[ad_1]
ବଲାଙ୍ଗିର: ଝିଅ ପଢ଼ୁଥିଲା ରାଜଧାନୀରେ । ଝିଅକୁ ଦେଖା କରିବାକୁ ବାପା ଭୁବନେଶ୍ୱର ଯାଇଥିଲେ । ଝିଅକୁ ଦେଖା କରି ଟ୍ରେନରେ ଘରକୁ ଫେରୁଥିଲେ । ହେଲେ କିଏ ଜାଣିଥିଲା ଏହି ଦେଖା ତାଙ୍କର ଝିଅକୁ ଶେଷ ଦେଖା ହେବ ବୋଲି । କେଇ ମିନିଟରେ ସବୁକିଛି ଛାରଖାର ହୋଇଗଲା । ଚଳନ୍ତା ଟ୍ରେନରୁ ଖସିପଡି ଚାଲିଗଲା ବାପାଙ୍କ ଜୀବନ । ଏଭଳି ଏକ ଦୁଃଖଦ ଘଟଣା ବଲାଙ୍ଗୀର ଲୋଇସିଂହା ଷ୍ଟେସନରେ ଘଟିଥିଲା ବେଳେ ମୃତ ବ୍ୟକ୍ତି ଜଣକ ହେଲେ ନୂଆପଡା ସିର୍ତ୍ତୋଲ ଗାଁର କେଶବ ମାଝୀ ।
କେଶବଙ୍କ ଝିଅ ଭୁବ ନେଶ୍ୱରରେ ରହି ଏକ ଘରୋଇ କଲେଜରେ ପାଠ ପଢ଼ୁଥିବାବେଳେ ନୂଆଖାଇରେ ଘରେ ହୋଇଥିବା ପିଠାପଣା ନେଇ କେଶବ ଭୁବନେଶ୍ୱର ଆସିଥିଲେ ଝିଅକୁ ଦେଖା କରିବାକୁ । ଝିଅକୁ ଦେଖା କରିସାରି ଘରକୁ ଫେରିଲେ । ହେଲେ ଆଜି ଲୋଇସିଂହା ଷ୍ଟେସନ ନିକଟରେ ଚଳନ୍ତା ଟ୍ରେନରୁ ଖସି ପଡିଥିଲେ କେଶବ । ଆଉ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଗଲା । ତେବେ ମୃତଦେହ ଉଦ୍ଧାର କରି ଜିଆରିପି ପୋଲିସ ବ୍ୟବଚ୍ଛେଦ ପାଇ ପଠାଇଛି । ଆଉ ଘଟଣାର ତଦନ୍ତ ଚଳାଇଛି ପୋଲିସ ।
[ad_2]
