ଶୀତ ବର୍ତ୍ତମାନ ଧୀରେ ଧୀରେ ପାଖେଇ ଆସୁଅଛି , ଏବଂ ଏହି ଋତୁରେ ଲୋକମାନେ ଚର୍ମ ଶୁଷ୍କତା ଦ୍ୱାରା ଚିନ୍ତିତ ହୋଇଯାଆନ୍ତି। ଏଥିସହିତ ସୋରିୟାସିସ ରୋଗୀମାନେ ଏହି ଋତୁରେ ଅତ୍ୟନ୍ତ ଚିନ୍ତିତ ହୋଇଥାଆନ୍ତି। ଯଦି ଆପଣ ମାନେ ଜାଣିନାହାଁନ୍ତି , ତେବେ ଆପଣଙ୍କୁ କହିରଖୁଛୁ ଯେ ସୋରିୟାସିସ ଚର୍ମ ସହ ଜଡିତ ଏକ ରୋଗ ଅଟେ। ଯଦି ଆପଣଙ୍କର କହୁଣୀ , ଆଣ୍ଠୁ , ବେକ , ଖପୁରୀ ଆଦିରେ ଚର୍ମ ଅତ୍ୟନ୍ତ ଶୁଷ୍କ ହୋଇଯାଏ , ତେବେ ଏହାକୁ ଅଣଦେଖା କରନ୍ତୁ ନାହିଁ କାରଣ ଏହି ଲକ୍ଷଣ ଏହି ଚର୍ମ ରୋଗର ମଧ୍ୟ ହୋଇପାରେ। ସାରା ବିଶ୍ୱରେ ପ୍ରାୟତଃ ୧୨.୫୦ କୋଟି ଲୋକ ଏହି ରୋଗ ଦ୍ୱାରା ପ୍ରଭାବିତ ହୋଇଥାଆନ୍ତି। ଏହି ରୋଗର ସଚେତନତା ପାଇଁ ସମଗ୍ର ବିଶ୍ୱରେ ୨୯ ଅକ୍ଟୋବର ଦିନକୁ ବିଶ୍ୱ ସୋରିୟାସିସ ଦିବସ ଭାବରେ ପାଳନ କରାଯାଏ। ଆସନ୍ତୁ ଏ ବିଷୟରେ ଆପଣଙ୍କୁ ବିସ୍ତୃତ ଭାବରେ ଜଣାଇବା। ଯଦି ଆପଣ ଏହାର ଶିକାର ହୋଇଛନ୍ତି , ତେବେ ଆପଣଙ୍କୁ ଖାଦ୍ୟପେୟରେ ମଧ୍ୟ ବିଶେଷ ଧ୍ୟାନ ଦେବାକୁ ପଡିବ।
ସର୍ବପ୍ରଥମେ ଜାଣନ୍ତୁ ଆପଣ କିପରି ଜାଣିବେ ଯେ ଏହା ସୋରିୟାସିସର ସମସ୍ୟା ଅଟେ ?
ଯଦି ଚର୍ମରେ ଲାଲି ରଙ୍ଗର ଶୁଖାଯାଇଥିବା କଠିନ ଦାଗ , ଛାଲ ଆକାରର ହୋଇଥିବ ଏବଂ ତାହା ଅତ୍ୟନ୍ତ କୁଣ୍ଡେଇ ହେଉଥିବ , ତେବେ ତାହା ସୋରିୟାସିସ ହୋଇପାରେ। ଅନେକ ଲୋକ ଅନୁଭବ କରନ୍ତି ଯେ ଏହାର ସମ୍ପର୍କ ଚର୍ମ ସଂକ୍ରମଣ କିମ୍ବା କସମେଟିକ ସମସ୍ୟା ଅଟେ , ଯେତେବେଳେ କି ସୋରିୟାସିସ ଏହାର ସମ୍ପୂର୍ଣ୍ଣ ବିପରୀତ ଅଟେ।
ରୋଗ ପ୍ରତିରୋଧକ ଶକ୍ତି ସହିତ ଏହି ରୋଗର ସଂଯୋଗ:-
