ସମସ୍ତ ସଚେତନତା ଅଭିଯାନ ସତ୍ତ୍ୱେ ବାଣ ଫୁଟାଇବା ଦ୍ୱାରା ଘଟୁଥିବା ଦୁର୍ଘଟଣା ସଂଖ୍ୟା ବର୍ଷକୁ ବର୍ଷ ବୃଦ୍ଧି ପାଉଛି। ଏହି ଦୁର୍ଘଟଣାରେ କେବଳ ଶିଶୁ ନୁହଁନ୍ତି ଅଜ୍ଞାତ ଯାତ୍ରୀ ଏବଂ ବୃଦ୍ଧ ବ୍ୟକ୍ତି ମଧ୍ୟ ଅଛନ୍ତି। ଏହା ବ୍ୟତୀତ ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ବାଣରୁ ନିର୍ଗତ ଧୂଆଁକୁ ଯଦି ବ୍ୟକ୍ତି ନିଶ୍ୱାସ ମାଧ୍ୟମରେ ଗ୍ରହଣ କରେ ତେବେ ଆସ୍ତମା, ବ୍ରୋଙ୍କାଇଟିସ୍ ଏବଂ ନିମୋନିଆ ଭଳି ରୋଗକୁ ନିମନ୍ତ୍ରଣ ଦିଏ।
ପିଲାଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ସମସ୍ତେ ଦୀପାବଳିରେ ବାଣ ଫୁଟାନ୍ତି। ଝିରଝିର ବାଣ ଠାରୁ ଆରମ୍ଭ କରି ବଡ଼ ବଡ଼ ବାଣ ଫୁଟାଇବା ପିଲାମାନଙ୍କ ପାଇଁ ବହୁତ ଉତ୍ସାହର ବିଷୟ। କିନ୍ତୁ ଏହି ସମୟ ମଧ୍ୟରେ ଜଣେ ଅତି ସତର୍କ ହେବା ଆବଶ୍ୟକ। ଦିପାବଳୀ ସମୟରେ ବାଣ ଫାଟିଯିବା ସମୟରେ ଘଟିଥିବା ଏକ ଛୋଟ ଦୁର୍ଘଟଣା ସାଂଘାତିକ ହୋଇପାରେ।
ତେବେ ବାଣ ଫୁଟାଇବା ବେଳେ ଶରୀରର ଯେକୌଣସି ଅଂଶ ପୋଡିଗଲେ କଣ କରିବେ ?
ବାଣ ଫୁଟାଇବା ହେତୁ ହାତ, ମୁହଁ ଏବଂ ଆଖି ଅଧିକ ପ୍ରଭାବିତ ହୁଏ। ଏହି ବିପଦକୁ ଏଡାଇବା ପାଇଁ, ସୁରକ୍ଷା ବ୍ୟବସ୍ଥା ଅନୁସରଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯେପରିକି ବାଣ ଫାଟିଯିବା ସମୟରେ ଗୁଣାତ୍ମକ ବାଣ ବ୍ୟବହାର କରିବା ଏବଂ ଆତସବାଜି ସ୍ଥାନରୁ ପର୍ଯ୍ୟାପ୍ତ ଦୂରତା ବଜାୟ ରଖିବା।
ପୋଡାଜଳା ଆଘାତ ହେଲେ ତୁରନ୍ତ କ୍ଷତ ଉପରେ ଥଣ୍ଡା ପାଣି ଢାଳିବା ଉଚିତ ଏବଂ ପୋଡିଯାଇଥିବା ସ୍ଥାନରେ ଆଣ୍ଟିସେପ୍ଟିକ୍ କ୍ରିମ୍ ମଧ୍ୟ ବ୍ୟବହାର କରାଯିବା ଉଚିତ୍।
ଯଦି ଆପଣ ସାମାନ୍ୟ ଜଳି ଯାଇଛନ୍ତି ତେବେ ସେହି ସ୍ଥାନରେ ତୁଳସୀ ପତ୍ରର ରସ ଲଗାନ୍ତୁ। ଏହା ଜଳୁଥିବା ସମ୍ବେଦନଶୀଳତାକୁ ହ୍ରାସ କରିବ ଏବଂ କୌଣସି ପୋଡା ଚିହ୍ନ ରହିବ ନାହିଁ।
ନିଆଁରେ ଶରୀରର କୌଣସି ଅଂଶ ପୋଡ଼ିଗଲେ, ସେହି ସ୍ଥାନ ପ୍ରବଳ ମାତ୍ରାରେ ପୋଡିଥାଏ। ତୁରନ୍ତ ସେହି ସ୍ଥାନରେ ପାଣି କିମ୍ବା କିମ୍ବା ବରଫ ଲଗାଇଥାଉ। ହେଲେ ଏଥିଲାଗି ଆପଣାଇପାରିବେ ନିମ୍ନୋକ୍ତ ଟିପ୍ସ..
