[ad_1]
ମୁମ୍ବାଇ: ରିଲିଜକୁ ମାସେ ବିତିସାରିଥିଲେ ବି ବକ୍ସ ଅଫିସରେ କମାଲ କରୁଛି ବାଦଶାହ ଶାହରୁଖ ଖାନଙ୍କ ଫିଲ୍ମ ‘ଯବାନ’। ସେପ୍ଟେମ୍ବର ୭ରେ ରିଲିଜ୍ ହୋଇଥିଲା ଏହି ଫିଲ୍ମ। ଏବେ ଫିଲ୍ମ ରିଲିଜକୁ ମାସେରୁ ଅଧିକ ଦିନ ବିତିଥିବା ବେଳେ ଏବେ ବି ବକ୍ସ ଅଫିସରେ ଫିଲ୍ମଟି ଆୟ କରୁଥିବା କୁହାଯାଉଛି। ବିଶ୍ବ ବକ୍ସ ଅଫିସ ଆୟକୁ ମିଶାଇଲେ ଏବେ ଫିଲ୍ମଟି ୧୧୦୦କୋଟିରୁ ଅଧିକ ଟଙ୍କା ଆୟ କରିସାରିଲାଣି। ଫିଲ୍ମର ସଫଳତା ମଧ୍ୟରେ ଶାହରୁଖଙ୍କ ଏକ ସାକ୍ଷାତକାରକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଏହି ସାକ୍ଷାତକାରରେ ପତ୍ନୀ ଗୌରୀ ଖାନଙ୍କ ଆଗରେ ମୁଁ ଅଭିନୟ କରିପାରେ ନାହିଁ ବୋଲି କହିଛନ୍ତି ଶାହାରୁଖ।
ଇଣ୍ଡିଆ ଟୁଡେ ପତ୍ରିକାକୁ ଦେଇଥିବା ଏକ ସାକ୍ଷାତକାରରେ ଶାହାରୁଖ ଖାନ କହିଥିଲେ ଯେ ସେ ଗୌରୀଙ୍କ ସାମ୍ନାରେ ଅଭିନୟ କରିବାକୁ ସକ୍ଷମ ନୁହଁନ୍ତି। ତାଙ୍କ କହିବା ମୁତାବକ, ମୋତେ ଭଲଭାବେ ଜାଣିଥିବା ବ୍ୟକ୍ତିଙ୍କ ସାମ୍ନାରେ ମୁଁ କେବେ ବି ଅଭିନୟ କରିପାରିବି ନାହିଁ।
ଏହି ସାକ୍ଷାତକାରରେ ବିବେକ ବାସବାନୀ ମଧ୍ୟ ଶାହାରୁଖ ଖାନଙ୍କ ସହ ଉପସ୍ଥିତ ଥିଲେ ଏବଂ ସେ ଗୌରୀ ଓ ଶାହାରୁଖଙ୍କ ସମ୍ପର୍କ ବିଷୟରେ ଅନେକ ଅଜଣା କଥା ଜଣାଇଥିଲେ। ସେ କହିଥିଲେ ଯେ ଶାହାରୁଖ ଅମ୍ଳଜାନ ବିନା ବଞ୍ଚିବେ କିନ୍ତୁ ଗୌରୀଙ୍କ ବିନା ନୁହେଁ। ଚଳଚ୍ଚିତ୍ର ନିର୍ମାତା କହିଛନ୍ତି ଯେ ସେମାନେ କେବେ ଝଗଡ଼ା କରନ୍ତି ନାହିଁ, ଯେତେବେଳେ ଗୌରୀ ରାଗି ଯାନ୍ତି, ଶାହରୁଖ ଶାନ୍ତ ହୋଇ ସବୁ ଶୁଣନ୍ତି।
[ad_2]
