ଜହ୍ନି ଏକ ଲୋକପ୍ରିୟ ପରିବା । ଏହାକୁ ପ୍ରାୟ ସମସ୍ତେ ପସନ୍ଦ କରିଥାନ୍ତି । ପଖାଳ ସାଙ୍ଗକୁ ଜହ୍ନି ପୋଡା କିମ୍ବା ଭଜା ହେଇଗଲେ ପଖାଳର ମଜା ଦୁଇ ଗୁଣା ହେଇଯାଏ । ଅନେକ ତରକାରୀରେ ମଧ୍ୟ ଆମେ ଜହ୍ନିକୁ ବ୍ୟବହାର କରିଥାଉ ଯାହା ବହୁତ ସ୍ୱାଦିଷ୍ଟ ହୋଇଥାଏ । ତେବେ ଏହି ସବୁ ପରେ ବି ଜହ୍ନି ଖାଇବାର ଆହୁରି ଅନେକ ଉପକାରିତା ରହିଛି । ଏହାକୁ ଖାଇଲେ ଅନେକ ରୋଗରୁ ମୁକ୍ତି ମିଳିଥାଏ । ତେବେ ଆଜି ଆମେ ଜହ୍ନିର ସେହି ସବୁ ଉପକାରିତା ଗୁଡିକ ବିଷୟରେ ଜାଣିବା ।
୧- ଆମ ଶରୀରର ଶୁଷ୍କତା ଜହ୍ନି ଖାଇବା ଦ୍ୱାରା ଦୂର ହୋଇଥାଏ । ଦେହରେ ଜଳୀୟ ଅଂଶ ଠିକ ପରିମାଣରେ ରହିଥାଏ ।
୨- ଜହ୍ନିକୁ ନିୟମିତ ଖାଇଲେ ଦୃଷ୍ଟିଶକ୍ତି ଜନିତ ସମସ୍ୟା ରହେନାହିଁ । ଆମକୁ କ୍ରମଶଃ ଭଲ ଦେଖାଯାଇଥାଏ ।
୩- ଜହ୍ନି ଖାଉଥିବା ବ୍ୟକ୍ତିଙ୍କୁ କୋଷ୍ଠକାଠିନ୍ୟତା ସମସ୍ୟା କେବେ ହୋଇନଥାଏ ।
୪- ଜହ୍ନି ଖାଇଲେ ରକ୍ତର ଦୂଷିତ ପଦାର୍ଥ ସବୁ ବାହାରି ରକ୍ତ ବିଶୁଦ୍ଧ ହୋଇଯାଇଥାଏ ।