ଲେମ୍ବୁ: ପୋଡ଼ା ସ୍ଥାନରେ ଲେମ୍ବୁ ରସକୁ ୨-୩ ଦିନ ପର୍ଯ୍ୟନ୍ତ ବ୍ୟବହାର କରନ୍ତୁ। ଏହା ଜଳିବା କାରଣରୁ ସୃଷ୍ଟି ହେଉଥିବା ଦାଗକୁ ଭଲ କରିଥାଏ।
ଘିକୁଅଁାରୀ: ଘିକୁଆଁରୀ ଜେଲ୍ ଔଷଧ ଭଳି କାମ କରିଥାଏ। ବିଶେଷଜ୍ଞଙ୍କ ମତରେ, ବାଣ ଯୋଗୁ ଶରୀରର କୌଣସି ସ୍ଥାନ ପୋଡ଼ି ହୋଇଗଲେ ଘିକୁଆଁରୀ ବେଶ୍ ଫାଇଦା ଦେଇଥାଏ। ଏହା ପୋଡ଼ା ଯନ୍ତ୍ରଣା ଲାଘବ କରିବା ସହ ଦାଗ ବି ଦୂର କରିଦିଏ।
କଳଦୀ ପତ୍ର: ଆଣ୍ଟି ଇନ୍ଫ୍ଲାମେଟୋରୀ, ଆଣ୍ଟି ମାଇକ୍ରୋବିଆଲ୍ ଭଳି ଗୁଣରେ ଭରପୂର୍
କଦଳୀ ପତ୍ର ଜଳିବା ସ୍ଥାନରେ ଲଗାଇଲେ ବେଶ୍ ଆରାମ ମିଳିଥାଏ। କଦଳୀ ପତ୍ରକୁ ବାଟି ଏହାର ରସକୁ ପୋଡ଼ି ଯାଇଥିବା ସ୍ଥାନରେ ଲଗାଇଲେ ଯନ୍ତ୍ରଣାରୁ ଉପଶମ ମିଳିଥାଏ।
ଆଳୁ: ଆଳୁ ମଧ୍ୟ ଜ୍ୱଳନ ଯନ୍ତ୍ରଣାକୁ କମ୍ କରିବାରେ ବେଶ୍ ସହାୟକ ହୋଇଥାଏ। ଏହାଦ୍ୱାରା ଛାଲ ଉତୁରେ ନାହଁ କି ଫୋଟକା ହୁଏ ନାହିଁ। ଏଣୁ ଶରୀରର କୌଣସି ଅଂଶରେ ନିଆଁ ଲାଗିଗଲେ, ସେଠାରେ ତୁରନ୍ତ ଆଳୁକୁ ବାଟି ଲଗାଇଦିଅନ୍ତୁ। ଆରାମ ମିଳିବ।
କ୍ଷୀର: ନିଆଁ ଲାଗିବା ଦ୍ୱାରା ତ୍ୱଚା ଉପରେ ତୁରନ୍ତ ଥଣ୍ଡା କ୍ଷୀର ଢାଳିଦିଅନ୍ତୁ। ଏହାଦ୍ୱାରା ତ୍ୱଚା ସଂକ୍ରମଣର ଭୟ ମଧ୍ୟ ଦୂରେଇଯାଏ। ଧ୍ୟାନ ରଖିବେ କ୍ଷୀର ବିନା ମଲାଇ ବାଲା ଥିବ।
ନଡ଼ିଆତେଲ: ଜଳିଯାଇଥିବା ତ୍ୱଚାରେ ନଡ଼ିଆ ତେଲ ଲଗାଇବା ସବୁଠୁ ଉତ୍ତମ। ଏହା ଆଣ୍ଟିଇକ୍ସିଡାଣ୍ଟ, ଆଣ୍ଟିବ୍ୟାକ୍ଟେରିଆଲ୍ ଏବଂ ଆଣ୍ଟି ଫଙ୍ଗଲ୍ ଗୁଣରେ ଭରପୂର୍। ପୋଡ଼ା ସ୍ଥାନରେ ସୃଷ୍ଟି ହେଉଥିବା ଦାଗ ମଧ୍ୟ ଏହାଦ୍ୱାରା ଦୂର ହୋଇଯିବ।
