ସ୍ତନ କର୍କଟ ଚିକିତ୍ସାରେ ରୋଗୀ ପାରମ୍ପାରିକ ଭାବରେ ଅନେକ ସପ୍ତାହ ଚିକିତ୍ସାରେ ରହିବା ଅପେକ୍ଷା ରେଡିଓଥେରାପି ମାଧ୍ୟମରେ ଏହି ରୋଗରୁ ଭଲ ହୋଇପାରିବେ । ୟୁନିଭରସିଟି କଲେଜ ଲଣ୍ଡନ (UCL) ସର୍ଜରୀର ପ୍ରଫେସରଙ୍କ କହିବା ଅନୁଯାୟୀ ‘ଟାର୍ଗେଟେଡ୍ ଇଣ୍ଟ୍ରାଅପରେଟିଭ୍ ରେଡିଓଥେରାପି’ (TARGIT-IORT) ଅର୍ଥାତ ସ୍ତନ କର୍କଟ ରୋଗରୁ ସୁସ୍ଥ ହେବାର ସମୟ ହ୍ରାସ ହୋଇଛି ।
ବ୍ରିଟିଶ ମେଡିକାଲ ଜର୍ଣ୍ଣାଲ’ରେ ପ୍ରକାଶିତ ଏକ ଅଧ୍ୟୟନ ଅନୁଯାୟୀ, UCL ଚିକିତ୍ସକଙ୍କ ଦ୍ୱାରା ବିକଶିତ କୌଶଳ ଅନୁଯାୟୀ, ଟ୍ୟୁମରକୁ ହଟାଇବା ପରେ ପରେ ତୁରନ୍ତ ଶରୀର ଭିତରୁ ଏକ ଛୋଟ ବଲ ଆକୃତିର ଉପକରଣ ମାଧ୍ୟମରେ ରେଡିଓଥେରାପି ସ୍ତନ ଭିତରେ ରଖାଯାଇଥାଏ । ଟାର୍ଗେଟ୍- IORT ସହିତ ମହିଳାମାନେ ସ୍ତନ କର୍କଟ ପାଇଁ ସେମାନଙ୍କର ଅସ୍ତ୍ରୋପଚାର ଏବଂ ବିକିରଣ ଚିକିତ୍ସା ପାଇପାରିବେ।
ଏହାସହିତ ସେ କହିଛନ୍ତି ଯେ ‘ଏହା ହସ୍ପିଟାଲରେ ରହିବାର ସମୟକୁ ହ୍ରାସ କରିଥାଏ ଏବଂ ମହିଳାମାନଙ୍କୁ ଶୀଘ୍ର ସୁସ୍ଥ ହେବାକୁ ସକ୍ଷମ କରିଥାଏ । ଅର୍ଥାତ୍ ସେମାନେ ସାଧାରଣ ଜୀବନକୁ ଶୀଘ୍ର ଫେରିପାରିବେ । ତେବେ ଏହାର ଦୀର୍ଘକାଳୀନ ପରୀକ୍ଷା ପରେ ବର୍ତ୍ତମାନ ଏହା ସ୍ପଷ୍ଟ ହୋଇଛି ଯେ ଏହି ଚିକିତ୍ସା ଅଧିକ ମୁକ୍ତ ଭାବରେ ଉପଲବ୍ଧ ହେବା ଉଚିତ୍ ।
