ତେଲଙ୍ଗାନା : ହାଇଦ୍ରାବାଦରେ ଗତ ୨ ଦିନ ହେବ ପ୍ରବଳ ବର୍ଷା ଲାଗି ରହିଛି । ଆସନ୍ତା ୨ ଦିନ ପର୍ଯ୍ୟନ୍ତ ମଧ୍ୟ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ହାଇଦ୍ରାବାଦର ହସନ ନଗର ଅଞ୍ଚଳରେ ଶନିବାର ସନ୍ଧ୍ୟାରେ ବର୍ଷା ସମୟରେ ଏକ ବିରାଟ ଅଜଗର ସାପ ଦେଖାଯାଇଥିଲା। ଭାଇରାଲ ହେଉଥିବା ଭିଡିଓରେ ଉଦ୍ଧାର ହୋଇଥିବା ବିଶାଳ ଅଜଗର ସାପକୁ ଦେଖିପାରିବେ।
ଭିଡିଓରେ ଦେଖିପାରିବେ, ହସନ ନଗରରେ ଏକ ବିଶାଳ ଅଜଗର ଦେଖା ଯିବା ପରେ ତୁରନ୍ତ ଜଣେ ସାପ ଧରାଳୀଙ୍କୁ ଖବର ଦିଆଯାଇଥିଲା । ଆଖପାଖରେ ଲୋକ ଅଜଗର ସାପକୁ ଦେଖିବାକୁ ଭିଡ ଜମିଥିବା ଦେଖିବାକୁ ମିଳିଥିଲା । ଲୋକେ ସାପକୁ ଦେଖିବା ସହ ଏହାର ଭିଡିଓ ମଧ୍ୟ କରୁଥିଲେ । ସାପକୁ ଧରିବା ପରେ ସୁରକ୍ଷିତ ସ୍ଥାନରେ ଛଡା ଯାଇଥିଲା । ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
