[ad_1]
ମୁମ୍ବାଇ: ସୁରକ୍ଷା ବଳୟ ଭାଙ୍ଗି ଦୌଡ଼ି ଆସିବା ସହ ଅଭିନେତ୍ରୀ ତମନ୍ନା ଭାଟିଆଙ୍କ ହାତ ଟାଣିଦେଲେ ଯୁବକ। ଏକ ଇଭେଣ୍ଟରେ ଅଭିନେତ୍ରୀଙ୍କ ଜଣେ ପ୍ରଶଂସକ ଏଭଳି କରିଥିବା ଜଣାଯାଇଛି। ପ୍ରଶଂସକଜଣକ ସୁରକ୍ଷା ବଳୟ ଭାଙ୍ଗି ହଠାତ୍ ଅଭିନେତ୍ରୀଙ୍କ ପାଖକୁ ଦୌଡ଼ି ଆସିବା ସହ ତାଙ୍କ ହାତ ଧରିବାକୁ ଚେଷ୍ଟା କରିଥିଲେ। ଏହା ଦେଖି ଅଭିନେତ୍ରୀ ତମନ୍ନା ଭାଟିଆ ଆଶ୍ଚର୍ଯ୍ୟ ହୋଇଯାଇଥିଲେ। ପାରମ୍ପାରିକ ପୋଷାକ ପିନ୍ଧି ଅଭିନେତ୍ରୀ ଏକ ଉଦଘାଟନୀ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିବା ବେଳେ ତାଙ୍କ ସହ ଏହି ଘଟଣା ଘଟିଥିଲା।
ପ୍ରଶଂସକଜଣକ ଏଭଳି କରିବାକୁ ଚେଷ୍ଟା କରୁଥିବା ଦେଖି ତମନ୍ନାଙ୍କ ଟିମ୍ ତାଙ୍କୁ ବାହାରକୁ ନେବାକୁ ଚେଷ୍ଟା କରିଥିଲେ। ଏହା ଦେଖି ତମନ୍ନା ନିଜ ଟିମକୁ ରୋକିବା ସହ ପ୍ରଶଂସକଙ୍କ ସହ ହାତ ମିଳାଇ ତାଙ୍କ ସହ ସେଲଫି ନେଇଥିଲେ ତମନ୍ନା। ଏବେ ଏହାର ଭିଡିଓ ଭାଇରାଲ ହେବାରେ ଲାଗିଛି।
ଭିଡିଓ ଭାଇରାଲ ହେବା ପରେ ତମନ୍ନା, ପ୍ରଶଂସକଙ୍କ ଏଭଳି କାମକୁ ଦେଖି ବିରକ୍ତି ହେବା ପରିବର୍ତ୍ତେ ଶାନ୍ତ ହୋଇ ପରିସ୍ଥିତିକୁ ସମ୍ଭାଳି ନେଇଥିବାରୁ ଲୋକେ ତାଙ୍କର ପ୍ରଶଂସା କରୁଛନ୍ତି। କିଛି ଲୋକ ଯୁବକଙ୍କ ଏଭଳି କାମକୁ ନିନ୍ଦା କରି ଅଭିନେତ୍ରୀଙ୍କୁ ଅଧିକ ସୁରକ୍ଷା ଦେବା ପାଇଁ ଦାବି କରିଛନ୍ତି।
ତେବେ ଅଭିନେତ୍ରୀ ତମନ୍ନା ଏବେ ନିଜର ଆଇଟମ୍ ଗୀତ କାବାଲାକୁ ନେଇ ଚର୍ଚ୍ଚାରେ ରହିଛନ୍ତି। ରଜନୀକାନ୍ତଙ୍କ ଅଭିନୀତ ଫିଲ୍ମ ଜେଲରେ ଥିବା ଏହି ଆଇଟମ୍ ଗୀତକୁ ନେଇ ଏବେ ଚାରିଆଡେ ଚର୍ଚ୍ଚା। ଗୀତ ସହ ତମନ୍ନାଙ୍କ ଡାନ୍ସ ସମସ୍ତଙ୍କୁ ପସନ୍ଦ ଆସିଛି।
[ad_2]
