ଶ୍ରାବଣ ମାସରେ ଯେଉଁ ବ୍ୟକ୍ତି ସମ୍ପୂର୍ଣ୍ଣ ବିଧି ବିଧାନ ସହିତ ଏବଂ ନିଷ୍ଠାର ସହିତ ମହାଦେବଙ୍କ ପୂଜା କରିଥାଏ ତା ଉପରେ ଭଗବାନ ବହୁତ ଜଲଦି ପ୍ରସନ୍ନ ହୁଅନ୍ତି । ଧାର୍ମିକ ମାସ ଅନୁଯାୟୀ ଭଗବାନ ଶିବଙ୍କ ଅଭିଷେକ କରିବା ଜୀବନର କଷ୍ଟକୁ କମ କରିଥାଏ । ମହାଦେବଙ୍କୁ ପ୍ରସନ୍ନ କରିବା ପାଇଁ ମହାଦେବଙ୍କ ପ୍ରିୟ ଧୁତୁରା , ବେଲପତ୍ର , କ୍ଷୀର ଆଦି ଅର୍ପଣ କରି ପାରିବେ । କିନ୍ତୁ ଏସବୁ ଜିନିଷ ଉପଲବ୍ଧ ନଥିଲେ ତାହାର ଅନ୍ୟ ବିକଳ୍ପ ମଧ୍ୟ ରହିଛି ।
ମହାଦେବଙ୍କୁ ଭିନ୍ନ ଭିନ୍ନ ଶସ୍ୟ ଅର୍ପିତ କଲେ ମଧ୍ୟ ସବୁ ପ୍ରକାରର ମନସ୍କାମନା ପୂର୍ଣ୍ଣ ହୋଇଥାଏ । ବିଶେଷ କରି ହରଡ଼ ଡାଲି ଅର୍ପିତ କଲେ ସବୁ ମନସ୍କାମନା ପୂରଣ ହୋଇଥାଏ । ଏହାବ୍ୟତୀତ ହରଡ଼ ଗଛର ପତ୍ର ଏବଂ ଡାଳ ମଧ୍ୟ ଅର୍ପିତ କରି ପାରିବେ । ଏହାଦ୍ୱାରା ସବୁ ପ୍ରକାରର ସୁଖ ପ୍ରାପ୍ତି ହୋଇଥାଏ । ମହାଦେବଙ୍କୁ ଆପଣ ବୁଟ ଡାଲି ମଧ୍ୟ ଅର୍ପିତ କରି ପାରିବେ । କାରଣ ଏହାଦ୍ବାରା ମହାଦେବ ପ୍ରସନ୍ନ ହୁଅନ୍ତି । ଖାସ କରି ଅବିବାହିତ ଯୁବତୀ ଏହି ଜିନିଷ ଅର୍ପିତ କଲେ ତାଙ୍କୁ ଶ୍ରେଷ୍ଠ ଜୀବନସାଥି ମିଳିଥାଏ । ଆପଣ ମହାଦେବଙ୍କୁ ବେଲପତ୍ର ବଦଳରେ ଏହି ଡାଲି ଅର୍ପିତ କରି ପାରିବେ ।
ଏହାବ୍ୟତୀତ ମୁଗ ଡାଲି ଦ୍ୱାରା ମଧ୍ୟ ମହାଦେବ ପ୍ରସନ୍ନ ହୁଅନ୍ତି । ଯଦି ଆପଣ ନାନା ପ୍ରକାରର ସମସ୍ୟାରେ ପୀଡ଼ିତ ଅଛନ୍ତି ତେବେ ଶନିବାର ଦିନ ମହାଦେବଙ୍କୁ ମୁଗ ଡାଲି ଅର୍ପିତ କରନ୍ତୁ । ଆପଣ ସୋମବାର ଦିନ ମଧ୍ୟ ଏହି ଉପାୟ କରି ପାରିବେ । ଏହାଦ୍ବାରା ଉଭୟ ମହାଦେବ ଏବଂ ଶନିଦେବ ପ୍ରସନ୍ନ ହେବେ । ମହାଦେବଙ୍କୁ ଚାଉଳ ଅର୍ପିତ କରିବା ଦ୍ୱାରା କଳହ କ୍ଳେଶରୁ ମୁକ୍ତି ମିଳିଥାଏ ଏବଂ ମନରେ ଶାନ୍ତି ଆସିଥାଏ । ଲକ୍ଷ୍ମୀଙ୍କ କୃପା ବର୍ଷିଥାଏ । କିନ୍ତୁ ମନେ ରଖନ୍ତୁ ଯେପରି ଶିବଲିଙ୍ଗ ଉପରେ ଖଣ୍ଡିତ ଚାଉଳ ଅର୍ପିତ ନକରନ୍ତି । ଚାଉଳ ଚଢ଼ାଇବା ସମୟରେ ଯେପରି ମହାଦେବଙ୍କ ମନ୍ତ୍ର ଜପ କରିବାକୁ ନଭୁଲନ୍ତି ।
ଶ୍ରାବଣ ମାସରେ ଭଗବାନ ଶିବାକୁ କଳା ତିଳ ଅର୍ପଣ କରିବାର ଅନେକ ମହତ୍ତ୍ୱ ରହିଛି । ଆପଣ ସିଧାସଳଖ ଶିବଲିଙ୍ଗରେ ତିଳ ଅର୍ପଣ କରି ପାରିବେ କିମ୍ବା ପାଣିରେ ମିଶାଇ ମଧ୍ୟ ଅର୍ପିତ କରି ପାରିବେ । ପୂଜା ସମୟରେ ବେଲପତ୍ର ଏବଂ ଫୁଲ ବଦଳରେ କଳା ତିଳ ଅର୍ପଣ କଲେ ମଧ୍ୟ ଭଲ ଫଳ ମିଳିଥାଏ । ଏହାଦ୍ୱାରା ଜୀବନର ସବୁ କଳହ କ୍ଳେଶ ଦୂର ହୋଇଯାଏ । ମାନସିକ ଏବଂ ଶାରୀରିକ ସୁସ୍ଥତା ପ୍ରାପ୍ତ ହୋଇଥାଏ ।
କଞ୍ଚା ମୁଗକୁ ଭଗବାନ ଶିବ ବହୁତ ପସନ୍ଦ କରନ୍ତି । ଏହାକୁ ଶିବଲିଙ୍ଗରେ ଅର୍ପିତ କଲେ ସବୁ ପ୍ରକାରର ମନସ୍କାମନା ପୂର୍ଣ୍ଣ ହୋଇଥାଏ । କିନ୍ତୁ ୧୦୮ ସଂଖ୍ୟାରେ ଚଢାଇଲେ ତାହା ଅଧିକ ଫଳ ଦେଇଥାଏ । ଏହାକୁ ଅର୍ପିତ କରିବା ସମୟରେ ମହାଦେବଙ୍କ ମନ୍ତ୍ର ଓଁ ନମଃ ଶିବାୟ ନିଶ୍ଚୟ ଜପ କରନ୍ତୁ ।
