[ad_1]
ନୂଆଦିଲ୍ଲୀ: ସାରା ଦେଶରେ ବିଶ୍ବକପ୍ ଫାଇନାଲକୁ ନେଇ କ୍ରେଜ୍ । ଟିମ୍ ଇଣ୍ଡିଆ ପ୍ରଶଂସକଙ୍କୁ କେବଳ ବିଜୟ ଦରକାର । ଆଉ ଅଷ୍ଟ୍ରେଲିଆକୁ ହରାଇ ପ୍ରତିଶୋଧ ନେବା ଲକ୍ଷ୍ୟରେ ଭାରତୀୟ ଟିମ୍ ଓ ପୂରା ଦେଶ । ମ୍ୟାଚକୁ ନେଇ ସୋସିଆଲ ମିଡ଼ିଆରେ ଗଦା ଗଦା ପୋଷ୍ଟ । ଏହାରି ଭିତରେ ବଲିଉଡ଼ ସୁପରଷ୍ଟାର ଅମିତାଭ ବଚ୍ଚନଙ୍କ ଟୁଇଟ୍ ଅଧିକ ଚର୍ଚ୍ଚାରେ ରହିଛି । ଏଥିରେ ସେ ଲେଖିଛନ୍ତି ମ୍ୟାଚ ଦେଖିବାକୁ ଯିବ କି ନାହିଁ, ଚିନ୍ତା କରୁଛି । ଏହାପରେ ମ୍ୟାଚ୍ ଦେଖିବାକୁ ନଯିବା ପାଇଁ ୟୁଜର୍ସମାନେ ବିଗ୍ ବିଙ୍କୁ ପରାମର୍ଶ ଦେଇଛନ୍ତି ।
ମ୍ୟାଚ୍ ଦେଖିବାକୁ ଯିବେ କି ନାହିଁ ସେହି ଚିନ୍ତାରେ ଥିଲେ ଅମିତାଭ । ନିଜ ଭାବନାକୁ ସେ ସୋସିଆଲ ମିଡିଆ ଏକ୍ସରେ ପୋଷ୍ଟ କରିଥିଲେ । ଯଦିଓ ସେ କେଉଁ ମ୍ୟାଚ୍ କଥା କହୁଛନ୍ତି ଉଲ୍ଲେଖ କରି ନାହାନ୍ତି । ହେଲେ ତାଙ୍କ ପୋଷ୍ଟରେ ୟୁଜର୍ସଙ୍କ କମେଣ୍ଟର ଝଡ଼ ଲାଗି ଯାଇଥିଲା । ୟୁଜର୍ସମାନେ ତାଙ୍କୁ ବିଶ୍ବକପ୍ ଫାଇନାଲ ମ୍ୟାଚ ଦେଖିବାକୁ ନଯିବା ପାଇଁ ପରାମର୍ଶ ଦେଇ ଦେଇଥିଲେ ।
ଜଣେ ୟୁଜର୍ସ ବିଗ୍ ବିଙ୍କ ପୋଷ୍ଟରେ କମେଣ୍ଟ ଦେଇ ଲେଖିଛନ୍ତି, ‘ସାର୍ ଯାଆନ୍ତୁ ନାହିଁ, ପରବର୍ତ୍ତି ମ୍ୟାଚ୍ ଦେଖି ନେବେ ।’
ଆପଣ ଯାଆନ୍ତୁ ନାହିଁ କି ମୋଦି ଜୀଙ୍କୁ ଯିବାକୁ ଦିଅନ୍ତୁ ନାହିଁ ବୋଲି ଆଉ ଜଣେ ୟୁଜର୍ସ କମେଣ୍ଟ କରିଛନ୍ତି । ଜଣେ ୟୁଜର୍ସ ତ ଅମିତାଭଙ୍କୁ ଅଶୁଭ କହିବାକୁ ପଛାଇ ନାହାନ୍ତି । ସେ ତାଙ୍କ କମେଣ୍ଟରେ ଲେଖିଛନ୍ତି, ‘ଯଦି ଆପଣ ଦୁର୍ଭାଗ୍ୟର ପ୍ରତୀକ ତେବେ ଦୟାକରି ମ୍ୟାଚ୍ ଦେଖିବାକୁ ଯାଆନ୍ତୁ ନାହିଁ ।’
ୟୁଜର୍ସଙ୍କ ଏମିତି କମେଣ୍ଟ ଦେଖିବା ପରେ ଅମିତାଭ ବଚ୍ଚନ ବିଶ୍ବକପ୍ ଫାଇନାଲ ଦେଖିବାକୁ ଯିବେ କି ନାହିଁ ନିଶ୍ଚିତ ଚିନ୍ତା କରିବେ । ଏବେ ଦେଖିବାକୁ ବାକି ରହିଲା, ଟିମ୍ ଇଣ୍ଡିଆକୁ ସମର୍ଥନ କରିବାକୁ ବିଗ୍ ବି ଷ୍ଟାଡିୟମକୁ ଯିବେ ନା ଘରେ ବସି ମ୍ୟାଚ୍ ଦେଖିବେ ।
[ad_2]
