ଯଦିବା ଧନ ଜୀବନରେ ସୁଖ ଭରି ପାରି ନଥାଏ କିନ୍ତୁ ଏକ ଉନ୍ନତ ଜୀବନ ଧାରଣ ପାଇଁ ଏହାର ଆବଶ୍ୟକତାକୁ କେହି ଟାଳି ପାରିବେ ନାହିଁ । ମଣିଷର ଜରୁରୀ ଆବଶ୍ୟକତା ଖାଦ୍ୟ, ବସ୍ତ୍ର, ବାସଗୃହକୁ ପୂରଣ କରିବା ପାଇଁ ତ ଧନ ଦରକାର ହୋଇଥାଏ । ଧନ ଅର୍ଜନ କରିବା ପାଇଁ ଏକ ସାଧାରଣ ଲୋକ ଟିଏ ମୁଣ୍ଡ ଝାଳ କୁ ତୁଣ୍ଡରେ ମାରି ଦିନ ତମାମ ପରିଶ୍ରମ କରିଥାଏ । କିନ୍ତୁ ଧନ ସର୍ବଦା ସତ ଉପାୟରେ ହିଁ ଆୟ ହେବା ଉଚିତ । ନଚେତ କଥାରେ ଅଛି ଅଧର୍ମ ବିତ୍ତ ବଢେ ବହୁତ ଗଲାବେଳେ ଯାଏ ମୂଳ ସହିତ । ତେଣୁ ଧନ ଆୟ କରିବା ପୂର୍ବ ରୁ କେତେକ ମହାପୁରୁଷଙ୍କ ବାଣୀକୁ ମନେ ରଖିବା ନିହାତି ଦରକାର ।
ବରିନ ବଫେ :
ଏହି ମହାପୁରୁଷଙ୍କ ଅନୁଯାୟୀ କୌଣସି ବ୍ୟକ୍ତିର ବ୍ୟୟ ସଦାବେଳେ ତାର ଆୟ ଠାରୁ କମ ହେବା ଉଚିତ । ଏଣୁ ଖର୍ଚ୍ଚକୁ ଯଥା ସମ୍ଭବ କମ କରିବା ଉଚିତ ।
ମହାତ୍ମା ଗାନ୍ଧୀ:
ଜାତିର ପିତା ମହାତ୍ମା ଗାନ୍ଧୀଙ୍କ ଅନୁଯାୟୀ ଯେଉଁ ଲୋକେ ସମୟ ବଞ୍ଚାନ୍ତି, ବାସ୍ତବରେ ସେମାନେ ଧନ ବି ବଞ୍ଚାନ୍ତି । କାରଣ ସମୟ ଧନ ଠାରୁ ବି ଅଧିକ ମୂଲ୍ୟବାନ ହୋଇଥାଏ ।
ଚାଣକ୍ୟ:
ଅପରିଷ୍କାର ବସ୍ତ୍ର ପିନ୍ଧୁଥିବା ବ୍ୟକ୍ତି, ଦାନ୍ତ ସଫା ରଖୁନଥିବା ଲୋକ, ପେଟୁ ଲୋକ, କଡା କଥା କହୁଥିବା ଲୋକ, ସୂର୍ଯ୍ୟଦୟ ବା ସୂର୍ଯ୍ୟାସ୍ତ ସମୟରେ ଶୋଉଥିବା ଲୋକଙ୍କ ନିକଟରେ ଲକ୍ଷ୍ମୀ ଜମା ବି ବାସ କରନ୍ତି ନାହିଁ ।
କବିର:
ଦୁନିଆର କେତେକ ଲୋକ ଧନକୁ ନେଇ କେବେ ବି ସନ୍ତୁଷ୍ଟ ନଥାନ୍ତି । ସେମାନେ ସବୁବେଳେ ଚାହାନ୍ତି କି ପୃଥିବୀର ସମସ୍ତ ସମ୍ପତ୍ତି କେବେ ତାଙ୍କ ନିକଟକୁ ଆସିଯାଉ ।
ବିଦୁର:
ମହାଭାରତର ଅନ୍ୟତମ ମୁଖ୍ୟ ଚରିତ୍ର ବିଦୁରଙ୍କ ଅନୁଯାୟୀ ଧନ ସର୍ବଦା ସତ କର୍ମ ମାଧ୍ୟମରେ ହିଁ ଆୟ କରିବା ଉଚିତ ।
ହୋରେସ :
ଏହି ମହାମାନବଙ୍କ ଅନୁଯାୟୀ ଯଦି ଆପଣ ପଇସାର ସଦୁପଯୋଗ ଜାଣିଛନ୍ତି ତେବେ ଏହା ଆପଣଙ୍କ ସେବକ ହୋଇରହିବ , ଯଦି ଆପଣ ଏହାର ସଠିକ ଉପଯୋଗ ଜାଣି ନାହାନ୍ତି ତେବେ ସିଏ ଆପଣଙ୍କ ସ୍ୱାମୀ ହୋଇଯିବ ।
ଜୋନାଥନ ସ୍ବିଫ୍ଟ :
ବୁଦ୍ଦିମାନ ବ୍ୟକ୍ତିମାନେ ପଇସା ନିଜ ମସ୍ତିସ୍କରେ ରଖିଥାନ୍ତି, ହୃଦୟରେ ନୁହେଁ ।
ଚାର୍ଲସ ଏ . ଜ୍ୱାଏଫ:
ଆପଣଙ୍କ ଦରମା ଆପଣଙ୍କୁ ଧନୀ କରି ନଥାଏ, ପ୍ରକୃତରେ ଆପଣଙ୍କ ଖର୍ଚ୍ଚ କରିବା ଶୈଳୀ ହିଁ ଆପଣଙ୍କୁ ଧନୀ କରିଥାଏ ।
