ଆତଙ୍କବାଦୀଙ୍କ ସହ ଲଢ଼େଇ ବେଳେ ଆର୍ମି କ୍ୟାପ୍ଟେନ ସହିଦ

୪ରୁ ଅଧିକ ଆତଙ୍କବାଦୀ ଜଙ୍ଗଲ ଭିତରେ ଲୁଚି ରହିଥିବାରୁ ସୁରକ୍ଷାକର୍ମୀ ପୂରା ଅଞ୍ଚଳକୁ କର୍ଡନ କରି ସର୍ଚ୍ଚ ଅପରେସନ ଆରମ୍ଭ କରିଥିଲେ। ଏହି ସମୟର ସୁରକ୍ଷାକର୍ମୀମାନେ ଗୋଟିଏ ଏମ ୪ ରାଇଫଲ, କିଛି ପୋଷାକ ଓ ୩ଟି ପଥର ବସ୍ତା ଠାବ କରିଥିଲେ।

ଆତଙ୍କବାଦୀମାନେ ସ୍ଥାନୀୟ ଅଞ୍ଚଳରେ ଥିବା ସୁରକ୍ଷାକର୍ମୀମାନେ ନିଶ୍ଚିତ ହେବା ପରେ କ୍ୟାପ୍ଟେନ ଦୀପକ ସିଂହଙ୍କ ନେତୃତ୍ୱରେ ଅପରେସନକୁ ଆହୁରି ଜୋରଦାର କରାଯାଇଥିଲା। କ୍ୟାପ୍ଟେନ ଦୀପକ ହେଉଛନ୍ତି ଆର୍ମିର କ୍ରପ୍ସ ଅଫ ସିଗ୍ନାଲର ସଦସ୍ୟ। ସେ ୪୮ ରାଷ୍ଟ୍ରୀୟ ରାଇଫଲ୍ସକୁ ଡେପୁଟେସନରେ ଯାଇଥିଲେ।

ଆଜି ତାଙ୍କୁ ଫିଲ୍ଡ ମେଜର ଭାବେ ପୂରା ଅପରେସନର ନେତୃତ୍ୱ ମିଳିଥିଲା। ସେ ନିଜର ୟୁନିଟ ସହ ଆଗକୁ ବଢ଼ୁଥିବା ବେଳେ ଆତଙ୍କବାଦୀମାନେ ଗୁଳିମାଡ଼ କରିଥିଲେ। ସୁରକ୍ଷାକର୍ମୀଙ୍କ ପକ୍ଷରୁ ମଧ୍ୟ ଏହାର ଜବାବ ଦିଆଯାଇଥିଲା।

ଦୀର୍ଘ ସମୟ ଧରି ଚାଲିଥିବା ଗୁଳି ବିନିମୟରେ କ୍ୟାପ୍ଟେନ ଦୀପକ ସିଂହ ସହିଦ ହୋଇଛନ୍ତି। ଏବେ ବି ଡୋଡାରେ ଅପରେସନ ଅସାର ଜାରି ରହିଥିବା ପ୍ରତିରକ୍ଷା ବିଭାଗର ଜଣେ ଅଧିକାରୀ ସୂଚନା ଦେଇଛନ୍ତି।