ଆଜିକାଲିର ଖରାପ ଜୀବନଶୈଳୀ ତଥା ଚେହେରାର ଭଲ ଭାବେ ଯତ୍ନ ନନେବା କାରଣରୁ ଚେହେରାରେ ଅନେକ ପ୍ରକାର ପ୍ରୋବ୍ଲେମ ଦେଖାଦେଉଛି । ବିଶେଷ କରି ଚେହେରାରେ ବ୍ରଣ ବାହାରିବା ଏକ କମନ ପ୍ରୋବ୍ଲେମ ହୋଇଗଲାଣି । ଯାହାକି ଅନେକଙ୍କ ଚେହେରାରେ ପ୍ରାୟତଃ ଦେଖାଯାଇଥାଏ । ତେବେ ମୁହଁରେ ବ୍ରଣ ହେବା ଓ ବ୍ରଣର ଦାଗ ମୁହଁରେ ରହିଯିବା ଦ୍ଵାରା ତାହା ଚେହେରାର ସୁନ୍ଦରତାକୁ ନଷ୍ଟ କରିଦେଇଥାଏ । ତେବେ ମୁହଁର ବ୍ରଣ ଓ ତାହାର କଳା ଦାଗକୁ କିପରି ଭାବେ ମୁହଁରୁ ସବୁଦିନ ପାଇଁ ଦୂର କରିହେବ ତାହା ପାଇଁ ଏକ ବହୁତ ଭଲ ଘରୋଇ ଉପଚାର ଏଠାରେ କହିବାକୁ ଯାଉଛୁ ।
ପ୍ରଥମେ 12 ରୁ 15 ଟି ନୀମ ପତ୍ର ତୋଳି ଆଣି ତାହାକୁ ଭଲ ଭାବେ ଧୋଇ ଦିଅନ୍ତୁ । ତାପରେ ପରିଷ୍କାର ନୀମ ପତ୍ରକୁ କୁଟି କିମ୍ବା ତାହାକୁ ଗ୍ରାଇଣ୍ଡିଙ୍ଗ କରି ତାହାକୁ ଦର ଛେଚା କରିଦିଅନ୍ତୁ । ତେବେ ଛେଚା ହୋଇସାରିଥିବା ନୀମପତ୍ରକୁ କୌଣସି ଏକ ପାତ୍ରରେ କାଢି ଦିଅନ୍ତୁ । ସେଥିରେ ଏକ ଚାମଚ ଗୋଲାପ ଜଳ ଆଡ୍ କରନ୍ତୁ । ଯଦି ଚାହିଁବେ ଗୋଲାପ ଜଳ ବଦଳରେ ସେହି ଅନୁସାରେ ଏକ ରୁ ଦୁଇ ଚାମଚ ସେଥିରେ ପାଣି ମଧ୍ୟ ଆଡ୍ କରିପାରିବେ । ତାପରେ ନୀମପତ୍ରକୁ ପାଣି ଦେଇ ମିକ୍ସ କରି ରଖିଦିଅନ୍ତୁ ।
