ହଳଦୀ ପାଣି ପିଇବାର ଫାଇଦା ବିଷୟରେ ଜାଣିଲେ ଆପଣ ଆଶ୍ଚର୍ଯ୍ୟ ହେବେ, ଜୀବନରେ କେବେବି ପାଖ ମାଡିବନି ଏହି ଭୟଙ୍କର ରୋଗ

ରୋଷେଇ ଘରେ ମସଲା ରୂପେ ବ୍ୟବହୃତ ହେଉଥିବା ହଳଦୀକୁ ଆୟୁର୍ବେଦରେ ଏକ ଚମତ୍କାରୀ ଔଷଧ ରୂପେ ମାନାଯାଏ । ହଳଦୀ ଆମ ଖାଦ୍ଯର ସ୍ଵାଦ ବଢାଇବା ସହ ଆମ ଶରୀରର ଅନେକ ରୋଗ ପାଇଁ ମଧ୍ୟ ରାମବାଣ ଭଳି କାର୍ଯ୍ୟ କରିଥାଏ । ତେଣୁ ଆଜି ଆମେ ଆପଣଙ୍କୁ ହଳଦୀ ପାଣି ପିଇବାର ଫାଇଦା ବିଷୟରେ କହିବୁ । ହଳଦୀ ଆମ ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ, ଫଳରେ ଏହା ଆମକୁ ବିଭିନ୍ନ ପ୍ରକାରର ଭାଇରାଲ ସଂକ୍ରମଣରୁ ରକ୍ଷା କରିଥାଏ ।

ହଳଦୀରେ ଆମ କ୍ଷତକୁ ଶୀଘ୍ର ଭଲ କରିବାର ଗୁଣ ରହିଥାଏ । ହଳଦୀ ପାଣିର ସେବନ କରିବା ଦ୍ଵାରା ଏହା ଆମ ଶରୀରରେ ହୋଇଥିବା କ୍ଷତକୁ ଶୀଘ୍ର ଭରି ଦେଇଥାଏ । ହଳଦୀରେ ଥିବା ଆଣ୍ଟି-ଇନଫ୍ଲାମାଟୋରି ଗୁଣ ଆମ ଶରୀରକୁ ଆଥ୍ରାଇଟିସରୁ ରକ୍ଷା କରେ । ଶରୀରର କୌଣସି ସ୍ଥାନର ଗଣ୍ଠି ଫୁଲିବା ଫଳରେ ସେଠାକାର ଟିସ୍ୟୁ ନଷ୍ଟ ହୋଇ ଯାଇଥାଏ ଏବଂ ଆଥ୍ରାଇଟିସ ରୋଗ ହୋଇଥାଏ । କିନ୍ତୁ ଆପଣ ଯଦି ସପ୍ତାହରେ ମାତ୍ର ତିନିଥର ଖାଲିପେଟରେ ହଳଦୀ ପାଣି ପିଉଛନ୍ତି ତେବେ ଜୀବନରେ କେବେବି ଆଥ୍ରାଇଟିସ ସମସ୍ଯା ଦେଖାଦେବ ନାହିଁ ।

ସବୁଠୁ ଖାସ କଥା ହେଲା, ହଳଦୀ ଗୋଟିଏ ଆଣ୍ଟି-କ୍ୟାନ୍ସର ଉପାଦାନ ଅଟେ । ଏଥିରେ ଥିବା ଆଣ୍ଟି-କ୍ୟାନ୍ସର ଗୁଣ ଆମ ଶରୀରରେ କ୍ୟାନ୍ସର ସୃଷ୍ଟି ହେବାକୁ ଦେଇ ନଥାଏ । ତେଣୁ ପ୍ରତିଦିନ ହଳଦୀ ପାଣିର ସେବନ କରିବା ଦ୍ଵାରା ଏହା ଆମ ଶରୀରରେ ଥିବା ସମସ୍ତ ପ୍ରକାର କ୍ୟାନ୍ସରସ ଟ୍ଯୁମରକୁ ବଢିବାକୁ ଦିଏନାହିଁ ।

