[ad_1]
ଚେନ୍ନାଇ: ରାସ୍ତା କଡରେ ଏକ ମୋପେଡ଼ରେ ପରିବାରର ୫ ସଦସ୍ୟ ଯାଉଥିବାବେଳେ ହଠାତ ପଛପଟୁ ମାଡିଆସିଲା ଏସୟୁଭି । ଆଉ ଏସୟୁଭି ଧକ୍କାରେ ୫ ଜଣଙ୍କର ମୃତ୍ୟୁ ହୋଇଛି । ତାମିଲନାଡୁର ତିରୁମାଙ୍ଗାଲମରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି । ମିଳିଥିବା ସୂଚନା ମୁତାବକ ଆଜି ସକାଳେ ତିରୁମାଙ୍ଗାଲମ ନିକଟ ସିଭରକୋଟାଇଠାରେ ବିରୁଧୁନଗର ଏବଂ ମଦୁରାଇ ରାଜପଥରେ କାର ଏବଂ ଦୁଇ ଚକିଆ ଗାଡି ଧକ୍କାରେ ପାଞ୍ଚ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ତେବେ ଦୁର୍ଘଟଣାର ଭିଡିଓ ସିସିଟିଭିରେ କଏଦ ହୋଇଛି । ମଦୁରାଇ ଜିଲ୍ଲା ପୁଲିସ୍ ଅଧୀକ୍ଷକ ଅରବିନ୍ଦ କହିଛନ୍ତି ଯେ ବିରୁଧୁନଗର-ମଦୁରାଇ ରାଜପଥରେ ତିରୁମାଙ୍ଗାଲମ୍ ନିକଟ ସିଭରକୋଟାଇଠାରେ ଏକ ଦ୍ରୁତ ଗତିରେ ଆସୁଥିବା ଏସୟୁଭି ଏକ ମୋପେଡକୁ ପଛପଟୁ ଧକ୍କା ହୋଇଥିଲା । ଏହି ଅଧିକାରୀ ଜଣକ କହିଛନ୍ତି ଯେ ମୃତ ପାଞ୍ଚଜଣଙ୍କ ମଧ୍ୟରୁ ଚାରିଜଣ ସମାନ ପରିବାରର ହୋଇଥିବାବେଳେ ମଦୁରାଇର ଭିଲାପୁରାମ ଅଞ୍ଚଳର ବାସିନ୍ଦା । ପ୍ରାଥମିକ ସୂଚନା ମୁତାବକ ଚାରିଜଣ ଏକ ମୋପେଡ଼ରେ ଯାଉଥିବାବେଳେ ଏକ ଏସୟୁଭି ଦ୍ରୁତ ଗତିରେ ଆସି ପଛପଟୁ ଧକ୍କା ଦେଇଥିଲା । କେବଳ ଏତିକି ନୁହେଁ ଏହି ଏସୟୁଭିତି ଧକ୍କା ଦେବା ପରେ ରାସ୍ତା ଆରପାର୍ଶ୍ୱକୁ ଚାଲିଯାଇ ଓଲଟିପଡିଥିଲା ।
The post ମର୍ମନ୍ତୁଦ ସଡ଼କ ଦୁର୍ଘଟଣା; ଚାଲିଗଲା ୫ ଜଣଙ୍କ ଜୀବନ appeared first on ONA KHABAR.
[ad_2]
