ଫ୍ୟାଟି ଲିଭର୍ ଡିଜିଜ୍ ନେଇ ଯିବ ଜୀବନ! ରୁହନ୍ତୁ ସତର୍କ ଓ ତୁରନ୍ତ କରନ୍ତୁ ଏହି କାମ.

ବର୍ତ୍ତମାନର ଖରାପ ଜୀବନଶୈଳୀ କାରଣରୁ ଅଧିକାଂଶ ଲୋକେ କିଛିନା କିଛି ରୋଗରେ ପୀଡିତ ହେଉଛନ୍ତି। ବ୍ୟସ୍ତବହୁଳ ଜୀବନଶୈଳୀ କାରଣରୁ ଜଙ୍କ୍ ଫୁଡର ଚାହିଦା ବଢିଛି। ଏହି କାରଣରୁ ଲୋକମାନେ ଅସମୟରେ ବିଭିନ୍ନ ରୋଗ ମାଡିବସୁଛି। ହେଲେ ଜାଣନ୍ତି କି, ଅଧିକ ଜଙ୍କ୍ ଫୁଡ୍ ଖାଇବା ଦ୍ବାରା ଯକୃତରେ ଅତିରିକ୍ତ ଚର୍ବି ଜମା ହୋଇଥାଏ

ଯକୃତ ଆମ ଶରୀରର ଏକ ଗୁରୁତ୍ବପୂର୍ଣ୍ଣ ଅଙ୍ଗ, ଏହା କେବଳ ଖାଦ୍ୟ ହଜମ କରିବାରେ ସାହାଯ୍ୟ କରେ ନାହିଁ, ବରଂ ଆମ ଶରୀରରୁ କ୍ଷତିକାରକ ବିଷାକ୍ତ ପଦାର୍ଥ ନିଷ୍କାସନ କରିଥାଏ। ଫଳରେ ଆମ ଅନ୍ତଃସ୍ବାସ୍ଥ୍ୟ ଉତ୍ତମ ରହିଥାଏ। ଯଦି ଯକୃତରେ ଚର୍ବି ସୃଷ୍ଟି ହେବାକୁ ଲାଗେ, ତେବେ ଅନେକ ରୋଗ ମାଡିବସେ। ଶରୀରରୁ ଫିଟ୍ ରଖିବା ପାଇଁ ଯକୃତ ଫିଟ୍ ରହିବା ନିହାତି ଜରୁରୀ। ଦୁଇ ପ୍ରକାରର ଫ୍ୟାଟି ଲିଭର ଡିଜିଜ୍ ରହିଛି ଗୋଟିଏ ହେଉଛି ଆଲକହଲିକ୍ ଫ୍ୟାଟି ଲିଭର୍ ଡିଜିଜ୍ ଏବଂ ଅନ୍ୟଟି ନନ୍-ଆଲକହଲିକ୍ ଫ୍ୟାଟି ଲିଭର ଡିଜିଜ୍। ତେବେ ଏହି ଦୁଇ ରୋଗ କଣ, ଜାଣନ୍ତୁ…

ନନ୍-ଆଲକହଲିକ୍ ଫ୍ୟାଟି ଲିଭର୍ ଡିଜିଜ୍

ଅଣ-ମଦ୍ୟପ ଫ୍ୟାଟି ଲିଭର ରୋଗ ହେଉଛି ଏକ ରୋଗ ଯାହା ମଦ୍ୟପାନ କାରଣରୁ ହୋଇନଥାଏ। ଏନେକ ଲୋକ ଅଛନ୍ତି, ଯେଉଁମାନେ ମଦ୍ୟପାନ କରନ୍ତି ନାହିଁ, କିନ୍ତୁ ସେମାନଙ୍କର ଲିଭର୍ ଡିଜିଜ୍ ହୋଇଥାଏ। ଏହାର ପ୍ରକୃତ କାରଣ ହେଉଛି ଖରାପ ଜୀବନଶୈଳୀ ଏବଂ ଅଧିକ ଜଙ୍କ୍ ଫୁଡ୍ ଖାଇବା।

