[ad_1]
ନିକଟରେ ଅଭିନେତ୍ରୀ ନୟନତାରା ସାମାଜିକ ଗଣମାଧ୍ୟମ ଇନ୍ଷ୍ଟାଗ୍ରାମ୍ରେ ନିଜର ଆକାଉଣ୍ଟ ଖୋଲିଥିଲେ। ଇନ୍ଷ୍ଟ୍ରାଗ୍ରାମ୍କୁ ଆସିବାର ମାତ୍ର ୧୦ ଘଣ୍ଟା ଭିତରେ ସେ ଏକ ନିୟୁତ ଅନୁଗାମୀ ହାସଲ କରିବାର ସୌଭାଗ୍ୟ ଅର୍ଜନ କରିଛନ୍ତି। ଏଥି ସହିତ ସେ କାଟ୍ରିନା କୈଫ୍ଙ୍କୁ ପଛରେ ପକାଇ ଭାରତର ପ୍ରଥମ ଅଭିନେତ୍ରୀ ଭାବେ ଗୋଟିଏ ଦିନରେ ଦଶ ଲକ୍ଷ ଅନୁଗାମୀ ହାସଲ କରିପାରିଛନ୍ତି। ନୟନତାରାଙ୍କର ଅନୁଗାମୀ ସଂଖ୍ୟା ଇତିମଧ୍ୟରେ ୨୫ ଲକ୍ଷ ଟପିଲାଣି। ମୁକ୍ତିଲାଭ ଅପେକ୍ଷାରେ ଥିବା କିଙ୍ଗ୍ ଖାଁଙ୍କ ବହୁଚର୍ଚ୍ଚିତ ତ୍ରିଭାଷୀ ସିନେମା ‘ଯବାନ୍’ରେ ନୟନତାରାଙ୍କ ଚମକ ବି ଦେଖିବାକୁ ମିଳିବ। ସେ ସାଧାରଣତଃ ନିଜ ବ୍ୟକ୍ତିଗତ ଜୀବନକୁ ଗୋପନୀୟ ରଖିବାକୁ ପସନ୍ଦ କରନ୍ତି। ତେଣୁ ସାମାଜିକ ଗଣମାଧ୍ୟମକୁ ଆସିବା ବିଚାରକୁ ସେ ପ୍ରଥମେ ନାପସନ୍ଦ କରୁଥିଲେ।
ହେଲେ ‘ଯବାନ୍’ ସିନେମାର ପ୍ରଚାର ପାଇଁ ସେ ଇନ୍ଷ୍ଟାଗ୍ରାମ୍କୁ ଆସିଲେ ଏବଂ ତାହାର ମଜା ଏବେ ପାଉଛନ୍ତି। ଇନ୍ଷ୍ଟାଗ୍ରାମ୍ରେ ସେ ଛାଡ଼ିଥିବା ପ୍ରଥମ ରିଲ୍ରେ ତାଙ୍କର ଯାଆଁଳା ପୁଅ ଉୟିର ଓ ଉଲାଗ୍ଙ୍କୁ ଧରି ସେ ଚାଲୁଥିବାର ଦେଖାଯାଇଥିଲା। ଇନ୍ଷ୍ଟାଗ୍ରାମ୍କୁ ଆସିବା ପୂର୍ବରୁ ସେ ତାଙ୍କ ସ୍ବାମୀଙ୍କ ସହ ଓନାମ୍ ପର୍ବ ପାଳୁଥିବା ନଜରକୁ ଆସିଥିଲେ ଏବଂ ପରେ ‘ଯବାନ୍’ ସିନେମାର ଗୀତ ‘ନଟ୍ ରମେୟା ବସ୍ତାବୈୟା’ରେ ନିଜର ନୃତ୍ୟାଭିନୟ ଦ୍ବାରା ସାମାଜିକ ଗଣମାଧ୍ୟମରେ ନିଆଁ ଲଗାଇ ଦେଇଥିଲେ। ସୂଚନାଯୋଗ୍ୟ, ଅଟଲୀଙ୍କ ଦ୍ବାରା ନିର୍ଦ୍ଦେଶିତ ‘ଯବାନ୍’ ସିନେମା ଆସନ୍ତା ୭ ତାରିଖରେ ହିନ୍ଦୀ, ତାମିଲ ଓ ତେଲୁଗୁ ଭାଷାରେ ମୁକ୍ତିଲାଭ କରିବ। ନୟନତାରା ଏଥିରେ ଜଣେ ଗୁଇନ୍ଦା ଭୂମିକା ନିର୍ବାହ କରିଛନ୍ତି ଯାହାଙ୍କର ଶାହରୁଖ ଖାଁଙ୍କ ଚରିତ୍ର ସହ ସମ୍ପର୍କ ରହିଛି।
[ad_2]