ଯେଉଁ ଲୋକମାନଙ୍କର ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଥାଏ , ସେମାନଙ୍କୁ ଏହି ସମସ୍ୟାକୁ ନିଜ ଶିକାର କରିଥାଏ। ବାସ୍ତବରେ ସୋରିୟାସିସ ରୋଗ ସେତେବେଳେ ହୋଇଥାଏ , ଯେତେବେଳେ ପ୍ରତିରକ୍ଷା ପ୍ରଣାଳୀ ସୁସ୍ଥ କୋଷ ଉପରେ ଆକ୍ରମଣ କରିଥାଏ। କିନ୍ତୁ ଭୟଭୀତ କରିବାର କୌଣସି ଆବଶ୍ୟକତା ନାହିଁ କାରଣ ସଠିକ ଖାଦ୍ୟ ଏବଂ ଜୀବନଶୈଳୀର ନିୟମ ଏହି ରୋଗ ଉପରେ ନିୟନ୍ତ୍ରଣ ରଖିବ।
ସର୍ବପ୍ରଥମେ ଜାଣନ୍ତୁ ସୋରିୟାସିସ ରୋଗରେ କଣ ଖାଇବା ଉଚିତ:-
ଏଥିରେ ଆପଣଙ୍କୁ ଗହମ , ଚାଉଳ , ଯଅ , ନାଲି ବୁଟ , ମୁଗ , ମସୁର ଡାଲି , ପନିପରିବାରେ ସୋଜନା , କୁନ୍ଦୁରୀ , ପୋଟଳ , ଲାଉ , ଜହ୍ନି , ରସୁଣ , ଅଦା , ଏବଂ ଫଳରେ ସପେତା ଏବଂ ଜାଇଫଳ ଖାଇବା ଉଚିତ। ଏଥିସହିତ ଆପଣଙ୍କୁ ମସଲାରେ ପାନମହୁରୀ , ହିଙ୍ଗ , କଳା ଲୁଣ , ଜିରା , ରସୁଣ , ଜୁଆଣୀ , ଏବଂ ଉଷୁମ ପାଣିର ସେବନ କରନ୍ତୁ।
ସୋରିୟାସିସ ରୋଗରେ କଣ ଖାଇବା ଉଚିତ ନୁହେଁ:-
ଏଥିରେ ସର୍ବପ୍ରଥମେ ତେଲିଆ ଜିନିଷ , ମସଲାଯୁକ୍ତ ଖାଦ୍ୟ , ଚିକେନ , ଆଚାରରେ ଅଧିକ ତେଲ , ଫାଷ୍ଟ ଫୁଡ଼ , ଡବା ବନ୍ଦ ଜିନିଷ , ଜଙ୍କ ଫୁଡ଼ ଆଦି ଖାଇବା ଉଚିତ ନୁହେଁ।
ଏହାବ୍ୟତୀତ ଶସ୍ୟରେ ନୂଆ ଧାନ , ମଇଦା , ମୁଗ ଡାଲି , ମଟର ଏବଂ ଚଣା ଖାଇବା ଉଚିତ ନୁହେଁ।
ଫଳ ଏବଂ ପନିପରିବା ରେ ପତ୍ରଯୁକ୍ତ ପନିପରିବା ଯେପରିକି ସୋରିଷ ଶାଗ , ଟମାଟୋ , ବାଇଗଣ , କମଳା , ଲେମ୍ବୁ , ଖଟା ଅଙ୍ଗୁର , ଆଳୁ ଏବଂ କନ୍ଦମୂଳ ଆଦି ଖାଇବା ଉଚିତ ନୁହେଁ।
ଏହାସହିତ ଦହି , ମାଛ , ଗୁଡ଼ , କ୍ଷୀର , ଅଧିକ ଲୁଣ , କୋଲଡ୍ରିଙ୍କସ , ସଂକ୍ରମିତ ପାଣି ଆଦି ପିଇବା ଉଚିତ ନୁହେଁ।
ଘରୋଇ ଉପଚାର ବିଷୟରେ କହିବାକୁ ଗଲେ , ସକାଳେ ଉଠି ଦାନ୍ତ ସଫା କରନ୍ତୁ ଏବଂ ଖାଲି ପେଟରେ ୧-୨ ଗ୍ଲାସ ଉଷୁମ ପାଣି ପିଅନ୍ତୁ ଏବଂ ଜଳଖିଆ ପୂର୍ବରୁ ଆମ୍ବଲା କିମ୍ବା ଆଲୋଭେରା ରସ ପିଅନ୍ତୁ।