ଆଲକହଲିକ୍ ଫ୍ୟାଟି ଲିଭର୍ ଡିଜିଜ୍

ମଦ୍ୟପାନ କରିବା ଦ୍ବାରା ଯକୃତରେ ଅନେକ କ୍ଷତି ହୋଇଥାଏ। ମଦ୍ୟପାନ ଯକୃତ ପାଇଁ ଏକ ବୁଷଠାରୁ ମଧ୍ୟ କମ୍ ନୁହେଁ। ମଦ୍ୟାପାନ କରୁଥିବା ବ୍ୟକ୍ତିମାନେ ଫ୍ୟାଟି ଲିଭର ରୋଗରେ ପୀଡିତ ହୋଇପାରନ୍ତି। ଫ୍ୟାଟି ଲିଭର୍ ଡିଜିଜ୍ କାରଣରୁ ଶରୀରରେ ଅନେକ ଲକ୍ଷଣ ଦେଖାଯାଏ, ସେଗୁଡିକ ନିମ୍ନରେ ବର୍ଣ୍ଣନା କରାଯାଇଛି…

ପରିସଂଖ୍ୟାନ ଅନୁଯାୟୀ, ଆମ ଦେଶରେ ପ୍ରାୟ ୫୦ ପ୍ରତିଶତ ଲୋକଙ୍କର ଫ୍ୟାଟି ଲିଭର ସମସ୍ୟା ରହିଛି। ଅଳ୍ପ ବୟସରେ ମଧ୍ୟ ଏହା ଘଟୁଛି। ଏହାର ମୁଖ୍ୟ କାରଣ ହେଉଛି ମେଦବହୁଳତା ଏବଂ ଭୁଲ ଖାଇବା ଅଭ୍ୟାସ। ତେଣୁ ସମସ୍ତେ ସାବଧାନ ହେବା ଉଚିତ୍।

ଯକୃତ ସିରୋସିସ୍ କେତେ ବିପଜ୍ଜନକ? ଯକୃତର କାମ ହେଉଛି ଶରୀରରେ ଉତ୍ପାଦିତ ବିଷାକ୍ତ ପଦାର୍ଥକୁ ବାହାର କରିବା। ଯେତେବେଳେ ଯକୃତ ସିରୋସିସ୍ ରୋଗ ହୁଏ, ଯେତେବେଳେ ଯକୃତ ନଷ୍ଟ ହେବାକୁ ଲାଗେ।

ଏପରି ପରିସ୍ଥିତିରେ ରକ୍ତକୁ ଶୁଦ୍ଧ କରିବା ଏବଂ ପୋଷକ ତତ୍ତ୍ୱ ଉତ୍ପାଦନ ଏହାର ସାମର୍ଥ୍ୟ ମଧ୍ୟରେ ନଥାଏ। ସିରୋସିସ୍ ଦ୍ବାରା ସୃଷ୍ଟି ହୋଇଥିବା ଯକୃତର କ୍ଷତି ସଜାଡିବା ସମ୍ଭବ ନୁହେଁ। ଏହାର ମୁଖ୍ୟ କାରଣ ହେଉଛି ଫ୍ୟାଟି ଲିଭର। ତେଣୁ ଫ୍ୟାଟି ଲିଭରରେ ଜଣେ ସାବଧାନ ହେବା ଉଚିତ୍। ଫ୍ୟାଟି ଲିଭରରୁ ରକ୍ଷା ପାଇବା ପାଇଁ କଣ କରିବା ଉଚିତ୍ ଆସନ୍ତୁ ଜାଣିବା…

ତୁରନ୍ତ ମଦ ପିଇବା ଛାଡ଼ନ୍ତୁ– ଯଦି ଆପଣ ଫ୍ୟାଟି ଲିଭରର ସମସ୍ୟାକୁ ଦୂର କରିବାକୁ ଚାହୁଁଛନ୍ତି, ତେବେ ଆପଣଙ୍କୁ ଆପଣଙ୍କର ଖାଦ୍ୟ ଏବଂ ଜୀବନଶୈଳୀକୁ ସଂଶୋଧନ କରିବାକୁ ପଡ଼ିବ। ଚର୍ବିଯୁକ୍ତ ଯକୃତ ସହିତ ମଦ୍ୟପାନ କରିବା ବିପଜ୍ଜନକ ଏବଂ ସାଂଘାତିକ ହୋଇପାରେ। ତେଣୁ ଜଣେ ତୁରନ୍ତ ଏବଂ ମଦ୍ୟପାନରୁ ସମ୍ପୂର୍ଣ୍ଣ ଦୂରେଇ ରହିବା ଉଚିତ୍।

