[ad_1]
ନୂଆଦିଲ୍ଲୀ: ମହାରାଷ୍ଟ୍ର ସମେତ ସାରା ଦେଶରେ ଧୁମଧାମରେ ପାଳିତ ହୋଇଛି ଗଣେଶ ପୂଜା । ଜନତାଙ୍କଠୁ ଆରମ୍ଭ କରି ନେତା ଓ କଳାକାରମାନେ ଗଣେଶ ପୂଜାରେ ସାମିଲ ହୋଇଥିଲେ । କଳାକାରମାନେ ବି ବିଭିନ୍ନ ସ୍ଥାନରେ ଗଣେଶ ମଣ୍ଡପ ପରିଦର୍ଶନ କରିଥିଲେ ।
ଏହି କ୍ରମରେ ଦେଖିବାକୁ ଗଲେ ମୁମ୍ବାଇର ପ୍ରସିଦ୍ଧ ଲାଲବାଗ ରାଜାଙ୍କ ଦର୍ଶନ କରିବାକୁ ବଲିଉଡ ତାରକାଙ୍କ ସୁଅ ଛୁଟୁଛି । ପୂର୍ବରୁ ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ, ଅଭିନେତ୍ରୀ ଇଶା ଦେଓଲ ଲାଲବାଗ ରାଜାଙ୍କ ଦର୍ଶନ କରିଥିବା ବେଳେ ପୁଅ ଅବରାମଙ୍କ ସହ କିଙ୍ଗ ଖାନ ଶାହାରୁଖ ଖାନ ଗଣପତି ବାପ୍ପାଙ୍କ ଦର୍ଶନ କରିଥିଲେ । ଏଥିସହିତ ଅଭିନେତ୍ରୀ ଅଦା ଶର୍ମା ଲାଲବାଗ ରାଜାଙ୍କ ଦର୍ଶନ କରି ଫେରିଥିବା ବେଳେ ଡାଇରେକ୍ଟର ଓ କୋରିଓଗ୍ରାଫର ଫରାହ ଖାନ ବି ପହଞ୍ଚିଥିଲେ।
ତେବେ ଫରାହ କୌଣସି ସିକ୍ୟୁରିଟି ଗାର୍ଡ ଓ ଅଙ୍ଗରକ୍ଷୀ ବିନା ଲାଲବାଗରେ ପହଞ୍ଚି ଯାଇଥିଲେ। ତାଙ୍କୁ ଦେଖି ଲୋକେ ଘେରି ଯାଇଥିଲେ। ଲୋକଙ୍କ ମଧ୍ୟରେ ଫସି ଫରହା ଥରିବାକୁ ଲାଗିଥିଲେ। କାହାକୁ କିଛି ନକହି ଭୟଭୀତ ହୋଇଯାଇଥିଲେ। ତାଙ୍କ ସାଙ୍ଗରେ ଯାଇଥିବା ଅନ୍ୟ ମହିଳାମାନେ ବହୁତ କଷ୍ଟରେ ଲୋକଙ୍କ ଭିଡ଼ ଭିତରୁ ଫରହାଙ୍କୁ ବାହାର କରି ବାହାରକୁ ଆଣି ଗାଡ଼ିରେ ବସାଇଥିଲେ।
ତେବେ ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହାକୁ ଦେଖି ସୋସିଆଲ ମିଡିଆ ବ୍ୟବହାରକାରୀ ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି। ଏଥିସହିତ କିଛଲୋକ ଏହି ଘଟଣାକୁ ନେଇ ଫରହାଙ୍କୁ ଟ୍ରୋଲ ବି କରିଛନ୍ତି।
[ad_2]