ଅର୍ଥାତ ଯଦି ଆପଣ ସପ୍ତାହରେ 3-4 ଥର ହଳଦୀ ପାଣିର ସେବନ କରୁଛନ୍ତି ତେବେ ଭବିଷ୍ୟତରେ କ୍ୟାନ୍ସର ଭଳି ମାରାତ୍ମକ ରୋଗରୁ ରକ୍ଷା ପାଇବାର ସମ୍ଭାବନା ବଢିଯାଏ । ହଳଦୀ ଆମ ଶରୀରରେ ଥିବା ଖରାପ କୋଲେଷ୍ଟ୍ରୋଲକୁ ମଧ୍ୟ ହ୍ରାସ କରିଥାଏ । ଏହା ରକ୍ତକୁ ଗାଢ ହେବାକୁ ଦେଇ ନଥାଏ ଫଳରେ ହୃଦରୋଗ ସମ୍ଭାବନା ମଧ୍ୟ କମିଯାଏ । ହଳଦୀ ଆମ ଶରୀରରେ ପିତ ସୃଷ୍ଟି ହେବା ପ୍ରକ୍ରିୟାକୁ ତ୍ୱରାନ୍ୱିତ କରିଥାଏ । ତେଣୁ ଖାଦ୍ୟ ସହଜରେ ହଜମ ହୋଇଯାଏ ଏବଂ ଶରୀରରେ ଫ୍ୟାଟ ମଧ୍ୟ ସହଜରେ ଜମା ହୁଏନାହିଁ ।

ହଲଦୀର ଆଉ ଏକ ଚମତ୍କାରୀ ଫାଇଦା ହେଉଛି ଏହା ଲିଭରକୁ ସୁସ୍ଥ ରଖିବା ସହ କାର୍ଯ୍ୟ କରିବାରେ ସାହାଯ୍ୟ କରେ । ତେଣୁ ହଳଦୀ ପାଣି ପିଇବା ଦ୍ଵାରା ଯେକୌଣସି ଲିଭର ସଂକ୍ରମଣରୁ ମୁକ୍ତି ମିଳିଥାଏ । ସକାଳେ ଉଷୁମ ପାଣିରେ ହଳଦୀ ମିଶାଇ ସେବନ କରିବା ଦ୍ଵାରା ଏହା ଆମ ମସ୍ତିଷ୍କର ବିକାଶରେ ମଧ୍ୟ ସହାୟକ ହୋଇଥାଏ ।

ହଳଦୀ ଗୁଣ୍ଡକୁ ମହୁ ସହ ମିଶାଇ ସେବନ କଲେ ଏହା ଚେହେରା ଓ ଶରୀରର ବୟସ ଜନିତ କୁଞ୍ଚନକୁ କମ୍ କରେ । ତେଣୁ ନିୟମିତ ହଳଦୀ ପାଣି ପିଇବା ଦ୍ଵାରା ଅଧିକ ବୟସ ହେବା ଯାଏଁ ଯୁବା ଦେଖାଯିବେ । ଗୋଟିଏ ଗ୍ଳାସ ଉଷୁମ ପାଣି କିମ୍ବା କ୍ଷୀରରେ ଆପଣ ଅଧା ଚାହା ଚାମୁଚ ହଳଦୀ ଗୁଣ୍ଡ ମିଶାଇ ଏହାକୁ ପିଇପାରିବେ । ସ୍ଵାଦ ପାଇଁ ଆପଣ ଚାହିଁଲେ ହଳଦୀ ପାଣିରେ ମହୁ ମଧ୍ୟ ମିଶାଇ ପାରିବେ ।

ସକାଳେ ହଳଦୀ ପାଣି ପିଇବାର ଅଧଘଣ୍ଟା ପରେ ଖାଦ୍ଯ ଖାଇବେ । କିନ୍ତୁ ଗର୍ଭବତୀ ମହିଳା, ଷ୍ଟୋମାକ ଅଲସର ଏବଂ ଗଲ୍ ବ୍ଲାଡ଼ରରେ ଷ୍ଟୋନ ଥିବା ଲୋକ ହଳଦୀ ପାଣି ପିଇବା ଉଚିତ ନୁହେଁ ।