[ad_1]
ଭୁବନେଶ୍ୱର : ଆସନ୍ତା ସାଧାରଣ ନିର୍ବାଚନ ପାଇଁ ବିଜୁ ଜନତା ଦଳ(ବିଜେଡି) ଏହାର ପ୍ରଥମ ପ୍ରାର୍ଥୀ ତାଲିକା ଏପ୍ରିଲ ପ୍ରଥମ ସପ୍ତାହରେ ପ୍ରକାଶ କରିପାରେ। ରିପୋର୍ଟ ଅନୁଯାୟୀ ନବୀନ ନିବାସରେ ଆଗାମୀ ନିର୍ବାଚନରେ ବଡ଼ ଲଢେଇ ପାଇଁ ପ୍ରସ୍ତୁତି ଚାଲିଛି। ଏହାରି ମଧ୍ୟରେ ବିଜେଡି କିଛି ଅଂଚଳ ପାଇଁ ପ୍ରାର୍ଥୀ ତାଲିକା ଚୂଡାନ୍ତ କରି ସାରିଥିବା କୁହାଯାଉଛି। ଏଥିରେ ପୁରୀ ସଂସଦୀୟ କ୍ଷେତ୍ରରୁ ଅରୂପ ପଟ୍ଟନାୟକ ଏବଂ ବ୍ରହ୍ମପୁର ଲୋକସଭା ଆସନରୁ ଚନ୍ଦ୍ର ଶେଖର ସାହୁଙ୍କ ନାମ ପ୍ରାୟତଃ ଚୂଡାନ୍ତ ହୋଇ ସାରିଛି।ସେହିଭଳି ଭୁବନେଶ୍ୱର ସଂସଦୀୟ କ୍ଷେତ୍ର ପାଇଁ ଶ୍ରୀମୟୀ ମିଶ୍ର, କଟକ ପାଇଁ ସଂତୃପ୍ତ ମିଶ୍ର ବିଜେଡିର ଲୋକସଭା ପ୍ରାର୍ଥୀ ହୋଇପାରନ୍ତି। କଂଗ୍ରେସରୁ ବିଜେଡ଼ିକୁ ଆସିଥିବା ପ୍ରଦୀପ ମାଝୀଙ୍କ ନାମ ନବରଙ୍ଗପୁର ଲୋକସଭା ଆସନ ପାଇଁ ଚୂଡାନ୍ତ ହୋଇଛି।
ଗତ ଲୋକସଭା ନିର୍ବାଚନରେ ବିଜେଡି ମାତ୍ର ଦୁଇଟି ଆସନରେ ପ୍ରାର୍ଥୀ ଅପରିବର୍ତ୍ତିତ ରଖିଥିଲା। ପୁରୀରୁ ପିନାକୀ ମିଶ୍ର ଏବଂ କଟକରୁ ଭର୍ତ୍ତୃହରି ମହତାବ ପୁନର୍ବାର ନିର୍ବାଚନ ଲଢ଼ିଥିଲେ। ତେବେ ଭର୍ତ୍ତୃହରି ବିଜେଡିରୁ ଇସ୍ତଫା ଦେଇ ସାରିଥିଲା ବେଳେ ପିନାକୀଙ୍କୁ ଏଥର ଟିକେଟ ନ ମିଳିପାରେ।
[ad_2]
