ଦେଶର ସବୁଠାରୁ ବଡ ଶିଳ୍ପପତି ରତନ ଟାଟା ୨୦୦୮ ମସିହାରେ ଟାଟା ପାଇଁ ଜାଗୁଆର କିଣିଥିଲେ । ଫୋର୍ଡ ସମ୍ମୁଖୀନ ହୋଇଥିବା ଆର୍ଥିକ ସଙ୍କଟ କାରଣରୁ ରତନ ଟାଟା ଏହି କମ୍ପାନୀକୁ କିଣିଦେଇଥିଲେ । ବର୍ତ୍ତମାନ ଟାଟାର ଜାଗୁଆର୍ ଇଲେକ୍ଟ୍ରିକ୍ ସେଗମେଣ୍ଟରେ ଲଞ୍ଚ ହେବାକୁ ଯାଉଛି । ପ୍ରାରମ୍ଭରେ ଜାଗୁଆର ୩ ଟି ଇଭି ମଡେଲ ଟେଷ୍ଟିଙ୍ଗ କରୁଛି ।
ଏହା ସହିତ, ଆଶା କରାଯାଏ ଯେ ଜାଗୁଆରର ପ୍ରଥମ ଇଭି ୨୦୨୬ ମସିହାରେ ବଜାରକୁ ଆସିପାରେ । ଜାଗୁଆରର ପ୍ରଥମ ଫୋର୍ ଡୋର୍ ଇଲେକ୍ଟ୍ରିକ୍ ସେଡାନ୍ ର କନସେପ୍ଟ ମଡେଲ୍ ଡିସେମ୍ବର ୨୦୨୪ ରେ ଯୁକ୍ତରାଷ୍ଟ୍ର ଆମେରିକାରେ ପରିଚିତ ହୋଇପାରେ ।
ଏହି କାରର ଶୁଭାରମ୍ଭ ସହିତ ଜାଗୁଆର ଇଲେକ୍ଟ୍ରିକ କାର ବଜାରରେ ପ୍ରବେଶ କରିବ । ଏହି କାର ବିଶ୍ୱ ବଜାରରେ ଉପସ୍ଥିତ ଥିବା Audi e tron ଏବଂ ପୋର୍ଚେ ଟାୟକନକୁ କଠୋର ପ୍ରତିଯୋଗିତା ଦେଇପାରେ । ଅଟୋ ନିର୍ମାତାମାନେ ସେମାନଙ୍କ କାର ଲଞ୍ଚ ପାଇଁ କୌଣସି ଅଫିସିଆଲ୍ ଡେଟ୍ ଘୋଷଣା କରିନାହାଁନ୍ତି । ନିକଟରେ ଜାଗୁଆର ବଜାରରେ ଅନେକ କାର ବିକ୍ରି ବନ୍ଦ କରିଦେଇଛି । ବର୍ତ୍ତମାନ ଅଟୋମେକର୍ସମାନେ ଆସନ୍ତା ମାସରେ ଆଇ-ପେସ୍ ଏବଂ ଇ-ପେସ୍ ସେଲ୍ ବନ୍ଦ କରିବାକୁ ଯାଉଛନ୍ତି । ପୂର୍ବରୁ F-Type, XE ଏବଂ XF କୁ ବନ୍ଦ କରିଦିଆଯାଇଥିଲା ।
ଜାଗୁଆରର ଏଫ୍-ପେସ୍ ହେଉଛି ଶେଷ ମଡେଲ୍, ଯାହାକି ୨୦୨୫ ସୁଦ୍ଧା ବନ୍ଦ ହୋଇପାରେ । ଏହାର ଅର୍ଥ ଆସନ୍ତା ଦୁଇ ବର୍ଷ ପାଇଁ ବଜାରରେ ଜାଗୁଆରର କୌଣସି ନୂଆ ମଡେଲ୍ ଆସିବ ନାହିଁ । ଜାଗୁଆର ଇଲେକ୍ଟ୍ରିକ୍ କାର ସହିତ ଏକ ବଡ ଯୋଜନା କାର୍ଯ୍ୟକାରୀ କରିବାକୁ ଚାହୁଁଛି । ଜାଗୁଆର ଏହାର ଇଭି ସହିତ ବିଳାସପୂର୍ଣ୍ଣ କାର କମ୍ପାନୀ ବେଣ୍ଟଲି ସହିତ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛି । ଏହି ଯାନର ଇଲେକ୍ଟ୍ରିକ୍ ମଡେଲ୍ କମର୍ସିଆଲ ଯାନଠାରୁ ସମ୍ପୂର୍ଣ୍ଣ ଭିନ୍ନ ହୋଇପାରେ । ଜାଗୁଆରର ପ୍ରଥମ ଇଲେକ୍ଟ୍ରିକ୍ କାର୍ ବହୁତ ମହଙ୍ଗା ହୋଇପାରେ । ଏହି କାର ସମସ୍ତ ଅତ୍ୟାଧୁନିକ ଫିଚର୍ସ ସହିତ ଲଞ୍ଚ କରାଯାଇପାରେ ।
