନ୍ତୁ କୌଣସି ଘଟଣାରେ କାର୍ତ୍ତିକ ପାଣ୍ଡିଆନ କେବେ ବିଚଳିତ ହୋଇଥିବା ଦେଖିବାକୁ ମିଳିନି । ବରଂ ଅଧିକ ଉତ୍ସାହର ସେ ଲୋକଙ୍କ କାମ କରିବାକୁ ଆଗଭର ହୋଇଛନ୍ତି ।
ଆଜି ଫାଇଭ-ଟି ତଥା ନବୀନ ଓଡିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ଦିନିକିଆ ଗଞ୍ଜାମ ଗସ୍ତରେ ଯାଇ ପ୍ରଥମେ ବେଲଗୁଣ୍ଠାରେ ପହଞ୍ଚିଥିଲେ । ପରେ ସେ ଶେରଗଡ, କୁକୁଡାଖଣ୍ଡି ଓ ପାତ୍ରପୁରରେ ଆୟୋଜିତ ସଭାରେ ଯୋଗ ଦେଇଥିଲେ । ସବୁଠି ତାଙ୍କୁ ବିପୁଳ ସ୍ବାଗତ କରାଯାଇଥିଲା ।
[ad_2]
