[ad_1]
ବେଙ୍ଗାଲୁରୁ: ‘କେଜିଏଫ’ର ଅଭିନେତା ୟଶ କନ୍ନଡ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତାମାନଙ୍କ ମଧ୍ୟରୁ ଜଣେ। ୨୦୦୦ମସିହାରେ ଛୋଟ ପରଦାରେ ନିଜ କ୍ୟାରିଅର୍ ଆରମ୍ଭ କରିଥିବା ଏହି ଅଭିନେତା ୨୦୦୭ରେ ବଡ ପରଦାରେ ଡେବ୍ୟୁ କରିଥିଲେ। ତାଙ୍କର ସଫଳ ଚଳଚ୍ଚିତ୍ର ଥିଲା ୨୦୦୮ରେ ରିଲିଜ୍ ହୋଇଥିବା ଫିଲ୍ମ ‘ମୋଗିନା ମାନସୁ’। ସମୟ ସହ ସେ ଧୀରେ ଧୀରେ ଇଣ୍ଡଷ୍ଟ୍ରିରେ ନିଜର ପରିଚୟ ସୃଷ୍ଟି କରିବା ସହ ଏବେ କନ୍ନଡ ଇଣ୍ଡଷ୍ଟ୍ରିର ସୁପରଷ୍ଟାର ପାଲଟିଛନ୍ତି।
ଫିଲ୍ମ ‘କେଜିଏଫ୍’ ରିଲିଜ୍ ହେବା ପରଠାରୁ ତାଙ୍କର ଷ୍ଟାରଡମ ଆହୁରି ବଢ଼ିଛି। ଷ୍ଟାରଡମ ସହ ତାଙ୍କ ଫଲୋୟର୍ସ ସଂଖ୍ୟା ବି ବଢ଼ିଥିବା ଦେଖାଯାଇଛି। ଏବେ ଇନଷ୍ଟାରେ ତାଙ୍କୁ ୧୩.୪ମିଲିୟନ ଲୋକ ଫଲୋ କରୁଥିବା ବେଳେ ସେ ମାତ୍ର ୨ଟି ଆକାଉଣ୍ଟକୁ ଫଲୋ କରୁଛନ୍ତି। ଗୋଟିଏ ଆକାଉଣ୍ଟଟି ତାଙ୍କ ପତ୍ନୀ ରାଧିକା ପଣ୍ଡିତଙ୍କର ହୋଇଥିବା ବେଳେ ଅନ୍ୟ ଆକାଉଣ୍ଟଟି ଏକ ଅତର ବ୍ରାଣ୍ଡ ‘ଭିଲେନ’ର। ୟଶ ଇନଷ୍ଟାରେ କୌଣସି ନିର୍ଦ୍ଦେଶକ କିମ୍ବା କୌଣସି କଳାକାରଙ୍କୁ ଫଲୋ କରୁନଥିବା ଦେଖିବାକୁ ମିଳିଛି।
ୟଶ ଓ ରାଧିକାଙ୍କ ପ୍ରେମ କାହାଣୀ ଦେଖିବାକୁ ଗଲେ ଦୁହେଁ ୨୦୦୭ରେ ‘ନନ୍ଦ ଗୋକୁଳ’ ଫିଲ୍ମ ସେଟରେ ପରସ୍ପରକୁ ଭେଟିବା ସହ ଡେଟ୍ କରିବା ଆରମ୍ଭ କରିଥିଲେ। ଏହା ପରେ ଦୁହେଁ ୨୦୧୬ରେ ଗୋଆରେ ନିର୍ବନ୍ଧ କରି ସେହି ବର୍ଷ ଶେଷରେ ବିବାହ ବନ୍ଧନରେ ବାନ୍ଧି ହୋଇଥିଲେ। ବିବାହ ପରେ ୨୦୧୮ ଓ ୨୦୧୯ରେ ଦୁହେଁ ୨ସନ୍ତାନର ପିତାମାତା ହୋଇଥିଲେ।
[ad_2]
