ଥଣ୍ଡାରେ ଚର୍ମର ହଜିଯାଇଥିବା ଉଜ୍ଜ୍ୱଳତା ଏବଂ ସୌନ୍ଦର୍ଯ୍ୟକୁ ଫେରାଇ ଆଣିବା ପାଇଁ ଗ୍ରହଣ କରନ୍ତୁ ଏହି ଅଭ୍ୟାସ

ବଢୁଥିବା ବୟସ ସହ ଚର୍ମ ପ୍ରାକୃତିକ ତୈଳ ତିଆରି କରି ପାରେନାହିଁ। ଯେଉଁ କାରଣରୁ କୋଲେଜେନ ଏବଂ ଏଲଷ୍ଟିନର ଉତ୍ପାଦନ ମଧ୍ୟ କମ ହେବାକୁ ଲାଗିଥାଏ। ସ୍ପଷ୍ଟ ଲାଇନ ଏବଂ କୁଞ୍ଚନ ତିଆରି ହେବାରେ ଲାଗିଥାଏ। ଶୁଖିଲା ଚର୍ମ ଯେତେବେଳେ ଖରାର ସଂସ୍ପର୍ଶରେ ଆସିଥାଏ , ସେତେବେଳେ ପିଗମେନଟେଶନ ଏବଂ ଆଖି ତଳେ କଳା ଚିହ୍ନ ଭଳି ସମସ୍ୟା ସୃଷ୍ଟି ହୋଇଥାଏ। ଏଭଳି ପରିସ୍ଥିତିରେ ଚର୍ମକୁ ଅତିରିକ୍ତ ଆଦ୍ରତା ଏବଂ ଖରାରୁ ରକ୍ଷା କରିବାପାଇଁ ସନସ୍କ୍ରିନ କ୍ରିମର ଆବଶ୍ୟକତା ପଡ଼ିଥାଏ।

ଆଦ୍ରତାର ଅଭାବ:-

ଫାଟିଥିବା ଓଠ , ଫାଟିଥିବା ଗୋଇଁଠି ଏବଂ ଶୁଖିଲା ଚର୍ମ ଶୀତ ଦିନରେ ସାଧାରଣ ସମସ୍ୟା ହୋଇଥାଏ। ଯାହା ବୟସ ସହ ବଢିବାକୁ ଲାଗିଥାଏ। ୨୫ ବର୍ଷ ବୟସରେ ଆପଣ ଦିନସାରା ବିନା ମଏଶ୍ଚରାଇଜରରେ ରହିପାରୁଥିଲେ ମଧ୍ୟ ୪୦ ବର୍ଷ ପରେ ଏଭଳି ସମ୍ଭବ ହୋଇପାରିବ ନାହିଁ।

କ୍ଲିନଜିଙ୍ଗ ଏବଂ ଟୋନିଙ୍ଗ:-

କ୍ଲିନଜିଙ୍ଗ ଏବଂ ଟୋନିଙ୍ଗ ଚର୍ମକୁ ପ୍ରଦୂଷଣ ଏବଂ ଧୂଳି ଦ୍ୱାରା ହେଉଥିବା କ୍ଷତି ଠାରୁ ରକ୍ଷା କରିଥାଏ। ଶୀତ ଦିନରେ ଏହା ସବୁଠାରୁ ଆବଶ୍ୟକୀୟ ହୋଇଥାଏ , କାରଣ ମଏଶ୍ଚରାଇଜର ପର୍ଯ୍ୟାପ୍ତ ପରିମାଣରେ ଏବଂ ଅନେକଥର ଲଗାଯାଇଥାଏ। ଏଥିପାଇଁ କ୍ଲିନଜିଙ୍ଗ ଅତ୍ୟାବଶ୍ୟକ ହୋଇଥାଏ।

