ଯାଜପୁର, IBN ଓଡିଶା-ଯାଜପୁର ଜିଲ୍ଲା ଆମ ଆଦମୀ ପାର୍ଟି ପକ୍ଷରୁ ସ୍ୱାଧୀନତା ଦିବସ ଉପଲକ୍ଷେ ୭୫ତମ ଆଜାଦି କା ଅମବୃତ୍ତ ମହୋତ୍ସବ ଅବସରରେ ବରୀ ଠାରେ ଏକ ତ୍ରିରଙ୍ଗା ଯାତ୍ରା ମହୋତ୍ସବ ଅନୁଷ୍ଠିତ ହୋଇଯାଇଛି। ଉକ୍ତ ଶୋଭାଯାତ୍ରା ବାଲିବିଲ ସାଇ ମନ୍ଦିର ପ୍ରାଙ୍ଗଣ ସଂମୁଖରୁ ବାହାରି ନିକଟରେ ଥିବା ରକ୍ତ ତୀର୍ଥ କଳାମାଟିଆ ସହୀଦ ପୀଠ ଠାରେ ପହଞ୍ଚି ଶହୀଦ ସ୍ତମ୍ଭ ରେ ପୁଷ୍ପମାଲ୍ୟ ଅର୍ପଣ କରି ଅମର ଶହୀଦ ସାଉଁଟି ମଲିକ,ସାନନ୍ଦ ସ୍ୱାଇଁ, ହାଡ଼ିବନ୍ଧୁ ପଣ୍ଡା ଓ ମାୟାଧର ଭୂୟାଁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା।ଏହି ଅବସରରେ ମୁଖ୍ୟ ଅତିଥି ଭାବେ ଯାଜପୁର ଜିଲ୍ଲାର ଆମ ଆଦମୀ ଜିଲ୍ଲା ସଭାପତି ମନୋଜ କୁମାର ମହାନ୍ତି ଶହୀଦ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରିବା ସହ ଆମ ଦେଶ ଆଉ ଜାତି ପାଇଁ ଗୌରବ ଆଣିଥିବା ସହିଦଙ୍କ କାର୍ଯ୍ୟ ଧାରା ଚିର ସ୍ମରଣୀୟ ହୋଇ ରହିବ ବୋଲି କହିଥିଲେ।ଅନ୍ୟପଟେ ବରୀ ବ୍ଲକ ସଭାପତି ସୁଜିତ କୁମାର ସାମଲ, ରସୁଲପୁର ବ୍ଲକ ସଭାପତି ଦୁଃଶାସନ ରାଉତ,ବିଶ୍ୱଜିତ ସାମଲ, ପ୍ରସନ୍ନ ଜେନା ପ୍ରମୁଖ ଆମ ଆଦମୀ ପାର୍ଟି ର ସଦଶ୍ୟ ଯୋଗ ଦେଇଥିଲେ।
