[ad_1]
ବ୍ରହ୍ମପୁର: ଫେସବୁକରୁ ଆରମ୍ଭ ହେଲା ପ୍ରେମ । ପରେ ବିବାହ ପ୍ରସ୍ତାବ ମଧ୍ୟ ପଡିଥିଲା । କିନ୍ତୁ ଓୟୋ ରୁମରେ ହେଲା ମୃତ୍ୟୁ । ଶୁକ୍ରବାର ବ୍ରହ୍ମପୁର ଗୋଳନ୍ଥରା ଥାନା ଅନ୍ତର୍ଗତ ହଳଦିଆପଦର ନିକଟରେ ରହିଥିବା ନିର୍ମଳା ପ୍ଲାଜା ନାମକ ହୋଟେଲର ଓୟୋ ରୁମରୁ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବତୀ ପୁରୀ ବୀରଭଦ୍ରପୁରର ଜଣେ ଅଙ୍ଗନଓ୍ବାଡ଼ି କର୍ମୀ ।
ଶୁକ୍ରବାର ସନ୍ଧ୍ୟାରେ ରାୟଗଡ଼ା ଅଞ୍ଚଳର ଭୁବନେଶ୍ବରରେ କାମ କରୁଥିବା ପୁରୁଷ ବନ୍ଧୁ ସଙ୍କେତ ସେନାପତିଙ୍କ ସହ ଓୟୋ ରୁମକୁ ଆସିଥିଲେ । ରାତିରେ ଅସୁସ୍ଥ ଅବସ୍ଥାରେ ଯୁବତୀଙ୍କୁ ବ୍ରହ୍ମପୁର ଏମକେସିଜି ମେଡ଼ିକାଲକୁ ନେଇଥିଲେ ପୁରୁଷ ବନ୍ଧୁ । ତେବେ ସେଠାରେ ଯୁବତୀଙ୍କୁ ମୃତ ଘୋଷଣା କରିଥିଲେ ଡ଼ାକ୍ତର ।
ତେବେ ଯୁବତୀଙ୍କ ମୃତ୍ୟୁ ସ୍ବାଭାବିକ ନୁହେଁ ବୋଲି ଅଭିଯୋଗ ଆଣିଛନ୍ତି ପରିବାର ଲୋକ । ପୁରୁଷ ବନ୍ଧୁ ହତ୍ୟା କରିଥିବା ଅଭିଯୋଗ ଆଣିଛନ୍ତି । ପୋଲିସ ସଙ୍କେତକୁ ଅଟକ ରଖି ପଚରାଉଚରା ଜାରି ରଖିଛି ।
[ad_2]