ଓଜନ ହ୍ରାସ କରନ୍ତୁ– ଚର୍ବିଯୁକ୍ତ ଯକୃତକୁ ଏଡାଇବା ପାଇଁ ଚିକିତ୍ସା ଭଳି ଖାଦ୍ୟ ମଧ୍ୟ ଗୁରୁତ୍ୱପୂର୍ଣ୍ଣ। ତେଣୁ, ସର୍ବପ୍ରଥମେ ଓଜନକୁ ନିୟନ୍ତ୍ରଣ କରିବାକୁ ପଡ଼ିବ। BMI ଅନୁଯାୟୀ ଆପଣଙ୍କୁ ଆପଣଙ୍କୁ ଓଜନ ବଜାୟ ରଖିବାକୁ ପଡ଼ିବ। ଖାଦ୍ୟରେ ଫାଇବର ଏବଂ ଆଣ୍ଟି-ଅକ୍ସିଡାଣ୍ଟ ଖାଦ୍ୟ ଅନ୍ତର୍ଭୂକ୍ତ କରି ଫ୍ୟାଟି ସ୍ତରକୁ ଠିକ୍ କରିବାରେ ସାହାଯ୍ୟ କରେ। ଏହା ବ୍ୟତୀତ ଶାରୀରିକ କାର୍ଯ୍ୟକଳାପ ମଧ୍ୟ ବୃଦ୍ଧି କରିବା ଜରୁରୀ।

କେବଳ ମେଡିଟେରେନିୟମ ଡାଏଟ୍ ବ୍ୟବହାର କରନ୍ତୁ – ମେଡିଟେରେନିୟମ ଖାଦ୍ୟ ଯଥା ପ୍ଲାଣ୍ଟ ବେସ୍ଡ ଖାଦ୍ୟରେ ଅଧିକ ଫଳ ଏବଂ ପନିପରିବା ଥାଏ। ଏହା ବ୍ୟତୀତ ଶସ୍ୟ, ବାଦାମ ଏବଂ ସିଡ୍ସ ମଧ୍ୟ ସେଥିରେ ଭଲ ପରିମାଣରେ ଉପସ୍ଥିତ। ଏହି ପ୍ରକାର ଖାଦ୍ୟ ଖାଇବା ଦ୍ୱାରା ଆପଣ ଫ୍ୟାଟି ଲିଭରର ସମସ୍ୟାରୁ ରକ୍ଷା ପାଇପାରିବେ।

ଗ୍ରୀନ୍ ଟି ପିଅନ୍ତୁ– ଗ୍ରୀନ୍ ଟି ପିଇବା ଦ୍ୱାରା ଫ୍ୟାଟି ଲିଭରରୁ ଆରାମ ମିଳିଥାଏ। ଗ୍ରୀନ୍ ଟିରେ ପଲିଫେନୋଲିକ୍ କ୍ୟାଟେଚିନ୍, ହାଇପୋଲିପିଡେମିକ୍, ଥର୍ମୋଜେନିକ୍, ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟି-ଇନ୍‌ଫ୍ଲାମେଟୋରୀ ଗୁଣ ରହିଛି। ଯଦି ଏହା ନିୟମିତ ଖିଆଯାଏ ତେବେ ଫ୍ୟାଟି ସ୍ତରର ସମସ୍ୟାକୁ ବହୁ ପରିମାଣରେ ନିୟନ୍ତ୍ରଣ କରାଯାଇପାରିବ।

ଫ୍ଲାକ୍ସ ସିଡ୍ସ ଖାଆନ୍ତୁ– ଫ୍ଲାକ୍ସ ସିଡ୍ସରେ ସ୍ୱତନ୍ତ୍ର ପୋଷକ ତତ୍ତ୍ୱ ମିଳିଥାଏ, ଯାହା ଫ୍ୟାଟି ଯକୃତର ସମସ୍ୟାକୁ ଦୂର କରିବାରେ ସାହାଯ୍ୟ କରିଥାଏ। ଯଦି ଫ୍ଲାକ୍ସ ସିଡ୍ସ ନିୟମିତ ଖିଆଯାଏ ତେବେ ଫ୍ୟାଟି ଲିଭରର ସମସ୍ୟା ଭଲ ହୋଇପାରିବ।