ଗଣେଶ ପୂଜା ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ତେବେ ପୂଜା ପୂର୍ବରୁ ଘରେ ସଫା କାର୍ଯ୍ୟ ଆରମ୍ଭ ହୋଇଯାଇଛି । ଏହି ବର୍ଷ ଗଣେଶ ଚତୁର୍ଥୀ 7 ସେପ୍ଟେମ୍ବର 2024’ରେ ପଡୁଛି । ତେବେ ଏହି ଦିନ, ଶୁଭ ମୁହୂର୍ତ୍ତରେ ଗଣେଶଙ୍କୁ ସଠିକ୍ ସମୟରେ ପ୍ରତିଷ୍ଠା କରନ୍ତୁ । କାରଣ ଶୁଭ ସମୟରେ କରାଯାଇଥିବା କାର୍ଯ୍ୟ ସଫଳ ହୋଇଥାଏ ଶୁଭ ସମୟ ଗଡିଗଲେ ଅଧିକାଂଶ କାର୍ଯ୍ୟ ବିଫଳ ହୋଇଥାଏ ।
ଚାଲନ୍ତୁ ଜାଣିବା ଗଣେଶ ଚତୁର୍ଥୀରେ ଘରେ ବପ୍ପାଙ୍କୁ କିପରି କରିବେ ପ୍ରତିଷ୍ଠା ।
ଗଣେଶ ଚତୁର୍ଥୀ ଦିନ ସ୍ନାନ କରିବା ପରେ ସଫା ହଳଦିଆ କିମ୍ବା ନାଲି ରଙ୍ଗର ପୋଷାକ ପିନ୍ଧନ୍ତୁ । ଉତ୍ତର-ପୂର୍ବ ଦିଗରେ ଏକ ପୂଜା ସ୍ଥାନ ପ୍ରସ୍ତୁତ କରନ୍ତୁ , ଠାକୁର ବସିବା ସ୍ଥାନରେ ନାଲି କିମ୍ବା ଧଳା କପଡା ପକାନ୍ତୁ । ଭିନ୍ନ ଭିନ୍ନ ଫୁଲରେ ଠାକୁର ବସିବା ସ୍ଥାନକୁ ସଜାନ୍ତୁ । ସୁଗନ୍ଧିତ ଫୁଲ ଏବଂ ଆମ୍ବ ପତ୍ର ମଧ୍ୟ ବ୍ୟବହାର କରିପାରିବେ ।
ଠାକୁର ରଖିବା ସ୍ଥାନରେ କିଛି ଚାଉଳ ରଖନ୍ତୁ ଏବଂ ଶୁଭ ସମୟରେ ଭଗବାନ ଗଣେଶଙ୍କ ପ୍ରତିମାକୁ ସ୍ଥାପନ କରନ୍ତୁ । ଗଣପତିଙ୍କ ଡାହାଣ ପାର୍ଶ୍ୱରେ କଳସ ରଖନ୍ତୁ ।
କଳସରେ ପାଣି, ଆମ୍ବ ପତ୍ର, ମୁଦ୍ରା, ଅକ୍ଷତ ରଖନ୍ତୁ ଏବଂ ଉପରେ ନଡ଼ିଆ ରଖି ଏଥିରେ ନାଲି କପଡ଼ା ବାନ୍ଧି ଦିଅନ୍ତୁ ।
ପ୍ରଭୁ ଗଣେଶଙ୍କୁ କୁମକୁମ, ଚନ୍ଦନ, କଦଳୀ, ହଳଦୀ, ହେନା, ଗୁଲାଲ୍, ଅକ୍ଷତ, ଆବେର, ନାଲି ଫୁଲ, ଲବଙ୍ଗ, କୁଜୁରାତି, କଦଳୀ ପତ୍ର, ପବିତ୍ର ସୂତା ଏବଂ ନଡ଼ିଆ ଅର୍ପଣ କରନ୍ତୁ ।
