[ad_1]
ଭୁବନେଶ୍ୱର: ମୋବାଇଲ ଲୁଟି ନେବା ଅଭିଯୋଗରେ ନାବାଳକ ସମେତ ୨ ଜଣଙ୍କୁ ଗିରଫ କରିଛି ଖାରବେଳନଗର ଥାନା ପୁଲିସ । ଗିରଫ ହେଲେ ଜଟଣୀ ଥାନା ଅନ୍ତର୍ଗତ ରେଙ୍ଗେଲା ଗ୍ରାମର ସନ୍ତୋଷ କୁମାର ବେହେରା(୨୫) । ସୂଚନାଯୋଗ୍ୟ ଯେ, ଗତ ବର୍ଷ ଅକ୍ଟୋବର ମାସ ୨୭ ତାରିଖ ଭୋର ପ୍ରାୟ ସାଢେ ୩ ଟାରେ ଅଭିଯୋଗକାରିଣୀ ମାଷ୍ଟର କ୍ୟାଣ୍ଟିନ୍ ଛକରେ ଥିବା ବାଟା ଶୋରୁମ ସାମ୍ନାରେ ଘରକୁ ଯିବାପାଇଁ ଗାଡିକୁ ଅପେକ୍ଷା କରିଥିଲେ ।ସେହି ସମୟରେ ସନ୍ତୋଷ ଓ ତାଙ୍କର ଜଣେ ନାବାଳକ ସହଯୋଗୀ ଗୋଟିଏ ମୋଟରସାଇକେଲରେ ସେଠାକୁ ଆସିଥିଲେ ଓ ତାଙ୍କର ମୋବାଇଲ ଫୋନ ଲୁଟ କରି ଚାଲି ଯାଇଥିଲେ ।
ଏହି ମାମଲାର ତଦନ୍ତ କରି ଆଜି ପୁଲିସ ଅଭିଯୁକ୍ତଙ୍କ ସହିତ ନାବାଳକ ସହଯୋଗୀଙ୍କୁ ମାଷ୍ଟର କ୍ୟାଣ୍ଟିନ୍ ଛକରୁ କାବୁ କରିଥିଲେ ଏବଂ ସେମାନଙ୍କର ହେପାଜତରୁ ଲୁଟ ମୋବାଇଲ ଫୋନ ଓ ଅପରାଧରେ ବ୍ୟବହୃତ ମୋଟର ସାଇକେଲ ଜବତ କରି ଥାନାକୁ ଆଣିଥିଲେ । ପଚାରଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ୱୀକାର କରିଥିରୁ ତାଙ୍କୁ କୋର୍ଟ ଚାଲାଣ କରିବା ସହ ନାବାଳକୁ ବାଳସୁଧାର ଗୃହକୁ ପଠେଇଛି ।
[ad_2]
