[ad_1]
ନୱାଦା: ପରକୀୟା ପ୍ରୀତିରେ ଲିପ୍ତ ଥିବା ଭଉଣୀ ଉପରେ ବିରକ୍ତ ହୋଇ ବିହାରର ନୱାଦା ଜିଲ୍ଲାରେ ଜଣେ ବ୍ୟକ୍ତି ତାକୁ ଅପହରଣ କରି ନେଇ ତା’ର ତଣ୍ଟିକାଟି ହତ୍ୟା କରିଥିବା କଥା ପୁଲିସ କହିଛି । ଭଉଣୀର ଶଶୁର କରିଥିବା ଅଭିଯୋଗ ଆଧାରରେ ପୁଲିସ ଏକ ଟିମ୍ ଗଠନ କରି ଘଟଣାର ତଦନ୍ତ ଆରମ୍ଭ କରିବା ସହିତ ଅଭିଯୁକ୍ତ ଭାଇକୁ ଗିରଫ କରିଛି । ବରିଷ୍ଠ ପୁଲିସ ଅଧିକାରୀ ମହେଶ ଚୌଧୁରୀ କହିଛନ୍ତି, ସ୍ୱତନ୍ତ୍ର ତଦନ୍ତକାରୀ ଟିମ୍ ଗଠନ କରାଯାଇ ସେ ମହିଳାଙ୍କ ଭାଇଙ୍କୁ ଗିରଫ କରାଯାଇଛି । ଗରିଫ ହେବା ପରେ ଅଭିଯୁକ୍ତଙ୍କୁ ଧରି ବନାଞ୍ଚଳକୁ ନିଆଯାଇଥିଲା ।
ବହୁ ଖୋଜା ଖୋଜି କରିବା ପରେ ସେଠାରୁ ମହିଳାଙ୍କ ଶବ ଉଦ୍ଧାର କରାଗଲା । ଜେରା ସମୟରେ ଅଭିଯୁକ୍ତ ଦୋଷ ସ୍ୱୀକାର କଲେ । ଅଭିଯୁକ୍ତ କହିଛନ୍ତି ଯେ, ତାଙ୍କ ବିବାହିତା ଭଉଣୀର ପଡ଼ୋଶୀଘରର ଜଣେ ବ୍ୟକ୍ତିଙ୍କ ସହିତ ଅନୈତିକ ସମ୍ପର୍କ ଥିଲା । ତା’ର ପରକୀୟା ପ୍ରୀତିରେ ଉତ୍କ୍ଷିପ୍ତ ହୋଇ ସେ ଭଉଣୀକୁ ଅପହରଣ କରି ଜଙ୍ଗଲକୁ ନେଇଯାଇଥିଲା । ସେଠାରେ ଗୋଟାଏ ମାଂସକଟା ଛୁରିରେ ତଣ୍ଟିକାଟି ତାକୁ ହତ୍ୟା କଲା । ଶବ ଉଦ୍ଧାର କରିବା ସହିତ ପୁଲିସ ତଣ୍ଟିକଟାରେ ବ୍ୟବହୃତ ଛୁରିଟିକୁ ମଧ୍ୟ ଉଦ୍ଧାର କରିଛି । ଗିରଫ ଅଭିଯୁକ୍ତଙ୍କୁ ଜେଲ୍ ପଠାଇ ଦିଆଯାଇଛି ବୋଲି ପୁଲିସ କହିଛି ।
[ad_2]
