ନୂଆଦିଲ୍ଲୀ : ସାପକୁ ଦେଖିବା ପରେ ଏଭଳିକି ସାପ ନାମ ଶୁଣିବା ମାତ୍ରେ ଭୟଭୀତ ହେବା ସାଧାରଣ କଥା । ସାପଙ୍କ ମଧ୍ୟରେ ଅହିରାଜ ଆକାରରେ ବିରାଟକାୟ,ଭୟଙ୍କର ଦେଖାଯାଉଥିବା ବେଳେ ଭୋକ ସମୟରେ ଏମାନେ ଅନ୍ୟ ସାପକୁ ମଧ୍ୟ ଖାଇ ଦେଇ ଥାଆନ୍ତି । ଅନ୍ୟ ଛୋଟ ଛୋଟ ସାପକୁ ଆକ୍ରମଣ କରି ଥାଆନ୍ତି । ନିକଟରେ ଏହାର ଏଭଳି ଏକ ଭିଡିଓ ଭାଇରାଲ୍ ହେଉଛି, ଯାହା ସଭିଁଙ୍କୁ ଭୟଭୀତ କରିବା ସହ ଦ୍ରୁତ ଗତିରେ ଭାଇରାଲ୍ ହେଉଛି ।
ସଭିଁଙ୍କ ଧ୍ୟାନକୁ ମଧ୍ୟ ଆକର୍ଷିତ କରୁଛି ।ଭିଡିଓରେ ଦେଖିପାରିବେ, ରାସ୍ତା ମଝିରେ ଏକ ଅହିରାଜ ସାପ ପୂର୍ବରୁ ଗିଳି ଥିବା ୩ଟି ସାପକୁ ଗୋଟିଏ ଗୋଟିଏ କରି ପାଟିରୁ ବାହାର କରୁଥିବା ନଜର ଆସୁଛି । ଏହି ଭୟଙ୍କର ଦୃଶ୍ୟକୁ ଦେଖି ସେଠାରେ ଥିବା ଲୋକେ କାବା ହୋଇ ଯାଇଥିବା ଦେଖି ପାରିବେ । ଅହିରାଜ ସାପଟି ଆକାରରେ ବିରାଟକାୟ ହୋଇଥିବା ଦେଖାଯାଉଛି । ଲକ୍ଷ ଲକ୍ଷ ଲୋକେ ଏହି ଭିଡିଓଟିକୁ ଦେଖିବା ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
