[ad_1]
ଉମରକୋଟ : ପ୍ରଥମେ ପ୍ରେମ ତା ପରେ ପ୍ରତାରଣା ଓ ଶେଷରେ ହତ୍ୟା । ଅଭିଯୋଗ ପରେ ବେଙ୍ଗାଲୁରୁରୁ ଅଭିଯୁକ୍ତଙ୍କୁ ଗିରଫ କରି ସିନ୍ ରିକ୍ରିଏସନ କରିଛି ପୋଲିସ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ ଖୁଟୁଗାଁ ଗ୍ରାମରେ । ସୂଚନା ଅନୁସାରେ ନାବାଳିକା ପ୍ରେମିକାକୁ ହତ୍ୟା କରି କୂଅରେ ଫୋପାଡିଦେଲା ଅଭିଯୁକ୍ତ । ତାଙ୍କର ମୃତଦେହ ସେପ୍ଟେମ୍ବର ୧ ତାରିଖ ଦିନ ଏକ ଜମି ମଧ୍ୟରେ ଥିବା କୂଅରୁ ଉଦ୍ଧାର ହୋଇଥିଲା । ନାବାଳିକାଙ୍କ ପରିବାର ପକ୍ଷରୁ ଏ ନେଇ ରାଇଘର ଥାନରେ ଏହାକୁ ହତ୍ୟା ଅଭିଯୋଗ କରି ଏତଲା ଦିଆଯାଇଥିଲା ।
ଏହା ପରେ ରାଇଘର ପୋଲିସ ଘଟଣାକୁ ଗୁରୁତ୍ବ ଦେଇ ତଦନ୍ତ ଆରମ୍ଭ କରିବା ସହ ନାବାଳିକାକୁ ହତ୍ଯା କରି କୂଅରେ ଫୋପାଡି ଦିଆଯାଇଛି ବୋଲି ଜାଣିବାକୁ ପାଇଥିଲା । ପରେ ଏହି ଘଟଣାରେ ତାର ପ୍ରେମିକ ଉକ୍ତ ଗ୍ରାମର ମହେଶ ମାଳୀ ସମ୍ପୃକ୍ତ ଥିବା ଜାଣିବାରୁ ତାକୁ ଖୋଜାଖୋଜି ଆରମ୍ଭ କରିଥିଲା । ଶେଷରେ ମହେଶକୁ ବେଙ୍ଗାଲୁରୁରୁ ଗିରଫ କରି ପଚରାଉଚରା କରିଥିଲା ବେଳେ ସତ ଓଗାଳିଛି ଅଭିଯୁକ୍ତ । ତେବେ ସେହି ଦିନର ଘଟଣାକ୍ରମକୁ ପୋଲିସ ପକ୍ଷରୁ ସିନ୍ ରିକ୍ରିଏସନ୍ କରାଯାଇଛି । ଘଟଣାସ୍ଥଳରେ ଗ୍ରାମବାସୀଙ୍କ ଭିଡ଼ ଜମିଥିବାରୁ କିଛି ସମୟ ପାଇଁ ଉତ୍ତେଜନା ଦେଖିବାକୁ ମିଳିଥିଲା । ତେବେ କାହିଁଙ୍କି ପ୍ରେମିକାକୁ ହତ୍ୟା କଲା ସେନେଇ ପୋଲିସ ସ୍ପଷ୍ଟ ସୂଚନା ପାଇପାରିନାହିଁ । ସେନେଇ ପୋଲିସ ଅଧିକ ପଚରାଉଚରା ଜାରି ରଖିଛି ।
[ad_2]
