[ad_1]
ମୁମ୍ବାଇ: ‘ଯବାନ’କୁ ପଛରେ ପକାଇ ୧୧ଦିନରେ ୧୨୪୯କୋଟି ଟଙ୍କା ଆୟ କଲା ହଲିଉଡ ଫିଲ୍ମ ‘ଦ ନନ୍-୨’। ବଲିଉଡ ଅଭିନେତା ଶାହରୁଖ ଖାନଙ୍କ ଅଭିନୀତ ଫିଲ୍ମ ‘ଯବାନ’ ବକ୍ସ ଅଫିସରେ ହଇଚଇ ସୃଷ୍ଟି କରୁଛି। ସେପ୍ଟେମ୍ବର ୭ରେ ମୁକ୍ତିଲାଭ କରିଥିବା ନିର୍ଦ୍ଦେଶକ ଅଟଲିଙ୍କ ଏହି ଚଳଚ୍ଚିତ୍ର ପ୍ରତିଦିନ ନୂଆ ରେକର୍ଡ ଭାଙ୍ଗୁଛି। ‘ଯବାନ’ର କ୍ରେଜ୍ ମଧ୍ୟରେ ହଲିଉଡର ହରର ଚଳଚ୍ଚିତ୍ର ‘ଦି ନନ୍-୨’ ମଧ୍ୟ ଭଲ ରୋଜଗାର କରିଥିବା ଜଣାପଡ଼ିଛି।
‘ଯବାନ’ର ଝଡ଼ ମଧ୍ୟରେ ସେପ୍ଟେମ୍ବର ୮ରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ୧୧ଦିନ ମଧ୍ୟରେ ୩୦କୋଟି ଟଙ୍କା ରୋଜଗାର କରିଛି। ଯଦିଓ ଏହି ଚଳଚ୍ଚିତ୍ର ଭାରତରେ ୩୦କୋଟି ଟଙ୍କାର ବ୍ୟବସାୟ କରିଛି, ତଥାପି ଏହି ଚଳଚ୍ଚିତ୍ର ସାରା ବିଶ୍ୱରେ ଭଲ ବ୍ୟବସାୟ କରିଥିବା ଦେଖାଯାଇଛି। ଚଳଚ୍ଚିତ୍ରଟି ବିଶ୍ବ ବ୍ୟାପୀ ୧୨୪୯କୋଟି ଟଙ୍କା ସଂଗ୍ରହ କରିଥିବା ଜଣାଯାଇଛି।
୨୦୧୮ରେ ମୁକ୍ତିଲାଭ କରିଥିବା ‘ଦି ନନ୍ ୨’ ହେଉଛି ‘ଦି ନନ’ର ସିକ୍ୱେଲ୍। ୪୦ମିଲିୟନ୍ ଡଲାରରୁ କମ୍ ବଜେଟରେ ନିର୍ମିତ ଏହି ଚଳଚ୍ଚିତ୍ରଟି ୧୫୦ମିଲିୟନ୍ ଡଲାର୍ ଅର୍ଥାତ୍ ୧୨୪୯କୋଟି ଟଙ୍କା ସଂଗ୍ରହ କରିଛି, ଯାହା ‘ଯବାନ’ର ବିଶ୍ବ ବ୍ୟାପୀ ବ୍ୟବସାୟଠାରୁ ଢ଼େର ଅଧିକ। ‘ଯବାନ’ ବର୍ତ୍ତମାନ ପର୍ଯ୍ୟନ୍ତ ସାରା ବିଶ୍ୱରେ ୭୯୭.୫୦ କୋଟି ଟଙ୍କା ରୋଜଗାର କରିଛି। ଆଗକୁ ମଧ୍ୟ ଫିଲ୍ମଟି ଭଲ ଆୟ କରିବ ବୋଲି କୁହାଯାଉଛି।
[ad_2]
