[ad_1]
ମୁମ୍ବାଇ: ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ୍ ସିରିଜ୍ ପୂର୍ବରୁ ଇଂଲଣ୍ଡ-ଏ’ ଓ ଭାରତ-ଏ’ ମଧ୍ୟରେ କେତେକ ମ୍ୟାଚ୍ ଖେଳାଯିବ । ଏଥିପାଇଁ ଶନିବାର ଭାରତ-ଏ’ ଟିମ୍ ଘୋଷଣା କରାଯାଇଛି । ଘୋଷିତ ୧୩ ଜଣିଆ ଟିମ୍ର ନେତୃତ୍ୱ ବେଙ୍ଗଲ୍ ବ୍ୟାଟର୍ ଅଭିମୁନ୍ୟ ଈଶ୍ୱରନ୍ଙ୍କୁ ପ୍ରଦାନ କରାଯାଇଛି । ଇଂଲଣ୍ଡ ଲାୟନ୍ସ ଟିମ୍ ଭାରତ ଗସ୍ତରେ ଗୋଟିଏ ଦୁଇଦିନିଆ ଅଭ୍ୟାସ ମ୍ୟାଚ୍ ଅହମ୍ମଦାବାଦରେ ଜାନୁଆରୀ ୧୨-୧୩ରେ ଖେଳିବ ।
ଏହାପରେ ଜାନୁଆରୀ ୧୭ରୁ ୨୦ ତାରିଖ ପର୍ଯ୍ୟନ୍ତ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମ୍ରେ ଚାରିଦିନିଆ ଅନୌପଚାରିକ ଟେଷ୍ଟ୍ ମ୍ୟାଚ୍ ଖେଳାଯିବ । ଭାରତୀୟ ଟିମ୍ରେ ବି. ସାଇ ସୁଦର୍ଶନ, ରଜତ ପାଟିଦାର, କେଏସ୍ ଭରତ ଏବଂ ନବଦୀପ ସାଇନିଙ୍କ ପରି ଖେଳାଳିଙ୍କୁ ସାମିଲ କରାଯାଇଛି । ଏମାନଙ୍କ ବଡ଼ ମଞ୍ଚରେ ଖେଳିବାର ବହୁ ଅନୁଭବ ରହିଛି । ସେହିପରି ସାଉଥ୍ ଆଫ୍ରିକା ବିପକ୍ଷ ପ୍ରଥମ ଅନୌପଚାରିକ ଟେଷ୍ଟ୍ରେ ୧୬୩ ରନ୍ର ଇନିଂସ୍ ଖେଳିଥିବା ପ୍ରଦୋଷ ରଞ୍ଜନ ପାଲ୍ଙ୍କୁ ମଧ୍ୟ ଟିମ୍ରେ ସ୍ଥାନ ମିଳିଛି ।
ଭାରତ-ଏ’ ଟିମ୍: ଅଭିମନ୍ୟୁ ଈଶ୍ୱରନ୍ (କ୍ୟାପ୍ଟେନ୍), ବି. ସାଇ ସୁଦର୍ଶନ, ରଜତ ପାଟିଦାର, ସର୍ଫରାଜ ଖାନ୍, ପ୍ରଦେଶେ ରଞ୍ଜନ ପାଲ୍, କେଏସ୍ ଭରତ (ୱିକେଟ୍କିପର୍), ମାନବ ସୁଥାର, ପଲକିତ ନାରଙ୍ଗ, ନବଦୀପ ସାଇନି, ତୁଷାର ଦେଶପାଣ୍ଡେ, ବିଦ୍ୱଥ୍ କାଭେରପ୍ପା, ଧ୍ରୁବ ଜୁରେଲ୍ (ୱିକେଟ୍କିପର୍) ଏବଂ ଆକାଶ ଦୀପ ।
[ad_2]
