ନୂଆଦିଲ୍ଲୀ,୦୫/୦୯: ଭାରତୀୟ ଷ୍ଟକ୍ ମାର୍କେଟ ଆଜି ବୃଦ୍ଧି ସହିତ ଖୋଲିିଛି। ଆଜି ବଜାର ଖୋଲିବା ବେଳେ ଏନ୍ଏସ୍ଇ ନିଫ୍ଟିର ୧୫୧ ସେୟାର ବୃଦ୍ଧି ହୋଇଥିବା ବେଳେ ୨୪୫ ସେୟାର ହ୍ରାସ ପାଇଥିବା ଦେଖିବାକୁ ମିଳିଛି। ଏହାର ଅର୍ଥ ହେଉଛି ଆଡ୍ଭାନ୍ସ-ଡିକ୍ଳାଏନ୍ ରେସିଓ ବଜାର ସପକ୍ଷରେ ଅଛି। ଆଜି ମିଡକାପ୍ ଇଣ୍ଡେକ୍ସ ମଧ୍ୟ ଏକ ରେକର୍ଡ ଉଚ୍ଚରେ ଖୋଲିଛି।
ବିଏସ୍ଇ ସେନସେକ୍ସ ଏହାର ସର୍ବକାଳୀନ ଉଚ୍ଚରେ ପହଞ୍ଚିଛି।
ବିଏସ୍ଇ ସେନସେକ୍ସ ଆଜି ୮୨,୪୬୯.୭୯ ରେ ଖୋଲିଛି, ଯାହାକି ୧୧୭.୧୫ ପଏଣ୍ଟ ଅର୍ଥାତ୍ ୦.୧୪ ପ୍ରତିଶତ ବୃଦ୍ଧି ଅଟେ। ଏହି ପରିପ୍ରେକ୍ଷିରେ ଏନ୍ଏସ୍ଇର ନିଫ୍ଟି ୫୧.୮୦ ପଏଣ୍ଟ ଅର୍ଥାତ୍ ୦.୨୧ ପ୍ରତିଶତ ଲାଭ ସହିତ ୨୫,୨୫୦.୫୦ ରେ ଖୋଲିଛି। | ଷ୍ଟକ୍ ମାର୍କେଟରେ, ବିଏସ୍ଇ ସେନସେକ୍ସ ଆଜି ଦିନରେ ୮୨,୬୧୭.୪୯ ର ଉଚ୍ଚସ୍ଥରରେ ପହଞ୍ଚିଛି ଏବଂ ଏହା ସର୍ବକାଳୀନ ୮୨,୭୨୫.୨୮ ଠାରୁ କିଛି ପାଦ ଦୂରରେ ଅଛି। ଏହାରି ଭିତରେ ନିଫ୍ଟି ୨୫,୨୭୫.୪୫ ସ୍ତରରେ ପହଞ୍ଚିଛି ଏବଂ ଏହାର ସର୍ବକାଳୀନ ୨୫,୩୩୩.୬୫ ର ଶୀର୍ଷ ସ୍ଥରରେ ପହଞ୍ଚିଛି। ବ୍ୟାଙ୍କ ନିଫ୍ଟି ମଧ୍ୟ ଭଲ ବେଗରେ କାରବାର କରୁଛି ଏବଂ ୬୬.୦୫ ପଏଣ୍ଟ ଅର୍ଥାତ୍ ୦.୧୩ ପ୍ରତିଶତ ବୃଦ୍ଧି ସହିତ ୫୧,୪୬୬.୩୦ ରେ କାରବାର କରୁଛି।
ଏହାର ୩୦ ଟି ସେୟାର ମଧ୍ୟରୁ ୧୩ ଟି ବୃଦ୍ଧି ଘଟିଥିବାବେଳେ ୧୭ ଟି ସେୟାର କାରବାରରେ ହ୍ରାସ ଘଟୁଥିବା ଦେଖିବାକୁ ମିଳିଛି। ଏହା ବ୍ୟତୀତ ଆଜି ସର୍ବାଧିକ ବୃଦ୍ଧି ପାଉଥିବା ଷ୍ଟକ୍ ମଧ୍ୟରେ ଅଲଟ୍ରା ଟେକ୍ ସିମେଣ୍ଟ, ଟାଟା ଷ୍ଟିଲ୍, ଜେଏସଡବ୍ଲୁ ଷ୍ଟିଲ, ଟାଇଟନ, ଆଇଟିସି, ଜେଏସଡବ୍ଲୁ ଷ୍ଟିଲ ସର୍ବାଧିକ ବୃଦ୍ଧି ଘଟୁଛି ଏବଂ ଏହା ବ୍ୟତୀତ ହ୍ରାସ ହେଉଥିବା ଷ୍ଟକଗୁଡ଼ିକ ହେଉଛି HCL ଟେକ୍, ନେସ୍ଲେ, ମାରୁତି, ବିଏଲ୍, ଟିସିଏସ୍ ଏବଂ ଏମ୍ ଆଣ୍ଡ୍ ଏମ୍ର ସେୟାରଗୁଡିକ ରହିଛି।
