[ad_1]
ମୁମ୍ବାଇ: ବଲିଉଡର ‘ହ୍ୟଣ୍ଡସମ ହଙ୍କ’ ଗାୟକ ଭାବେ ଲୋକପ୍ରିୟ ଅରମାନ ମଲିକଙ୍କ ପାଇଁ ସାରା ଦୁନିଆ ପାଗଳ। ସେ ନିଜ ସ୍ୱର ସହିତ ସମସ୍ତଙ୍କୁ ବିସ୍ମିତ କରିଛନ୍ତି। ତାଙ୍କ ଲୁକ୍ ଓ କଣ୍ଠ ପାଇଁ ସେ ଅନେକ ଯୁବତୀଙ୍କ ହୃଦୟ ଉପରେ ରାଜ କରୁଥିବା ବେଳେ ତାଙ୍କ ହୃଦୟ ଉପରେ ଏତେ ଦିନ ହେଲାଣି କିଏ ରାଜ୍ କରିଆସୁଥିଲେ, ତାହା ଜଣାପଡ଼ିଛି। ଅରମାନଙ୍କ ମନର ନାୟିକା ଫ୍ୟାଶନ ଇନଫ୍ଲୁଏନସର ଆଶନା ଶ୍ରଫ ବୋଲି ଜଣାପଡ଼ିଛି। ଏବେ ଅରମାନ ମଲିକ ଦୀର୍ଘ ଦିନ ଧରି ଡେଟ୍ କରୁଥିବା ପ୍ରେମିକା ତଥା ଫ୍ୟାଶନ ଇନଫ୍ଲୁଏନସର ଆଶନା ଶ୍ରଫଙ୍କ ସହ ନିର୍ବନ୍ଧ କରିଛନ୍ତି। ଅରମାନଙ୍କ ନିର୍ବନ୍ଧର କିଛି ଫଟୋ ମଧ୍ୟ ସାମ୍ନାକୁ ଆସିଛି ଯାହା ସୋସିଆଲ ମିଡିଆରେ ଭାଇରାଲ ହେଉଛି।
ଅରମାନ ନିଜ ଇନଷ୍ଟା ଆକାଉଣ୍ଟରେ ଆଶନାଙ୍କ ସହ କିଛି ଫଟେର ସେୟାର କରିଛନ୍ତି। ଫଟୋରେ ଅରମାନ, ଆଶନାଙ୍କୁ ମୁଦି ପିନ୍ଧାଉଥିବା ଦେଖାଯାଇଛି। ଅନ୍ୟ ଏକ ଫଟୋରେ ସେ ଆଶନାଙ୍କ ମଥାକୁ ଚୁମ୍ବନ ଦେଉଥିବା ମଧ୍ୟ ଦେଖିବାକୁ ମିଳିଛି।
ଉଲ୍ଲେଖଯୋଗ୍ୟ, ୨୦୧୭ରେ ଅରମାନ ଏବଂ ଆଶନା ପରସ୍ପରକୁ ଡେଟ୍ କରୁଥିବା ବେଳେ ପରେ ସେମାନଙ୍କର ବ୍ରେକଅପ ହୋଇଥିଲା। ହେଲେ ୨୦୧୯ରେ ପୁଣି ଥରେ ଅରମାନ ଏବଂ ଆଶନା ପରସ୍ପରକୁ ଡେଟ୍ କରିବା ଆରମ୍ଭ କରିଥିଲେ। ସେବେଠାରୁ ଦୁହେଁ ନିଜ ସମ୍ପର୍କ ବିଷୟରେ ଖୁଲମ ଖୁଲା ସମସ୍ତଙ୍କୁ ଜଣାଇଥିବା ବେଳେ ଇନଷ୍ଟାରେ ପରସ୍ପରର ଫଟୋ ସେୟାର କରନ୍ତି। ବର୍ତ୍ତମାନ ଏହି ପ୍ରେମୀଯୁଗଳ ନିର୍ବନ୍ଧ କରିଥିବା ବେଳେ ଖୁବଶୀଘ୍ର ଦୁହିଁଙ୍କ ବିବାହ ହେବ ବୋଲି ଜଣାଯାଇଛି।
[ad_2]
