[ad_1]
ମୁମ୍ବାଇ: ଏବେ ବଲିଉଡ ଅଭିନେତା ସନ୍ନି ଦେଓଲ ତାଙ୍କ ଚଳଚ୍ଚିତ୍ର ‘ଗଦର ୨’ର ସଫଳତାକୁ ଉପଭୋଗ କରୁଛନ୍ତି। ଫିଲ୍ମଟି ବକ୍ସ ଅଫିସରେ ୫୦୦କୋଟି ଟଙ୍କା ଆୟ କରିବା ପରେ ଏହା ବଲିଉଡ୍ର ଖୁବ୍ ଅଧିକ ରୋଜଗାର କରିଥିବା ସିନେମା ମଧ୍ୟରେ ସାମିଲ୍ ହୋଇଯାଇଛି। ବଲିଉଡ ଅଭିନେତା ସନ୍ନି ଦେଓଲ ଏବଂ ଅଭିନେତ୍ରୀ ଅମିଶା ପଟେଲଙ୍କ ଫିଲ୍ମ ‘ଗଦର ୨’ ବଡ ପରଦାରେ ହଇଚଇ ସୃଷ୍ଟି କରିବା ପରେ ଏବେ ପ୍ରଶଂସକମାନଙ୍କ ପାଇଁ ଆଉ ଏକ ଭଲ ଖବର ରହିଛି।
ଫିଲ୍ମଟି ପ୍ରାୟ ଏକ ମାସରୁ ଅଧିକ ସମୟ ବଡ ପରଦାରେ ରହିବା ପରେ ଏବେ ତାହାର ଓଟିଟି ଭର୍ସନ ରିଲିଜ୍ ହେବାକୁ ଯାଉଛି ବୋଲି ଖବର ହସ୍ତଗତ ହୋଇଛି। ଖବର ଅନୁଯାୟୀ ଅନିଲ ଶର୍ମାଙ୍କ ନିର୍ଦ୍ଦେଶିତ ବ୍ଲକବଷ୍ଟର ଚଳଚ୍ଚିତ୍ର ‘ଗଦର ୨’କୁ ରିଲିଜ୍ ହେବାର ୪୦ ଦିନ ହୋଇଗଲାଣି। ତେବେ ଜାଣିବାକୁ ମିଳିଛି ଯେ ସିନେମାର ରାଇଟ୍ସ ବା ଅଧିକାର ଓଟିଟି ପ୍ଲାଟ୍ଫର୍ମ ଜି୫କୁ ମିଳିଛି। ଫିଲ୍ମଟି ଆସନ୍ତାମାସ ବା ଅକ୍ଟୋବର ୬ ତାରିଖରେ ଏଠାରେ ରିଲିଜ୍ ହେବ।
ଆପଣ ଜାଣିଥିବେ ଯେ ୨୦୦୧ ମସିହାରେ ମୁକ୍ତିଲାଭ କରିଥିବା ‘ଗଦର: ଏକ ପ୍ରେମ କଥା’ ଚଳଚ୍ଚିତ୍ରର ଦ୍ୱିତୀୟ ଭାଗ ହେଉଛି ‘ଗଦର ୨’। ସନ୍ନି ଦେଓଲ ଏବଂ ଅମିଶା ପଟେଲଙ୍କ ବ୍ୟତୀତ ଉତ୍କଳ ଶର୍ମା ଏବଂ ସିମରତ କୌରଙ୍କୁ ମଧ୍ୟ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଦେଖିବାକୁ ମିଳିଛି। ‘ଗଦର ୨’ର ଅପାର ସଫଳତା ପରେ ବର୍ତ୍ତମାନ ନିର୍ମାତା ‘ଗଦର ୩’ ପାଇଁ ପ୍ରସ୍ତୁତ ହେଉଛନ୍ତି।
[ad_2]
