ବିଶ୍ବକୁ ସରପ୍ରାଇଜ୍ ଦେଲା ଜାପାନ୍, ଲଞ୍ଚ କଲା କାଠରେ ତିଆରି ହୋଇଥିବା ଦୁନିଆର ପ୍ରଥମ ସାଟେଲାଇଟ୍
ଜାପାନର ବୈଜ୍ଞାନିକମାନେ ବିଶ୍ୱର ପ୍ରଥମ କାଠରେ ତିଆରି ହୋଇଥିବା ସାଟେଲାଇଟ୍ (First Wooden Satellite)ଲଞ୍ଚ କରିଛନ୍ତି । GnoSat ନାମକ ଏହି ସାଟେଲାଇଟକୁ ସ୍ପେସ୍ ଏକ୍ସ ରକେଟରେ ରଖାଯାଇ ମହାକାଶକୁ ପଠାଯାଇଛି । ଖବର ଅନୁଯାୟୀ ଏହି ସାଟେଲାଇଟ୍ କ୍ୟୁଟୋ ବିଶ୍ୱବିଦ୍ୟାଳୟ ଏବଂ ଗୃହ ନିର୍ମାଣକାରୀ କମ୍ପାନୀ ସୁମିଟୋମୋ ବନ ବିଭାଗର ମିଳିତ ଅନୁସନ୍ଧାନକାରୀ ଦଳ ଦ୍ୱାରା ସୃଷ୍ଟି କରାଯାଇଛି ।
ଅନ୍ତର୍ଜାତୀୟ ସ୍ପେସ୍ ଷ୍ଟେସନ୍ (ଆଇଏସ୍ଏସ୍) ପାଇଁ ଏହି ସାଟେଲାଇଟ୍ ଲଞ୍ଚ କରାଯାଇଛି ।
ଲାଟିନ୍ ଶବ୍ଦର ନାଁ ଅନୁସାରେ ଏହି ସାଟେଲାଇଟର ନାଁ ରଖାଯାଇଛି । ଆସନ୍ତା ସପ୍ତାହରେ ଏହା ସ୍ପେସ୍ ଷ୍ଟେସନରୁ ଛଡ଼ାଯିବ । ଏହା ଛଅ ମାସ ପର୍ଯ୍ୟନ୍ତ କକ୍ଷ ପଥରେ ରହିବ । ଏହି ସାଟେଲାଇଟ୍ ISS ରେ ରହିବ ଏବଂ ପରୀକ୍ଷଣ କରିବ ଯେ ଏହି ପଦାର୍ଥ ମହାକାଶର ପରିବେଶକୁ କେତେ ସାମ୍ନା କରିପାରିବ ।
ଜାପାନର ପୂର୍ବ ସଟଲ ମହାକାଶଚାରୀ ତାକାଓ ଦୋଇ କ୍ୟୁଟୋ ବିଶ୍ୱବିଦ୍ୟାଳୟର ରିସର୍ଚ୍ଚ ଟିମ୍ର ଅଂଶ ଥିଲେ । ସେ କହିଛନ୍ତି ଯେ ସ୍ପେସରେ କାଠ ବ୍ୟବହାର କରାଯାଇପାରିବ କି ନାହିଁ ତାହା ଆମେ ଜାଣିବାକୁ ଚାହୁଁଛୁ । ସେଥିପାଇଁ ଆମେ ଏହି କାଠ ସାଟେଲାଇଟ୍ ତିଆରି କରିଛୁ ।
ଅନ୍ୟପଟେ ବନ ବିଜ୍ଞାନ ପ୍ରଫେସର କୋଜି ମୁରାତା କହିଛନ୍ତି ଯେ ମହାକାଶରେ କାଠ ଭଲ କାମ କରିପାରିବ । କାରଣ ସ୍ପେସରେ କିଛି ନାହିଁ ଯାହା ଏହାକୁ ନଷ୍ଟ କିମ୍ବା ନିଆଁକୁ ଆୟତ୍ତ କରିବ । ଏହି ସାଟେଲାଇଟରେ ବ୍ୟବହାର ହେଉଥିବା କାଠ ଜାପାନୀ ହୋନୋକି ନାମକ ଏକ ମାଗ୍ନୋଲିଆ ଗଛରୁ ଆସିଥାଏ । ଏହାକୁ ପ୍ରୋସେସ୍ କରିବା ସହଜ ଏବଂ ଏହା ସହଜରେ ଭାଙ୍ଗେ ନାହିଁ । ଅନୁସନ୍ଧାନ ଅନୁଯାୟୀ କାଠ ସାଟେଲାଇଟଗୁଡ଼ିକ ବହୁ ଦିନ ପର୍ଯ୍ୟନ୍ତ ଲାଭ ଦେଇପାରେ । ଏହା ପୃଥିବୀର ବାୟୁମଣ୍ଡଳକୁ କୌଣସି କ୍ଷତି ପହଞ୍ଚାଇବ ନାହିଁ । କିନ୍ତୁ ଯେତେବେଳେ ଅନ୍ୟ ସାଟେଲାଇଟ୍ ଜଳିଯାଏ ସେଥିରୁ ପ୍ରଦୂଷଣକାରୀ ଧାତୁ କଣିକା ନିର୍ଗତ ହୁଏ ।
