[ad_1]
ବଲସଦ: ଗୁଜରାଟ ନିକଟରେ ହମସଫର ଏକ୍ସପ୍ରେସରେ ଲାଗିଲା ନିଆଁ। ଆଜି ଗୁଜରାଟର ବଲସଦରେ ତିରୁଚିରାପଲ୍ଲୀ ଜଙ୍କସନ ଏବଂ ଶ୍ରୀ ଗଙ୍ଗନଗର ମଧ୍ୟରେ ଚାଲୁଥିବା ହମସଫର ଏକ୍ସପ୍ରେସର ନିଆଁ ଲାଗିଛି। ଏକ୍ସପ୍ରେସର ବ୍ରେକ ଭ୍ୟାନ୍ କୋଚରେ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି। ଦିନ ୨.୩୦ରେ ଏହି ଘଟଣା ହମସଫର ଏକ୍ସପ୍ରେସରେ ଘଟିଥିଲା। ଟ୍ରେନର ଯାତ୍ରୀମାନେ ଗୋଟିଏ କୋଚରୁ ଧୂଆଁ ବାହରୁଥିବା ଦେଖିବା ପରେ ନିଆଁ ଲାଗିବା କଥା ସାମ୍ନାକୁ ଆସିଥିଲା।
#WATCH | Fire breaks out in Humsafar Express, which runs between Tiruchirappalli and Shri Ganganagar, in Gujarat’s Valsad; no casualty reported till now pic.twitter.com/p5Eyb7VQKw
— ANI (@ANI) September 23, 2023
କୁହାଯାଉଛି ଯେ, ରେଳ ଅଧିକାରୀମାନେ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ବ୍ରେକ ଭ୍ୟାନ୍ କୋଚରେ ନିଆଁ ଲାଗିବା ପରେ ସଂଲଗ୍ନ କୋଚର ସମସ୍ତ ଯାତ୍ରୀଙ୍କୁ ନିରାପଦରେ ବାହାରକୁ ଅଣାଯାଇଥିଲା ଏବଂ ବର୍ତ୍ତମାନ ସୁଦ୍ଧା କେହି ମୃତାହତ ହେବା ଖବର ଆସିନାହିଁ। ଏହା ସହ ଟ୍ରେନରୁ ନିଆଁ ଲାଗିଯାଇଥିବା କୋଚକୁ ଅଲଗା କରିଦିଆଯାଇଛି। ତେବେ ଏପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଜଣାପଡି ନାହିଁ।
ଗତ ମାସରେ ମଦୁରାଇ ନିକଟସ୍ଥ ଏକ ପର୍ଯ୍ୟଟନ ଟ୍ରେନର କୋଚରେ ନିଆଁ ଲାଗିବା ପରେ ଅତି କମରେ ୯ଜଣଙ୍କର ମୃତ୍ୟୁ ହୋଇଥିଲା। ଏହା ସହ ୨୦ଜଣ ଆହତ ହୋଇଥିଲେ। ଏହି ଟ୍ରେନ୍ ଉତ୍ତରପ୍ରଦେଶର ଲକ୍ଷ୍ନୌରୁ ରାମେଶ୍ୱରମ୍ ଅଭିମୁଖେ ଯାଉଥିଲା।
[ad_2]
