କିଛି ଲୋକ ସ୍ୱାଦ ପାଇଁ ଆମିଷ ଭୋଜନ କରୁଥିବା ବେଳେ କିଛି ଲୋକ ଶରୀରର ପ୍ରୋଟିନ ମାତ୍ରା ପୂରଣ କରିବା ପାଇଁ ଆମିଷ ଭୋଜନ କରିଥାନ୍ତି । କିଛି ଜଣଙ୍କୁ ତ ଆମିଷ ଖାଇବା ଏତେଟା ପସନ୍ଦ ନ ଥିବା ବେଳେ ବାଧ୍ୟ ହୋଇ ଏହାର ସେବନ କରିଥାନ୍ତି । ଆମିଷ ଏତେଟା ଯଦି ଆପଣ ବି ପ୍ରୋଟିନ ପାଇଁ ହିଁ ଆମିଷ ଭୋଜନ କରୁଛନ୍ତି ତେବେ ଜାଣି ରଖନ୍ତୁ ଆମିଷ ଅପେକ୍ଷା କେତେକ ନିରାମିଷ ଖାଦ୍ୟରେ ବି ପ୍ରୋଟିନର ପରିମାଣ ଅଧିକ ରହିଥାଏ । ତେବେ ଚାଲନ୍ତୁ ନଜର ପକାଇବା ପ୍ରୋଟିନ ଯୁକ୍ତ କିଛି ସାକାହାରୀ ଖାଦ୍ୟ ଗୁଡିକ ଉପରେ:
କୋବି:
ଅଣ୍ଡାରେ ୧୮ ପ୍ରତିଶତ ପ୍ରୋଟିନର ମାତ୍ରା ଥିବା ବେଳେ କୋବିରେ ୪୦ ପ୍ରତିଶତ ପ୍ରୋଟିନ ରହିଥାଏ । ତେବେ ଭାବନ୍ତୁତ ଅଣ୍ଡା ଖାଇବା ଲାଭକାରୀ ନା କୋବି ଖାଇବା ଅଧିକ ଲାଭକାରୀ ।
ପାଳଙ୍ଗ:
ଆମିଷ ଖାଦ୍ୟ ତୁଳନାରେ ପାଳଙ୍ଗ ଖାଦ୍ୟରେ ୪୯ ପ୍ରତିଶତ ଅଧିକ ପ୍ରୋଟିନ ଥିବା ଏକ ଗବେଷଣାରୁ ଜଣାଯାଇଛି । ଏହା ସହ ଏହା ନିୟମିତ ଖାଇବା ଦ୍ୱାରା ଶରୀରରେ ରକ୍ତର ପରିମାଣ ମଧ୍ୟ ବାଲାନ୍ସ ରହିଥାଏ ।
ବ୍ରୋକୋଲି:
ବର୍ତ୍ତମାନ ମାର୍କେଟରେ ସହଜରେ ଉପଲବ୍ଧ ହେଉଥିବା ବ୍ରୋକୋଲିରେ ପ୍ରାୟ ୪୫ ପ୍ରତିଶତ ପ୍ରୋଟିନ ଥିବା ବେଳେ ଚିକେନରେ ମାତ୍ର ୨୩ ପ୍ରତିଶତ ପ୍ରୋଟିନ ରହିଛି ।
କାବୁଲି ଚଣା:
ମାତ୍ର ୨ ଚାମଚ କାବୁଲି ଚଣାରେ ଅଣ୍ଡା ତୁଳନାରେ ୬ ପ୍ରତିଶତ ଅଧିକ ପ୍ରୋଟିନ ରହିଥାଏ । ଯଦି ଆପଣ ସକାଳେ ଉଠି ଖାଲି ପେଟରେ ଗୋଟେ ମୁଠା ଭିଯାଯାଇଥିବା କାବୁଲି ଚଣା ଖାଇବେ ତ ଆପଣଙ୍କୁ ଦିନସାରା ଅନ୍ୟ କୌଣସି ପ୍ରୋଟିନ ଯୁକ୍ତ ଖାଦ୍ୟର ସେତେଟା ଆବଶ୍ୟକତା ପଡିବ ନାହିଁ ।
ସୋୟା:
ଅଣ୍ଡା ଖାଇବା ଅପେକ୍ଷା ସୋୟା ଖାଇବା ଦ୍ୱାରା ଶରୀରକୁ ଅଧିକ ମାତ୍ରାରେ ପ୍ରୋଟିନ ମିଳିଥାଏ । କାରଣ ଅଣ୍ଡା ତୁଳନାରେ ସୋୟାରେ ୧୫ ପ୍ରତିଶତ ଅଧିକ ପ୍ରୋଟିନ ମହଜୂତ ଥାଏ ।
ଏସବୁ ବ୍ୟତୀତ ଦୁଧ, ଦହି, ପନିର ଓ ଦେଶୀ ଘିଅରେ ମଧ୍ୟ ଭରପୁର ମାତ୍ରାରେ ପ୍ରୋଟିନ ମିଳିଥାଏ । ତେବେ ନିଜ ଖାଦ୍ୟ ତାଲିକାରେ ଏହି ସବୁ ଖାଦ୍ୟକୁ ସାମିଲ କରନ୍ତୁ ଓ ଏକ ସୁସ୍ଥ ଜୀବନ ଯାପନ ଅତି ବାହିତ କରନ୍ତୁ ।
