କୁକୁର ଓ ମଣିଷର ସମ୍ପର୍କକୁ ନେଇ ଅନେକ କାହାଣୀ ରହିଛି । କୁକୁର ସବୁବେଳେ ନିଜ ମାଲିକଙ୍କ ପାଇଁ ବିଶ୍ୱସ୍ଥ ହୋଇ ରୁହନ୍ତି । ଏକଥା କେବଳ ଯେ କାହାଣୀରେ ରହିଛି ତାହା ନୁହେଁ ଆପଣ ଅନେକ ସମୟରେ କୁକୁରଙ୍କ ଭଲ ପାଇବା ଦେଖିଥିବେ । କୁକୁର ହେଉ କି ଅନ୍ୟ ପଶୁ ହୁଅନ୍ତୁ ଜୀବଜନ୍ତୁଙ୍କୁ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
କିନ୍ତୁ ନିକଟରେ ଏମିତି ଏକ ଭିଡିଓ ଭାଇରାଲ ହେଉଛି, ଯାହାକୁ ଦେଖିବା ପରେ ୟୁଜର୍ସ ବି ଭାବବିହ୍ଵଳ ହୋଇପଡ଼ିଥିଲେ ।
ତେବେ ଭାଇରାଲ ଭିଡିଓରେ ଏକ କୁକୁର ଆମ୍ବୁଲାନ୍ସ ପଛରେ ଦୌଡ଼ୁଥିଲା । ମାଲିକଙ୍କ ଦେହ ଖରାପ ହେବାରୁ ଆମ୍ବୁଲାନ୍ସ ଆସି ତାଙ୍କୁ ଡାକ୍ତରଖାନା ନେଉଥିଲା । ଏହି ସମୟରେ କୁକୁରଟି ଆମ୍ବୁଲାନ୍ସ ପଛରେ ଦୌଡ଼ୁଥିବାର ଦେଖାଯାଇଛି । କୁକୁରର ମାଲିକଙ୍କ ପ୍ରତି ଏଭଳି ଭଲ ପାଇବା ଦେଖି ଆମ୍ବୁଲାନ୍ସ କର୍ମଚାରୀ ବି ଚିନ୍ତାରେ ପଡ଼ିଥିଲେ । ଏବଂ ମାନବିକତା ଦେଖାଇ ଆମ୍ବୁଲାନ୍ସକୁ ଅଟକାଇଥିଲେ । ପରେ ଆମ୍ବୁଲାନ୍ସର ଡୋର ଖୋଲି କୁକୁରକୁ ଆମ୍ବୁଲାନ୍ସ ଭିତରକୁ ଯିବାକୁ ଦେଇଥିଲେ । ଯାହା ପରେ କୁକୁର ବି ନିଜ ମାଲିକ ସଙ୍ଗେ ହସ୍ପିଟାଲକୁ ଯାଇଥିଲା ।
ଆମ୍ବୁଲାନ୍ସ କର୍ମଚାରୀଙ୍କ ଏଭଳି ମହାନତାକୁ ନେଇ ଚାରିଆଡ଼େ ଚର୍ଚ୍ଚା ଚାଲିଛି । ମୋବାଇଲ ୟୁଜର୍ସ ଆମ୍ବୁଲାନ୍ସ କର୍ମଚାରୀଙ୍କ ପ୍ରଶଂସା କରିବା ସହ କୁକୁରର ଭଲ ପାଇବାକୁ ଦେଖି ଭାବବିହ୍ଵଳ ହୋଇଛନ୍ତି । ଏବେ ଏହି ଭିଡିଓ ବେଶ ଭାଇରାଲ ହେବାରେ ଲାଗିଛି । ଲୋକମାନେ ଭିଡିଓକୁ ଦେଖିବା ପରେ କମେଣ୍ଟ ଦେଉଛନ୍ତି ।
