ଜାମ୍ମୁ କାଶ୍ମୀର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା ବିଧାନସଭା ବାଚସ୍ପତି ନିର୍ବାଚନ ପାଇଁ ତାରିଖ ସ୍ଥିର କରିଛନ୍ତି। ନଭେମ୍ବର ୪, ସୋମବାର ଦିନ ୧୦:୩୦ ରେ ନିର୍ବାଚନ ଅନୁଷ୍ଠିତ ହେବ। ରାଜ ଭବନ ସୂତ୍ରରୁ ଏହି ସୂଚନା ଗ୍ରହଣ କରାଯାଇଛି। ବିଧାନସଭାର ବାଚସ୍ପତି ନିର୍ବାଚନ ପ୍ରକ୍ରିୟାକୁ ଶୃଙ୍ଖଳିତ କରିବା ପାଇଁ ସମସ୍ତ ଆବଶ୍ୟକ ପ୍ରସ୍ତୁତି ଶେଷ କରିବାକୁ ଲେଫ୍ଟନାଣ୍ଟ ଗଭର୍ଣ୍ଣର ନିର୍ଦ୍ଦେଶ ଦେଇଛନ୍ତି।
ଏହି ନିର୍ବାଚନ ରାଜ୍ୟର ରାଜନୈତିକ କାର୍ଯ୍ୟକଳାପରେ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ ଏବଂ ସମସ୍ତ ରାଜନୈତିକ ଦଳର ଆଖି ଏହା ଉପରେ ଥାଏ। ବିଧାନସଭାରେ ବାଚସ୍ପତିଙ୍କ ନିର୍ବାଚନ ରାଜ୍ୟର ବିଧାନସଭା ପରିଚାଳନା ତଥା ଗୃହର ପ୍ରକ୍ରିୟାକୁ ସୁଗମ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।
ଲେଫ୍ଟନାଣ୍ଟ ଗଭର୍ଣ୍ଣରଙ୍କ ଅଭିଭାଷଣ ସହିତ ଅଧିବେଶନ ସକାଳ ୧୧ଟା ୩୦ରେ ଆରମ୍ଭ ହେବ। ଅଧିବେଶନ ଆରମ୍ଭ ପୂର୍ବରୁ ଜମ୍ମୁ କଶ୍ମୀର ବିଧାନସଭାର ବାଚସ୍ପତି ନିର୍ବାଚନ ମଧ୍ୟ ଅନୁଷ୍ଠିତ ହେବ। ସମ୍ଭବତଃ ନ୍ୟାସନାଲ କନଫରେନ୍ସର ବରିଷ୍ଠ ନେତା ଅବଦୁଲ ରହୀମ ରାଥରଙ୍କୁ ସ୍ପିକର ପଦ ଦିଆଯିବା ସହ ଡେପୁଟି ସ୍ପିକର ପଦ ଭାଜପାକୁ ଦିଆଯିବ। ଭାଜପା ହେଉଛି ମୁଖ୍ୟ ବିରୋଧୀ ଦଳ ଏବଂ ଗୃହରେ ୨୯ ଜଣ ବିଧାୟକ ଅଛନ୍ତି। ପରମ୍ପରା ଅନୁଯାୟୀ ବିରୋଧୀ ଦଳର ସଦସ୍ୟଙ୍କୁ ଡେପୁଟି ସ୍ପିକର ପଦ ପ୍ରଦାନ କରାଯାଇଛି।
ବିଧାନସଭାର ପ୍ରଥମ ଅଧିବେଶନ ଗ୍ରୀଷ୍ମକାଳିନ ରାଜଧାନୀ ଶ୍ରୀନଗରରେ ଅନୁଷ୍ଠିତ ହେବ ଏବଂ ପ୍ରାୟ ଏକ ସପ୍ତାହ ପର୍ଯ୍ୟନ୍ତ ଚାଲିବ। ମଙ୍ଗଳବାର ଲେଫ୍ଟନାଣ୍ଟ ଗଭର୍ଣ୍ଣର ଜମ୍ମୁ କଶ୍ମୀର ପୁନର୍ଗଠନ ଅଧିନିୟମ୨୦୧୯ର ଧାରା ୧୮୯୧ ଅନୁଯାୟୀ ଦିଆଯାଇଥିବା କ୍ଷମତା ଏବଂ ଅଧିକାରକୁ ବ୍ୟବହାର କରି ନଭେମ୍ବର ୪ରେ ବିଧାନସଭା ଅଧିବେଶନ ଡାକିଛନ୍ତି। ବିଧାନସଭା ଅଧିବେଶନ ଆରମ୍ଭ ହେବା ପୂର୍ବରୁ ବିଧାନସଭା ବାଚସ୍ପତି ମଧ୍ୟ ନିର୍ବାଚିତ ହେବେ। ଏନସି ସହ ଜଡିତ ସୂତ୍ରରୁ ପ୍ରକାଶ ଯେ ଦଳର ଦୁଇ ବରିଷ୍ଠ ନେତା ଅବଦୁଲ ରହୀମ ରାଥର ଓ ଅଲି ମହମ୍ମଦ ସାଗର ବାଚସ୍ପତି ପଦ ପାଇଁ ଦୌଡ଼ରେ ଅଛନ୍ତି। ଉଭୟ ସାତଥର ବିଧାୟକ ଭାବରେ ନିର୍ବାଚିତ ହୋଇଛନ୍ତି, କିନ୍ତୁ ଅବଦୁଲ ରହୀମ ରାଥର ବୟସ ଦୃଷ୍ଟିରୁ ବରିଷ୍ଠ ବିଧାୟକ ଅଟନ୍ତି।
