କୋଲକାତା: କୋଲକାତାର ଆରଜି କର ମେଡିକାଲ କଲେଜ ଏବଂ ହସପିଟାଲରେ ମୃତ ସ୍ନାତକୋତ୍ତର ତାଲିମପ୍ରାପ୍ତ ଡାକ୍ତରଙ୍କ ପ୍ରାଥମିକ ବ୍ୟବଚ୍ଛେଦ ରିପୋର୍ଟ ହସ୍ତଗତ ହୋଇଛି। ରିପୋର୍ଟରୁ ଜଣାପଡିଛି ଯେ ହତ୍ୟା ପୂର୍ବରୁ ତାଙ୍କୁ ଯୌନ ନିର୍ଯାତନା ଦିଆଯାଇଥିଲା। ଡାକ୍ତରଖାନା ବିରୋଧରେ ଜୁନିୟର ଡାକ୍ତରଙ୍କ ବିରୋଧ ତଥା ଆଇନ ଶୃଙ୍ଖଳା ପରିସ୍ଥିତିକୁ ନେଇ ବିଜେପିର ସମାଲୋଚନା ମଧ୍ୟରେ ଏହି ଘଟଣାରେ ଜଣଙ୍କୁ ଗିରଫ କରାଯାଇଛି।
ପୁଲିସ କହିଛି ଯେ ଗିରଫ ହୋଇଥିବା ବ୍ୟକ୍ତି ଡାକ୍ତରଖାନାର ଅନେକ ବିଭାଗରେ ମନ ଇଛା ପ୍ରବେଶ କରିଛନ୍ତି। ପୁଲିସ ସିସିଟିଭି ଫୁଟେଜ ସମୀକ୍ଷା କରିବା ପରେ ତାଙ୍କୁ ଗିରଫ କରାଯାଇଥିଲା। ଜଣେ ପୁଲିସ ଅଧିକାରୀ ପିଟିଆଇକୁ କହିଛନ୍ତି, “ଆମେ ଜଣେ ବ୍ୟକ୍ତିଙ୍କୁ ଗିରଫ କରିଛୁ। ଏହି ମାମଲାରେ ପୁଲିସ ଦୁଇଜଣ ଇଣ୍ଟର୍ଣ୍ଣ ଡାକ୍ତରଙ୍କୁ ମଧ୍ୟ ପଚରାଉଚରା କରିଛି।’
ଚାରି ପୃଷ୍ଠା ବିଶିଷ୍ଟ ଶରୀର ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ଯେ ମହିଳାଙ୍କ ବ୍ୟକ୍ତିଗତ ଅଂଶରୁ ରକ୍ତସ୍ରାବ ହୋଇଥିଲା ଏବଂ ଶରୀରର ଅନ୍ୟ ଅଙ୍ଗରେ ଆଘାତ ଚିହ୍ନ ରହିଥିଲା।
“ଉଭୟ ଆଖି ଓ ପାଟିରୁ ରକ୍ତସ୍ରାବ ହେଉଥିଲା, ମୁହଁରେ ଆଘାତ ଲାଗିଥିଲା ଏବଂ ନଖ ଚିହ୍ନ ବି ଥିଲା। ପୀଡିତାଙ୍କ ବ୍ୟକ୍ତିଗତ ଅଂଶରୁ ମଧ୍ୟ ରକ୍ତସ୍ରାବ ହେଉଥିଲା। ତାଙ୍କ ପେଟ, ବାମ ଗୋଡ, ବେକ, ଡାହାଣ ହାତରେ ଚିହ୍ନ ରହିଛି” ବୋଲି ପିଟିଆଇ ରିପୋର୍ଟ କରିଛି। କୋଲକାତା ପୁଲିସ ଅଧିକାରୀଙ୍କ ଅନୁଯାୟୀ ଏହି ଘଟଣା ସକାଳ ୩ ରୁ ୬ ମଧ୍ୟରେ ଘଟିଛି।
