[ad_1]
ବାଲୁଗାଁ : ଅଧିକ ଅର୍ଥ ଉପାର୍ଜନ ଉଦ୍ଦେଶ୍ୟ ନେଇ ଦୁବାଇର ଆବୁଧାବୀ ସହରକୁ ଯାଇଥିବା ସ୍ଥାନୀୟ ଅଞ୍ଚଳର ଜଣେ ଓଡ଼ିଆଶ୍ରମିକ ଗତ ୧୯ତାରିଖରେ ନିଜ ଗ୍ରାମକୁ ଫେରୁଥିବା ବେଳେ ଦିଲ୍ଲୀରୁ ନିଖୋଜ ହୋଇଯାଇଥିବା ନେଇ ପରିବାର ପକ୍ଷରୁ ବାଲୁଗାଁ ଥାନାରେ ଅଭିଯୋଗ ହୋଇଛି । ଅଭିଯୋଗରୁ ଜଣାଯାଇଛି ବାଲୁଗାଁ ଥାନା ଅଧୀନ ବେଲପଡ଼ା ଗ୍ରାମର ଅକ୍ଷୟ ସ୍ୱାଇଁଙ୍କ ପୁତ୍ର ରଞ୍ଜନ(୩୦) ୩ବର୍ଷ ପୂର୍ବେ ଦୁବାଇର ଆବୁଧାବୀ ସହରକୁ ଯାଇ ସେଠାରେ ଏକ କମ୍ପାନୀରେ କାର୍ଯ୍ୟରତ ଥିଲେ । ଚଳିତ ମାସ ୧୮ତାରିଖରେ ଉକ୍ତ କମ୍ପାନୀ ରଞ୍ଜନଙ୍କୁ ଘରକୁ ଯିବା ନିମନ୍ତେ ବିମାନ ଟିକେଟ ଯୋଗାଇ ଦେଇଥିଲା । ଆବୁଧାବୀରୁ ମୁମ୍ବାଇ ଏବଂ ମୁମ୍ବାଇରୁ ଦିଲ୍ଲୀ ପର୍ଯ୍ୟନ୍ତ ଉକ୍ତ ଟିକେଟରେ ଉଲ୍ଲେଖ ରହିଥିବା ଜଣାଯାଇଛି ।
ରଞ୍ଜନଙ୍କ ସାଥିରେ ମଧ୍ୟ ଉକ୍ତ କମ୍ପାନୀର ଜଣେ ମୁସଲିମ୍ ସହକର୍ମୀ ଦିଲ୍ଲୀ ପର୍ଯ୍ୟନ୍ତ ଆସିଥିଲେ । ତେବେ ୧୯ତାରିଖ ଦିନ ଦୁହେଁ ଦିଲ୍ଲୀରେ ପହଞ୍ôଚବା ପରେ ରଞ୍ଜନଙ୍କ କୈାଣସି ଖୋଜ ଖବର ନାହିଁ । ଆଜକୁ ୭ଦିନ ବିତିଯାଇଥିଲେ ମଧ୍ୟ ସେ ଆସି ଘରେ ପହଞ୍ôଚନାହାନ୍ତି । ପରିବାର ପକ୍ଷରୁ ଉକ୍ତ କମ୍ପାନୀ ସହିତ ଯୋଗାଯୋଗ କରାଯିବାରେ କମ୍ପାନୀ କର୍ତ୍ତୃପକ୍ଷ ରଞ୍ଜନଙ୍କ ସାଥିରେ ଆସିଥିବା ସହକର୍ମୀଙ୍କ ଫୋନ୍ ନମ୍ବର ଦେଇ ଯୋଗାଯୋଗ କରିବା ପାଇଁ କହିଥିଲେ । ଉକ୍ତ ବ୍ୟକ୍ତିଜଣକୁ ପଚାରିବାରେ ଉତ୍ତର ମିଳିଥିଲା ଯେ ଆମ୍ଭେ ଦୁହେଁ ଏୟାରପୋର୍ଟରେ ଓହ୍ଲାଇବା ପରେ ଟ୍ୟାକ୍ସି ଯୋଗେ ମୁଁ ଘରକୁ ଫେରିଲି ଏବଂ ରଞ୍ଜନ ଓଡ଼ିଶା ଯିବା ପାଇଁ ଅନ୍ୟ ଏକ ଟ୍ୟାକ୍ସି ଯୋଗେ ଦିଲ୍ଲୀ ଷ୍ଟେସନ ଯାଇଥିବା ସୂଚନା ଦେଇଥିଲେ ।
ଏହି ସମସ୍ତ ଘଟଣାକୁ ନେଇ ପରିବାର ଲୋକ ଶେଷରେ ପୁଅର ନିଖୋଜ ଏବଂ ଅନୁସନ୍ଧାନ ନିମନ୍ତେ ବାଲୁଗାଁ ଥାନାରେ ଶନିବାର ଅଭିଯୋଗ କରିଛନ୍ତି । ପୁଲିସ୍ ଏକ ନିଖୋଜ ମାମଲା ରୁଜୁକରି ତଦନ୍ତ ଆରମ୍ଭ କରିଥିବା ନାଭାଲ ଫାଣ୍ଡି ଅଧିକାରୀ ଦିଲ୍ଲୀପ ସାହୁ ସୂଚନା ଦେଇଛନ୍ତି ।
[ad_2]