ଆବଶ୍ୟକୀୟ ଅଟେ ହାଇଡ୍ରେଟିଂ ମାସ୍କ:-

ଏହି ସମୟରେ ଆମେ ସେଣ୍ଟ୍ରାଲ ହିଟିଂ ପ୍ରଣାଳୀ , ବ୍ଲଓର , ରୁମ ହିଟରର ବ୍ୟବହାର ଅଧିକ କରିଥାଉ , ଯାହା ଆଦ୍ରତାକୁ ଶୋଷି ନେଇଥାଏ। ଏହି କାରଣରୁ ସମ୍ବେଦନଶୀଳ ଶୁଖିଲା ଚର୍ମ ଆହୁରି ଶୁଖିଲା ଏବଂ ଦାନା ବିଶିଷ୍ଟ ହୋଇଯାଇଥାଏ। ଶୁଖିଲାପଣକୁ କମ କରିବାପାଇଁ ହାଇଡ୍ରେଟିଂ ମାସ୍କ ଲାଭଦାୟକ ପ୍ରମାଣିତ ହୋଇଥାଏ। ଏଥିପାଇଁ ଏକ କଦଳୀକୁ ଚକଟି ସେଥିରେ ଦୁଇ ଚାମଚ କ୍ଷୀରର ମଲେଇ ଏବଂ ଗୋଟିଏ ଚାମଚ ମହୁ ମିଶାଇ ମୁହଁରେ ଲଗାନ୍ତୁ। ୧୫-୨୦ ମିନିଟ ପରେ ମୁହଁ ସଫା କରନ୍ତୁ।

ସଠିକ ଖାଦ୍ୟପେୟ ଗ୍ରହଣ କରନ୍ତୁ:-

ଏହି ଋତୁରେ ଓମେଗା ୩ ଯୁକ୍ତ ଜିନିଷ ସେବନ କରନ୍ତୁ। ଉଦାହରଣ ସ୍ୱରୂପ ଫ୍ଲାକ୍ସ ମଞ୍ଜି ଏବଂ ସାଲମନ ଇତ୍ୟାଦି। ଏଭଳି ଜିନିଷ ମଧ୍ୟ ସେବନ କରନ୍ତୁ। ବ୍ଲ୍ୟୁ ବେରୀ , ଶାଗ ଏବଂ ସମସ୍ତ ସବୁଜ ପନିପରିବାକୁ ମଧ୍ୟ ନିଶ୍ଚିତ ଭାବରେ ଖାଦ୍ୟରେ ଅନ୍ତର୍ଭୁକ୍ତ କରନ୍ତୁ।

ଧ୍ୟାନ ରଖନ୍ତୁ:-

ସାଧାରଣତଃ ଲୋକମାନେ ଶୀତ ଋତୁରେ ଗ୍ରୀଷ୍ମ ଦିନ ଅପେକ୍ଷା ଅଧିକ ପାଣି ପିଇଥାନ୍ତି , ଯେଉଁ କାରଣରୁ ଚର୍ମକୁ ପର୍ଯ୍ୟାପ୍ତ ପରିମାଣରେ ପାଣି ମିଳେନାହିଁ ଏବଂ ସେ ଜୀବନହୀନ ହୋଇଯାଏ। ଏଥିପାଇଁ ଆପଣ ଯେତେ ବ୍ୟସ୍ତ ହୁଅନ୍ତୁ ନା କାହିଁକି ଦିନରେ ୮-୧୦ ଗ୍ଲାସ ପାଣି ନିଶ୍ଚିତ ଭାବରେ ପିଅନ୍ତୁ। ପାଣି ଚର୍ମର ଆଦ୍ରତା ବଜାୟ ରଖିବା ସହ ଶରୀରର ବିଷାକ୍ତ ପଦାର୍ଥକୁ ବାହାର କରିବାରେ ସାହାଯ୍ୟ କରିଥାଏ।

ଝାଳ ନ ବାହାରିବା କାରଣରୁ ଏହି ଋତୁରେ ଚର୍ମର ଛିଦ୍ରତା ବନ୍ଦ ହୋଇ ଯାଇଥାଏ। ଏଥିପାଇଁ ଗଭୀର ଛିଦ୍ର କ୍ଲିନଜିଙ୍ଗ କ୍ଷୀର ଦ୍ୱାରା ଚର୍ମକୁ ସଫା କରିଥାଏ। ବେସନରେ କଞ୍ଚା କ୍ଷୀର ମିଶାଇ ପେଷ୍ଟ ପ୍ରସ୍ତୁତ କରନ୍ତୁ ଏବଂ ସ୍କ୍ରବ କରି ମୁହଁକୁ ସଫା କରନ୍ତୁ। ମୃତ ଚର୍ମ ହଟାଇବା ପାଇଁ ଫେସିଆଲ ମାସ୍କ ଲଗାନ୍ତୁ।