[ad_1]
ମୁମ୍ବାଇ: ଅଭିନେତ୍ରୀ ପରିଣୀତି ଚୋପ୍ରା ଏବଂ ରାଘବ ଚାଢ଼ାଙ୍କ ବିବାହ ସ୍ଥାନର ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଜୋର୍ରେ ଭାଇରାଲ୍ ହୋଇଛି। ଭିଡିଓଟି ଇଣ୍ଟରନେଟରେ ବହୁଳ ଭାବରେ ଦୃଶ୍ୟମାନ ହେଉଛି। ଶୁକ୍ରବାର ଦିନ ପରିଣୀତି ଏବଂ ରାଘବ ଉଦୟପୁରରେ ପହଞ୍ଚିବା ପରେ ବିମାନବନ୍ଦରରେ ଅନେକ ଅତିଥିଙ୍କୁ ଦେଖିବାକୁ ମିଳିଥିଲା। ଅତିଥିମାନଙ୍କ ଏହି ଫଟୋଗୁଡ଼ିକ ମଧ୍ୟରେ ଅଭିନେତ୍ରୀ ଭାଗ୍ୟଶ୍ରୀ ମଧ୍ୟ ତାଙ୍କ ସ୍ୱାମୀଙ୍କ ସହ ନଜର ଆସିଥିଲେ। ସେମାନଙ୍କୁ ଦେଖି ଲୋକମାନେ ଦ୍ୱନ୍ଦ୍ୱରେ ପଡ଼ିଗଲେ ଯେ ବୋଧହୁଏ ସେମାନଙ୍କୁ ମଧ୍ୟ ଏହି ବିବାହକୁ ନିମନ୍ତ୍ରଣ କରାଯାଇଛି। କେବଳ ଏତିକି ନୁହେଁ ଭାଗ୍ୟଶ୍ରୀଙ୍କ ଇନଷ୍ଟାଗ୍ରାମ ପୋଷ୍ଟରେ ମଧ୍ୟ ଅନେକ ଦ୍ୱନ୍ଦ୍ୱ ସୃଷ୍ଟି ହୋଇଥିଲା। ସେ ପ୍ରଥମେ ବିମାନ ଅବତରଣର ଭିଡିଓ ସେୟାର କରି ଲୋକଙ୍କୁ ସେ କେଉଁଠାରେ ଅଛନ୍ତି ବୋଲି ପଚାରିଥିଲେ।
ଏହାପରେ ଲୋକମାନେ ଅନୁମାନ କରିବା ଆରମ୍ଭ କରିଥିଲେ। ଯେଉଁମାନେ ଜୟପୁର ଲେଖିଥିଲେ ଭାଗ୍ୟଶ୍ରୀ ତାହା ଉପରେ ଛକି ଚିହ୍ନ ମାରିଥିଲେ। ଉଦୟପୁର ଲେଖା ଉପରେ କିନ୍ତୁ ଛକି ମାରିନଥିଲେ। ଏଥିରୁ ସ୍ପଷ୍ଟ ହୋଇଥିଲା ଯେ ସେ ଉଦୟପୁରରେ ଅଛନ୍ତି। ଏହାକୁ ଦେଖି ସେ ପରୀଙ୍କ ବିବାହ ଉତ୍ସବକୁ ଯାଇଛନ୍ତି ବୋଲି ଚର୍ଚ୍ଚା ଜୋର୍ ଧରିଥିଲା।
କିନ୍ତୁ ବର୍ତ୍ତମାନ ସତ ପଦାକୁ ଆସିଛି। ଭାଗୀଶ୍ରୀଙ୍କ ଦଳ ଏହା ସ୍ପଷ୍ଟ କରିଛନ୍ତି ଯେ ପରିଣୀତି ଭାଗ୍ୟଶ୍ରୀଙ୍କୁ ବିବାହରେ ନିମନ୍ତ୍ରଣ କରିନାହାଁନ୍ତି। ସେ ବିବାହ ସମାରୋହରେ ଯୋଗଦେବା ପାଇଁ ସେଠାରେ ପହଞ୍ଚି ନାହାଁନ୍ତି। ବରଂ ତାଙ୍କ ଦଳ କହିଛି ଯେ ସେ ଅନ୍ୟ କିଛି କାମ ପାଇଁ ଭାଗ୍ୟଶ୍ରୀ ସେଠାକୁ ଯାଇଛନ୍ତି।
[ad_2]
