[ad_1]
କିଛି ଦିନ ହେଲା ଅଭିନେତ୍ରୀ କାଟ୍ରିନା କୈଫ୍ ସାର୍ବଜନୀନ ନଜରରୁ କୁଆଡ଼େ ଉଭାନ ହୋଇଯାଇଛନ୍ତି। ଏପରିକି ଶିଳ୍ପପତି ମୁକେଶ ଅମ୍ବାନୀ ଓ ତାଙ୍କ ପତ୍ନୀ ନୀତା ଅମ୍ବାନୀଙ୍କ ଦ୍ବାରା ଆୟୋଜିତ ପ୍ରସିଦ୍ଧ ଗଣପତି ଉତ୍ସବ ପାଳନ ବେଳେ ମଧ୍ୟ ତାଙ୍କୁ ଦେଖିବାକୁ ମିଳିନଥିଲା। ଶେଷ ଥର ପାଇଁ କୋଲକାତାଠାରେ ଏକ ଉତ୍ପାଦର ପ୍ରଚାର କରିବା ବେଳେ ସେ ପ୍ରଶଂସକମାନଙ୍କ ଦୃଷ୍ଟିରେ ପଡ଼ିଥିଲେ। ମହୋତ୍ସବ ସମୟରେ କାଟ୍ରିନା ସଂପୂର୍ଣ୍ଣ ଅନୁପସ୍ଥିତ ରହିବା ପ୍ରଶଂସକ ତଥା ସମର୍ଥକମାନଙ୍କର ଭ୍ରୂକୁଞ୍ଚନ ସୃଷ୍ଟି କରିଥିଲା। ତାହାକୁ କେନ୍ଦ୍ର କରି ନାନା ଗୁଜବ ମଧ୍ୟ ପ୍ରଚାର ହେବାରେ ଲାଗିଥିଲା। ସେ ଗର୍ଭବତୀ ଥିବା କାରଣରୁ ଲୋକଲୋଚନରୁ ଆସୁ ନାହାନ୍ତି ବୋଲି ଚର୍ଚ୍ଚା ଜୋର୍ ଧରିଥିଲା। ତେବେ ତାଙ୍କ ଅନୁପସ୍ଥିତିର କାରଣ ତାହା ନୁହେଁ, ବୋଲି ବିଶେଷ ସୂତ୍ରରୁ ସ୍ପଷ୍ଟ ହୋଇଛି।
ପ୍ରକୃତରେ ସେ କାର୍ଯ୍ୟବ୍ୟସ୍ତତା ପାଇଁ ଭିନ୍ନ ଭିନ୍ନ ସହରକୁ ଗସ୍ତ କରିବା ଯୋଗୁଁ ତାଙ୍କୁ ଅନ୍ୟମାନେ ଦେଖିପାରିନାହାନ୍ତି ବୋଲି କୁହାଯାଉଛି। ପନ୍ଦର ଦିନ ତଳେ ମୁମ୍ବାଇରେ ଏକ ବ୍ୟାବସାୟିକ ବିଜ୍ଞାପନ ସୁଟିଂରେ ସେ ବ୍ୟସ୍ତ ଥିଲେ। ଗଣପତି ଉତ୍ସବ ଆରମ୍ଭ ହେବାର ତିନି ଚାରି ଦିନ ପୂର୍ବରୁ ସେ ମୁମ୍ବାଇ ବାହାରକୁ ଚାଲିଯାଇଥିଲେ। ସେଦିନ ସେ ବିମାନବନ୍ଦରରେ ସେ ଏକ ପ୍ରାତଃକାଳୀନ ବିମାନ ଧରିଥିବାରୁ ତାଙ୍କୁ ଅନ୍ୟମାନେ ଦେଖିପାରିନଥିଲେ ବୋଲି ଉକ୍ତ ସୂତ୍ରରୁ ଜଣାଯାଇଛି। ଉଲ୍ଲେଖଯୋଗ୍ୟ, କାଟ୍ରିନାଙ୍କୁ ଆଗାମୀ ହିନ୍ଦୀ ସିନେମା ‘ଏକ୍ ଥା ଟାଇଗର’ର ତୃତୀୟ ସଂସ୍କରଣରେ ଦେଖିବାକୁ ମିଳିବ। ସେହିପରି ସେ ଏବେ ‘ମେରି ଖ୍ରୀଷ୍ଟମାସ’ ସିନେମାର ସୁଟିଂରେ ବ୍ୟସ୍ତ ରହିଛନ୍ତି।
[ad_2]
