[ad_1]
ୱାଶିଂଟନ: ଚୀନ୍ ପରେ ଆମେରିକାକୁ ବ୍ୟାପିଲା ନିମୋନିଆ । ଶିଶୁଙ୍କ ମଧ୍ୟରେ ଏହି ସଂକ୍ରମଣ ରୋଗର ପ୍ରାଦୁର୍ଭାବ ବଢ଼ିବାରେ ଲାଗିଛି । ଓହିଓ ରାଜ୍ୟର ୱାରେନ କାଉଣ୍ଟିରେ ବହୁ ଶିଶୁ ଏହି ନିମୋନିଆରେ ସଂକ୍ରମିତ ହୋଇଛନ୍ତି । ସ୍ୱାଭାବିକ ଠାରୁ ସଂକ୍ରମିତ ପିଲାଙ୍କ ସଂଖ୍ୟା ଅଧିକ ହୋଇଥିବାରୁ ସ୍ୱାସ୍ଥ୍ୟ ବିଭାଗ ଚିନ୍ତା ପ୍ରକଟ କରିଛନ୍ତି । ଚୀନ୍ରେ ବ୍ୟାପିଥିବା ନିମୋନିଆର ଏହା ସହ ଏହାର ଲିଙ୍କ୍ ଥିବା ସନ୍ଦେହ ପ୍ରକାଶ ପାଇଛି ।
ୱାରେନ କାଉଣ୍ଟି ସ୍ୱାସ୍ଥ୍ୟ ବିଭାଗ ପକ୍ଷରୁ ଜାରି ରିପୋର୍ଟରେ କୁହାଯାଇଛି, ୧୪୫ ଜଣ ଶିଶୁ ନିମୋନିଆରେ ସଂକ୍ରମିତ ହୋଇଛନ୍ତି । ସେମାନଙ୍କ ବୟସ ୩ରୁ ୧୪ ବର୍ଷ ମଧ୍ୟରେ ରହିଛି । ଦେଶରେ ସ୍ୱାଭାବିକ ହାର ଠାରୁ ହଠାତ୍ ଏଭଳି ଭାବେ ସଂକ୍ରମିତ ଶିଶୁଙ୍କ ସଂଖ୍ୟା ବୃଦ୍ଧି ପାଇବା ନିହାତି ଚିନ୍ତାଜନକ ବିଷୟ । କିନ୍ତୁ ଏହା ସେଭଳି କୌଣସି ନଭେଲ କିମ୍ବା ଶ୍ବାସକ୍ରିୟା ଜନିତ ରୋଗ ନୁହେଁ ବୋଲି କୁହାଯାଇଛି । ପୂର୍ବରୁ ମଧ୍ୟ ଏହି ଅଞ୍ଚଳରେ ଶିଶୁଙ୍କ ଠାରେ ନିମୋନିଆ ସଂକ୍ରମଣ ମାମଲା ରହିଥିଲା । ଗତ କିଛିଦିନ ଭିତରେ ଏହି ସଂକ୍ରମଣ ହଠାତ୍ ବୃଦ୍ଧି ପାଇଛି । ହେଲେ ସେଭଳି ଘତକ ନୁହେଁ କିମ୍ବା ଶିଶୁ ଗୁରୁତର ହେଉନାହାନ୍ତି । ଆଣ୍ଟିବାୟୋଟିକ ଦ୍ୱାରା ସମ୍ପୂର୍ଣ୍ଣ ଭଲ ହୋଇପାରୁଛନ୍ତି । ଏପର୍ଯ୍ୟନ୍ତ କୌଣସି ଗୋଟିଏ ହେଲେ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିନାହିଁ ।
ତେବେ ଚୀନ୍ରେ ହଠାତ୍ ଶିଶୁମାନେ ସଂକ୍ରମିତ ହେବା ପରେ ତାକୁ ନେଇ ସମଗ୍ର ବିଶ୍ୱରେ ଭୟର ବାତାବରଣ ସୃଷ୍ଟି ହୋଇଛି । ଅଧିକାଂଶ ବିଶେଷଜ୍ଞ ଏହାକୁ କୋଭିଡ-୧୯ ଭଳି ଆଉ ଏକ ମହାମାରୀ ବୋଲି ବର୍ଣ୍ଣନା କରୁଛନ୍ତି । ଯାହାକୁ ନେଇ ସୋସିଆଲ ମିଡିଆରେ ବେଶ୍ ଆଲୋଚନା ହେଉଛି । କେହି ଏହାକୁ ନୂଆ ଭାଇରସ୍ କିମ୍ବା କୋଭିଡର ନୂଆ ରୂପ ବୋଲି ମଧ୍ୟ ଉଲ୍ଲେଖ କରିବାକୁ ପଛାଉ ନାହାନ୍ତି । ତେବେ ଏହା କୌଣସି ନୂଆ ଭାଇରସ୍ ନୁହେଁ ବୋଲି ଚୀନ୍ କର୍ତ୍ତୃପକ୍ଷ ସ୍ପଷ୍ଟୀକରଣ ଦେଇଛନ୍ତି । କହିଛନ୍ତି ଏହା ହେଉଛି ଦେଶରେ ପୂର୍ବରୁ ଦେଖାଦେଉଥିବା ନିମୋନିଆ । ଅବଶ୍ୟ ଶିଶୁଙ୍କ ଠାରେ ସଂକ୍ରମିତ ସଂଖ୍ୟା ବୃଦ୍ଧି ପରିଲକ୍ଷିତ ହୋଇଛି । କିନ୍ତୁ ଏହା ସେଭଳି ଘାତକ କିମ୍ବା ଗୁରୁତର ସ୍ୱାସ୍ଥ୍ୟ ପରିସ୍ଥିତି ସୃଷ୍ଟି କରୁନାହିଁ । ଶୀତଋତୁ ଆରମ୍ଭ ଯୋଗୁ ଏଭଳି ସଂକ୍ରମଣ ବଢ଼ିଛି । ସେହିଭଳି ଡବ୍ଲ୍ୟୁଏଚ୍ଓ ମଧ୍ୟ ଏହା କୌଣସି ନୂଆ ଭାଇରସ ନୁହେଁ ବୋଲି କହିଛି ।
[ad_2]
