ମୁହଁରେ ବ୍ରଣ ସମସ୍ଯା ପାଇଁ ଅଧିକ ଚିନ୍ତିତ ରହୁଛନ୍ତି କି ! ମୁହଁର ବ୍ରଣ ସମସ୍ଯା ଦୂର କିପରି କରିବେ ?
ଯୁବାବସ୍ଥାରେ ବ୍ରଣ ହେବା ଏକ ସାଧାରଣ ସମସ୍ଯା ଅଟେ । ଏହା ମୁଖ୍ୟତଃ ଯୌବନର ଆରମ୍ଭରେ ପୁରୁଷ ଏବଂ ମହିଳା ଠାରେ ଦେଖାଯାଏ । ମୁହଁରେ ବ୍ରଣ ବାହାରିବା ଦ୍ଵାରା ଅନେକ ପିଲା ଏଥିପାଇଁ ଅଧିକ ଚିନ୍ତିତ ହୋଇପଡିଥାନ୍ତି । ତେବେ ବ୍ରଣ ସମସ୍ଯାକୁ କିଭଳି ଭାବେ ଦୂର କରିବା ଏ ସମ୍ପର୍କରେ ଚର୍ମରୋଗ ବିଶେଷଜ୍ଞ ଡାକ୍ତର କୁମାର ଅଭିଷେକଙ୍କ ମୁହଁରୁ ଜାଣିବା । ତେବେ ଡାକ୍ତରଙ୍କ କହିବା ଆଧାରରେ ବ୍ରଣ ହେଲେ ଅନେକ ପିଲା ତାକୁ ଚିପିକି ବାହାର କରିବାକୁ ଚାହିଁଥାନ୍ତି ।
ଯାହା ଦ୍ଵାରା ସେହି ସ୍ଥାନରେ କଳାଦାଗ ହୋଇବା ସହ ସେଠାରେ ଗର୍ତ୍ତ ମଧ୍ୟ ସୃଷ୍ଟି ହୋଇଥାଏ । ଯାହାକୁ ଆକନିସ୍କାର ବୋଲି କହିଥାଉ । ତେଣୁ ବ୍ରଣ ହେଲେ ସେହି ସ୍ଥାନରେ ହାତ ମାରନ୍ତୁ ନାହିଁ । ବିଶେଷତଃ ପିଲା ଯୌବନ ଅବସ୍ଥା କୁ ଗଲା ପରେ ତା’ ର ଶରୀରରେ ଅନେକ ପ୍ରକାର ହରମୋନର ଇମବାଲାନ୍ସ ହୋଇଥାଏ । ଯାହା ଦ୍ଵାରା ମୁହଁରେ ବ୍ରଣ ବାହାରିଥାଏ । ଜୀବନଶୈଳୀରେ ମଧ୍ୟ ଅସନ୍ତୁଳନ ଦେଖାଗଲେ, ମୁହଁରେ ବ୍ରଣ ବାହାରିଥାଏ ।
ତେବେ କୌଣସି ବିଶିଷ୍ଟ ସ୍କିନ ସ୍ପେଶାଳିଷ୍ଟଙ୍କ ଠାରୁ ପରାମର୍ଶ ନେଇ ବ୍ରଣ ସମସ୍ଯାକୁ ଦୂରେଇବା ଉଚିତ । ସାବୁନ ଚେହେରାରେ ଲଗାଇଲେ ତାହା ଅଧିକ ଡ୍ରାଏ ହୋଇବା ସହ ତା’ ର ପିଏଚ ମଧ୍ୟ ବଦଳିଯାଇଥାଏ । ଯାହା ଦ୍ଵାରା ଅଧିକ ବ୍ରଣ ମୁହଁରେ ସୃଷ୍ଟି ହୋଇଥାଏ । ତେଣୁ ମୁହଁରେ ସାବୁନ ଲଗାଇବା ଆଭୋଏଡ କରିବା ଉଚିତ ।
