[ad_1]
ହାଙ୍ଗଝୁ : ଏହି କ୍ରୀଡାର ସିପକ୍ଟାକ୍ରୋ ଇଭେଣ୍ଟରେ ଭାରତୀୟ ମହିଳା ଦଳ ବିଜୟ ହାସଲ କରିଥିବା ବେଳେ ପୁରୁଷ ଦଳ ପରାଜୟ ବରଣ କରିଛି । ଭାରତୀୟ ମହିଳା ଦଳ ଚୀନକୁ ୨-୧ରେ ପରାସ୍ତ କରିଛି କିନ୍ତୁ ପୁରୁଷ ଦଳ ନିଜ ଗ୍ରୁପରେ ଥାଇଲାଣ୍ଡ୍ ଓ ଫିଲିପାଇନ୍ସଠାରୁ ପରାସ୍ତ ହୋଇଛି । ମହିଳା ଦଳ ରେଗୁ ପ୍ରାରମ୍ଭିକ ଇଭେଣ୍ଟରେ ଭାରତ ଗ୍ରୁପ୍-ଏ’ର ପ୍ରଥମ ମ୍ୟାଚରେ ଭିଏତନାମକୁ ମାତ୍ର ୩୩ ମିନିଟରେ ୦-୨ (୧୬-୨୧, ୧୦-୨୧)ରେ ହରାଇଥିଲା ।
କିନ୍ତୁ ଚୀନକୁ ୨-୧ (୮-୨୧, ୨୧-୧୭, ୨୧-୧୫)ରେ ପରାସ୍ତ କରି ପ୍ରତ୍ୟାବର୍ତ୍ତନ କରିଥିଲା । ପୁରୁଷ ବିଭାଗରେ ଭାରତ ଥାଇଲାଣ୍ଡଠାରୁ ୦-୨ (୧୨-୨୧, ୧୦-୨୧)ରେ ହାରିବା ପରେ ଫିଲିପାଇନ୍ସଠାରୁ ୦-୨ (୨୧-୨୩, ୧୭-୨୧)ରେ ହାରିଯାଇଥିଲା । ପୁରୁଷ ଦଳ ଶୁକ୍ରବାର ବି’ ଗ୍ରୁପ୍ ମ୍ୟାଚରେ ମିଆଁମାରକୁ ଭେଟିବ । ଉଭୟ ପୁରୁଷ ଓ ମହିଳା ବିଭାଗରେ ପ୍ରତି ଗ୍ରୁପର ଶ୍ରେଷ୍ଠ ଦୁଇ ଦଳ ସେମିଫାଇନାଲରେ ପ୍ରବେଶ କରିବେ । ପୁରୁଷ ରେଗୁ ଦଳ ୨୦୧୮ ଜାକର୍ତ୍ତାରେ ବ୍ରୋଞ୍ଜ ପଦକ ଜିତିଥିଲା । ଯାହା ଏସୀୟ କ୍ରୀଡ଼ାରେ ଭାରତର ବର୍ତ୍ତମାନ ସୁଦ୍ଧା ଶ୍ରେଷ୍ଠ ପ୍ରଦର୍ଶନ ହୋଇ ରହିଛି ।
[ad_2]
