[ad_1]
ନୋଏଡା: ପାକିସ୍ତାନୀ ମହିଳା ସୀମା ହାଇଦର ଲଗାତାର ଚର୍ଚ୍ଚାରେ ରହିଛନ୍ତି । ସେ ପ୍ରତିଦିନ କୌଣସି ନା କୌଣସି କାରଣକୁ ନେଇ ସୋସିଆଲ ମିଡ଼ିଆରେ ଭାଇରାଲ ହେଉଛନ୍ତି । ଏବେ ଶନିବାର ହରିଆଲି ତିଜ୍ର ଅବସରରେ ସୀମା ହାଇଦରଙ୍କ ଏକ ଭିଡ଼ିଓ ସାମନାକୁ ଆସିଛି । ଏଥିରେ ସେ ପୂଜାଅର୍ଚ୍ଚନା କରିବାର ଦେଖିବାକୁ ମିଳୁଛି । ତାଙ୍କର ଏହି ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେଉଛି । ଏଥିରେ ସୀମା ହାଇଦର ହିନ୍ଦୁ ମହିଳାଙ୍କ ପରି ସବୁଜ ରଙ୍ଗର ଶାଢୀ ପିନ୍ଧି ମଥାରେ ସିନ୍ଦୂର , ବିନ୍ଦି ଓ ତୁଳସୀ ପୂରା କରିବାର ନଜର ଆସିଛି । ସୋସିଆଲ ମିଡ଼ିଆରେ ଭାଇରାଲ ହେଉଥିବା ଭିଡ଼ିଓରେ ସୀମା ହାଇଦର ଜୟ ଶ୍ରୀରାମ କହିଛନ୍ତି ।
ଭିଡ଼ିଓରେ ସୀମା ହାଇଦର ସର୍ବ ପ୍ରଥମେ ହାତ ଯୋଡ଼ି ଜୟ ଶ୍ରୀରାମ କହୁଛନ୍ତି , ଏବଂ ଏହା ବି କହୁଛନ୍ତି ଆଜି ସେ ହରିଆଲି ତିଜ୍ର ଉତ୍ସବ ନିଜ ପରିବାର ସହ ପାଳୁଛନ୍ତି । ନିଜ ସ୍ୱାମୀଙ୍କୁ ଦୀର୍ଘାୟୁ ପାଇଁ ପୂଜା କରୁଛନ୍ତି । ସୀମା ହାଇଦର କହିଛନ୍ତି ,ମୁଁ ନିଜର ପୂରା ପରିବାର ସହ ଦେଶର ସୁଖ ଓ ସମୃଦ୍ଧିର କାମନା କରୁଛି ଏବଂ ବିଶ୍ୱାସ କରୁଛି କି ମାନନୀୟ ମୋଦି ଜି ଓ ଯୋଗୀଜୀଙ୍କ ପରିଚାଳନାରେ ଦେଶ ଆଗେଇବ ଓ ସୁଖଶାନ୍ତି ବିରାଜମାନ କରିବ । ଏହାପରେ ସୀମା ହାଇଦର ପୂରା ଭାରତକୁ ପର୍ବର ଶୁଭ କାମନା ଦେଉଛି ଏବଂ ଶେଷରେ ଭାରତ ଜିନ୍ଦାବାଦ , ଜୟ ଶ୍ରୀ ରାମର ଜୟଜୟକାର ଲଗାଇଛନ୍ତି । ହେଲେ ପ୍ରଥମ ଥର ନୁହେଁ , ଯେବେ ସୀମା ହାଇଦର ଭାରତ ଜିନ୍ଦାବାଦ ନାରା ଲଗାଇଛନ୍ତି । ଏହା ପୂର୍ବରୁ ମଧ୍ୟ ସ୍ୱାଧିନତା ଦିବସ ଅବସରରେ ସୀମା ହାଇଦର ନିଜ ଘରର ଛାତରେ ତ୍ରିରଙ୍ଗା ପତାକା ଉଡ଼ାଇ ଥିଲେ ଏବଂ ଭାରତ ମାତା କି ଜୟ ନାରା ଲଗାଇ ଥିଲେ । ଏହି ଦିନ ମଧ୍ୟ ସୀମା ତ୍ରିରଙ୍ଗା ରଙ୍ଗରେ ଶାଢୀ ପିନ୍ଧି ଥିବାର ଦେଖିବାକୁ ମିଳିଥିଲା ।
[ad_2]
