ଆସନ୍ତୁ ଜାଣିବା କ୍ଷୀର ଭିଜା ଖଜୁରୀ ଉପକାରିତା

ଏଥିସହିତ ଯେଉଁମାନଙ୍କର ଦୁର୍ବଳ ଶରୀର ଅର୍ଥାତ ଶାରୀରିକ ଗଠନ ପତଳା ସେମାନଙ୍କ ପାଇଁ ଖଜୁରୀ ଏକ ମହଷୌଧି । କାରଣ ରାତିରେ ଯଦି ଆମେ ଶୋଇବା ପୂର୍ବରୁ ପ୍ରତିଦିନ ଖଜୁରୀକୁ କ୍ଷୀରରେ ଖାଇବା ତେବେ ପତଳାପଣ ଦୂର ହୋଇଥାଏ ।

ରକ୍ତହୀନତା ପାଇଁ:

ଏନିମିଆ ବା ରକ୍ତହୀନତା: ଏହା ବିଶ୍ୱର ଅଧିକାଂଶଙ୍କ ମଧ୍ୟରେ ଦେଖାଯାଉଥିବା ଏକ ସାଧାରଣ ସମସ୍ୟା । ବିଶେଷ କରି ମହିଳା ଏବଂ ଛୋଟ ପିଲାଙ୍କ ଠାରେ ଅଧିକ ଦେଖାଯାଇଥାଏ । ଏଥିରୁ ମୁକ୍ତି ପାଇବାକୁ ହେଲେ ଖଜୁରୀର ସେବନ ଏକ ଉତ୍ତମ ମାଧ୍ୟମ । କାରଣ ଖଜୁରୀରେ ପ୍ରଚୁର ମାତ୍ରାରେ ଆଇରନ୍ ମିଳିଥାଏ । ଯାହା ଶରୀରରେ ହିମୋଗ୍ଲୋବିନ ଲେବଲକୁ ବୃଦ୍ଧି କରିବାରେ ସହାୟକ ହୋଇଥାଏ ।

ହାଡ଼କୁ ମଜଭୁତ କରେ କ୍ଷୀର ଭିଜା ଖଜୁରୀ : ଯେଉଁ ମାନଙ୍କର ହାଡ଼ ଦୁର୍ବଳ ସେମାନଙ୍କ ପାଇଁ ଖଜୁରୀ କୌଣସି ଚମତ୍କାରିତା ଠାରୁ ବି କମ ନୁହେଁ । କାରଣ ହାଡକୁ ମଜଭୁତ୍ କରିବା ପାଇଁ କ୍ୟାଲସିୟମ ଏବଂ ଫସଫରସର ଗୁରୁତ୍ୱପୂର୍ଣ୍ଣ ଭୂମିକା ରହିଥାଏ । କ୍ଷୀରରେ କ୍ୟାଲସିୟମ ଏବଂ ଖଜୁରୀରେ ଫସଫରସ ପ୍ରଚୁର ପରିମାଣରେ ରହିଥାଏ । ଯାହା ହାଡକୁ ମଜଭୁତ୍ କରିଥାଏ । ହାଡର ଦୁର୍ବଳତା, ଅଷ୍ଟିଓପୋରୋସିସ ଏବଂ ଗଣ୍ଠି ଯନ୍ତ୍ରଣାରୁ ମୁକ୍ତି ପାଇବାରେ ସାହାଯ୍ୟ କରେ ଖଜୂରୀ ।

ଖଜୁରୀ ଖାଇଲେ ଦୂର ହୁଏ ପେଟ ଜନିତ ସମସ୍ୟା : ଜଙ୍କ୍ ଫୁଡ୍ ଜମାନାରେ ହଜମ ସମସ୍ୟା ଏକ ବଡ଼ ଚିନ୍ତାର କାରଣ । ଆଉ ଏଥିରୁ ମୁକ୍ତି ପାଇବାକୁ ହେଲେ କ୍ଷୀରରେ ଭିଜା ହୋଇଥିବା ଖଜୁରୀକୁ ପ୍ରତିଦିନ ସେବନ କରନ୍ତୁ । ଖଜୁରୀରେ ଫାଇବର ଭରପୁର ମାତ୍ରାରେ ରହିଥାଏ । ଯାହା ଅନ୍ତନଳୀ ବା ଖାଦ୍ୟ ନଳୀକୁ ସକ୍ରିୟ କରେ ଏବଂ କୋଷ୍ଠକାଠିନ୍ୟ ଭଳି ସମସ୍ୟାରୁ ମୁକ୍ତି ପ୍ରଦାନ କରିଥାଏ । କ୍ଷୀର ସହ ଖଜୁରୀକୁ ସେବନ କରିବା ଦ୍ୱାରା ପେଟ ଥଣ୍ଡା ହୋଇଥାଏ ।

କ୍ଷୀର ଏବଂ ଖଜୁରୀର ମିଶ୍ରଣ କେବଳ ଶରୀର ପାଇଁ ଲାଭଦାୟକ ତାହା ନୂହେଁ ବରଂ ମସ୍ତିସ୍କ ପାଇଁ ମଧ୍ୟ ଖୁବ୍ ଲାଭଦାୟକ । ଖଜୁରୀରେ ପୋଟାସିୟମ ଏବଂ ଭିଟାମିନ୍ ବି ୬’ ର ଉପସ୍ଥିତି ମାନସିକ ସ୍ତରର ସ୍ୱାସ୍ଥ୍ୟକୁ ଫିଟ୍ ରଖିବା ସହ ନ୍ୟୁରୋଟ୍ରାନ୍ସମିଟର୍ସକୁ ସୁଧାରି ଥାଏ । ଯାହାଦ୍ୱାରା ସ୍ମରଣଶକ୍ତି ବୃଦ୍ଧି ପାଇଥାଏ । ଖାଲିସେତିକି ନୁହେଁ କ୍ଷୀରରେ ଥିବା ଟ୍ରିପ୍ଟୋଫେନ ଏକ ଶାନ୍ତ ପ୍ରଭାବ ପକାଇଥାଏ ।

କ୍ଷୀରରେ ଖଜୁରୀ ଖାଇବେ କେମିତି?

୨ ରୁ ୩ଟି ଖଜୁରୀକୁ ରାତିସାରା କ୍ଷୀରରେ ଭିଜେଇ ରଖନ୍ତୁ
ସକାଳେ ଏହାକୁ କମ୍ ଆଞ୍ଚରେ ଫୁଟାଇ ଉସୁମ ଉସୁମ ପିଅନ୍ତୁ
ସ୍ୱାଦ ପାଇଁ ଏଥିରେ ମହୁକୁ ମଧ୍ୟ ଆପଣ ମିଶାଇ ଖାଇପାରିବେ

ଏହାକୁ ଖାଇବା ପୂର୍ବରୁ କିଛି ସତର୍କତା: କ୍ଷୀର ଭିଜା ହୋଇଥିବା ଖଜୁରୀ ଡାଇବେଟିସ୍ ରୋଗୀ ଖାଇବା ସମୟରେ ଧ୍ୟାନ ରଖିବା ଉଚିତ୍ । କାରଣ ଖଜୁରୀରେ ନ୍ୟାଚୁରାଲ ସୁଗାର ରହିଥାଏ । ଯାହା ବ୍ଲଡସୁଗାର ଲେବଲକୁ ବଢାଇପାରେ ।